شي جينپيڭ بريكس ەلدەرى ونەركاسىپ - ساۋدا تالقى مىنبەرىنىڭ جابىلۋ سالتىنا قاتىناستى ءارى ءسوز سويلەدى
بريكس ەلدەرى باسشىلارىنىڭ بريكس ەلدەرى ونەركاسىپ - ساۋدا القالار كەڭەسىمەن جانە جاڭا وركەندەتۋ بانكەسىمەن تىلدەسۋ ماجىلىسىنە قاتىناستى
جەرگىلىكتى ۋاقىت 11 - ايدىڭ 13 - كۇنى بريكس ەلدەرى ونەركاسىپ - ساۋدا تالقى مىنبەرىنىڭ جابىلۋ سالتى برازيليادا وتكىزىلدى. مەملەكەت ءتوراعاسى شي جينپيڭ قاتىناستى ءارى ءسوز سويلەدى. □ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
جەرگىلىكتى ۋاقىت 11 - ايدىڭ 13 - كۇنى بريكس ەلدەرى ونەركاسىپ - ساۋدا تالقى مىنبەرىنىڭ جابىلۋ سالتى برازيليادا وتكىزىلدى. مەملەكەت ءتوراعاسى شي جينپيڭ قاتىناستى ءارى ءسوز سويلەدى. برازيليانىڭ زۇڭتۇڭى بولسونارو، رەسەيدىڭ زۇڭتۇڭى پۋتين، ءۇندستاننىڭ زۇڭليى مودي، وڭتۇستىك افريكانىڭ زۇڭتۇڭى رامافوسا جابىلۋ سالتىنا بىرگە قاتىناستى.
شي جينپيڭ بىلاي دەپ اتاپ كورسەتتى: ءبىراز ۋاقىتتان بەرى، دۇنيە ءجۇزى جاعدايىندا تاعى دا كوپتەگەن جاڭا وزگەرىستەر جارىققا شىقتى، ورايعا تولى بولدى، سىن - سايىستار دا از ەمەس. جاڭا كەزەكتى عىلىم - تەحنيكا توڭكەرىسى مەن كاسىپ وزگەرىسىنىڭ قوزعاۋشى قۋاتى بىرتىندەپ ىسكە قوسىلىپ، وندىرگىش كۇشتىڭ العا باسۋىنا جانە ەكونوميكا مەن قوعامنىڭ دامۋىنا جاڭا ءورىس اشتى. سونىمەن قاتار قورعامپازدىق، زورەكەرلىك اعىنعا قارسى كوتەرىلىپ، حالىقارالىق ساۋدا مەن قارجى قوسۋعا سوققى بولىپ، دۇنيە ءجۇزى ەكونوميكاسىنىڭ تومەندەۋ قىسىمىن ۇدەتتى. كاسىپورىنداردا سەنىم بولسا، بازاردا ومىرشەڭدىك كۇش بولادى. ونەركاسىپ - ساۋدا سالاسىنداعى دوستاردىڭ ورايدى يگەرىپ، سىن - سايىسقا توتەپ بەرىپ، ءوز ابزالدىلىقتارىن ۇزدىكسىز ساۋلەلەندىرىپ، بريكس ەلدەرىنىڭ ەكونوميكالىق سەلبەستىگىنە جابال ات سالىسىپ جانە ونى ىلگەرىلەتىپ، بريكس ەلدەرىندە بەلسەندى تۇردە قارجى قوسىپ، شارۋاشىلىقتى گۇلدەندىرىپ، ارتۋدى جەبەۋگە، جۇمىستانۋ ورىندارىن اشۋعا ناقتى ۇلەس قوسۋىن ءۇمىت ەتەمىن.
شي جينپيڭ بىلاي دەپ اتاپ كورسەتتى: بريكس ەلدەرىنىڭ جاڭا ونەركاسىپ توڭكەرىسى سەرىكتەستىك قارىم - قاتىناسى − كەلەسى ساتىداعى بريكس ەكونوميكالىق سەلبەستىگىنىڭ ماڭىزدى تۇتقاسى. باتىلدىقپەن الدىمەن جۇرگىزىپ، الدىمەن سىناق جاساپ، كاسىپورىن سەلبەستىگىن جاڭا ونەركاسىپ توڭكەرىسىنىڭ سەرىكتەستىك قارىم - قاتىناسىمەن ۇشتاستىرىپ، جاڭالىق اشۋ، سيفرلى ەكونوميكا، جاسىل ەكونوميكا سياقتى سالالاردا اناعۇرلىم كوپ كورنەكتى جەتىستىكتەرگە جەتۋگە ۇمتىلىپ، بەس ەل ەكونوميكاسىنىڭ جوعارى ساپالى دامۋدى جۇزەگە اسىرۋىنا دەم بەرۋ كەرەك.
شي جينپيڭ بىلاي دەپ اتاپ كورسەتتى: قازىر ەكونوميكانىڭ جاھاندانۋى قارسى داۋىلعا جولىعىپ وتىر. ءار ەلدىڭ ەكونوميكا - ساۋدا، قارجى قوسۋ قارىم - قاتىناسىنا كەدەرگى كەلتىرەتىن قيىن تۇيىندەر مەن تالماۋ تۇيىندەردى تاۋىپ، شىنايى دا ۇتىمدى شەشۋ ۇسىنىستارىن العا قويىپ، ۇكىمەتتىڭ كاسىپ سالاسى مەن بازاردىڭ تالاپ - قاجەتىن ونان ارى جاقسى تۇسىنۋىنە، شەشىم جاساۋ دەڭگەيىن جوعارىلاتۋىنا كومەكتەسۋ كەرەك.
شي جينپيڭ بىلاي دەپ باسا دارىپتەدى: جۇڭگونىڭ دامۋى − دۇنيە جۇزىنە وراي. بولاشاق الدىندا جۇڭگونىڭ سىرتقا ەسىكتى ايقارا اشۋ بەكىمى وزگەرگەن جوق، جۇڭگو ەكونوميكاسىنىڭ ۇزاق ۋاقىت جاقسارۋ اۋقىمى وزگەرگەن جوق. ءبىز بازاردى ونان ارى اشىپ، يمپورتتى كەڭەيتىپ، شارۋاشىلىق - ساۋدا ورتاسىن ۇزدىكسىز جاقسارتىپ، كاسىپورىندارعا اناعۇرلىم جاقسى دامۋ شارت - جاعدايىن ازىرلەيمىز. ”ءبىر بەلدەۋ، ءبىر جول“دى بىرگە قۇرۋ جوعارى ساپالى دامۋدىڭ جاڭا ساتىسىنا ءوتتى، كاسىپورىنشىلاردىڭ ورايدى يگەرىپ، بەلسەنە ات سالىسىپ، اناعۇرلىم كوپ سەلبەستىك جەتىستىكتەرىنە قول جەتكىزۋىن ءۇمىت ەتەمىن.
بريكس ەلدەرىنىڭ ونەركاسىپ - ساۋدا سالاسىنداعى ۋاكىلدەردەن 600 دەي ادام جابىلۋ سالتىنا قاتىناستى.
سول كۇنى كەشتە، شي جينپيڭ مەن حانىمى پىڭ لييۋان بولسونارو مەن حانىمىنىڭ بريكس ەلدەرى باسشىلارىنىڭ ءديدارلاسۋىنا ارناپ وتكىزگەن قارسى الۋ قوناقاسىنا قاتىناستى ءارى ادەبيەت - كوركەمونەر كونسەرتىن بىرگە تاماشالادى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.
شينحۋا اگەنتتىگىنىڭ 11 - ايدىڭ 14 - كۇنى برازيليادان بەرگەن حابارى(تىلشىلەر شۇي لينگۇي، جياڭ گوپىڭ). جەرگىلىكتى ۋاقىت 11 - ايدىڭ 14 - كۇنى بريكس ەلدەرى باسشىلارىنىڭ بريكس ەلدەرى ونەركاسىپ - ساۋدا القالار كەڭەسىمەن جانە جاڭا وركەندەتۋ بانكەسىمەن تىلدەسۋ ءماجىلىسى برازيليادا وتكىزىلدى. جۇڭگونىڭ مەملەكەت ءتوراعاسى شي جينپيڭ، برازيليانىڭ زۇڭتۇڭى بولسونارو، رەسەيدىڭ زۇڭتۇڭى پۋتين، ءۇندىستاننىڭ زۇڭليى مودي، وڭتۇستىك افريكانىڭ زۇڭتۇڭى رامافوسا بىرگە قاتىناستى.
بەس ەلدىڭ باسشىلارى بريكس ەلدەرى ونەركاسىپ - ساۋدا القالار كەڭەسى، جاڭا وركەندەتۋ بانكەسى ۋاكىلدەرىنىڭ قىزمەت مالىمەتىن تىڭداپ، ونەركاسىپ - ساۋدا القالار كەڭەسىنىڭ ۋاكىلى تاپسىرعان جىلدىق قىزمەت بايانداماسىن قابىلدادى ءارى جەكە - جەكە ءسوز سويلەدى.
شي جينپيڭ سوزىندە ونەركاسىپ - ساۋدا القالار كەڭەسى مەن جاڭا وركەندەتۋ بانكەسىنىڭ قىزمەتىن تولىق تۇراقتاندىرىپ، ەكى قۇرىلىمنىڭ ءورىس اشا العا ىلگەرىلەۋدەي كاسىپورىنشىلار رۋحىن ساۋلەلەندىرىپ، قايراتتانا ءىس تىندىرىپ، بريكس ەلدەرىنىڭ، بازارى جاڭادان گۇلدەنىپ كەلە جاتقان قالىڭ ەلدەردىڭ جانە وركەندەپ كەلە جاتقان ەلدەردىڭ ەكونوميكالىق، قوعامدىق دامۋىنا اناعۇرلىم زور ۇلەس قوسۋىن ءۇمىت ەتتى.
شي جينپيڭ بىلاي دەپ باسا دارىپتەدى: جاڭالىق اشۋ، سيفرلى ەكونوميكا سياقتى سالالارداعى سەلبەستىكتى ىشكەرىلەي ورىستەتىپ، ءتىپتى دە كوپ سارا نىسانداردى قالىپتاستىرۋ كەرەك. بريكس ەلدەرىمەن ىشكى - سىرتقى سەلبەستىك مەحانيزمىندە سايكەسىپ، ونىمدىلىكتى ارتتىرۋدى جانە بايلانىستى سايكەستىرۋدى كۇشەيتىپ، ۇكىمەت تاراۋلارىنا ۇزبەي سىندارلى ۇسىنىس - پىكىر بەرىپ، ءار ەلدىڭ تيجارات - ساۋدا ورتاسىن ۇزدىكسىز جاقسارتۋىنا كومەكتەسۋ كەرەك. ەكونوميكالىق ونىمدىلىككە ءمان بەرۋمەن بىرگە، قوعامدىق جاۋاپكەرشىلىكتى دە ارقالاپ، حالىقتىڭ قۇت - ىرىسىمەن ساناسۋ كەرەك. جوعارى ساپالى، باياندى، سيىسىمدى نەگىزدىك قۇرىلعىلاردى قۇرۋ جاعىندا سەلبەستىكتى كۇشەيتىپ، جاسىل، ورتانى قورعاۋ تەحنيكالارىن اشۋ، جالپىلاستىرۋ كەرەك. ىشكى جاقتاعى قۇرىلىستى كۇشەيتىپ، ساياساتتىق دەڭگەي مەن زەرتتەۋ قابىلەتىن جوعارىلاتىپ، جاڭا وركەندەتۋ بانكەسىنىڭ مۇشەلەردى كوبەيتۋ دايىندىق قىزمەتىن جاقسى ىستەۋ كەرەك.
بريكس ەلدەرى باسشىلارى سوزدەرىندە ونەركاسىپ - ساۋدا القالار كەڭەسىنىڭ، جاڭا وركەندەتۋ بانكەسىنىڭ ىستەگەن قىزمەتتەرىن تۇراقتاندىرىپ، ەكى قۇرىلىمنىڭ بريكس ەلدەرى مەن باسقا دا بازارى جاڭادان گۇلدەنىپ كەلە جاتقان ەلدەردىڭ جانە وركەندەپ كەلە جاتقان ەلدەردىڭ نەگىزدىك قۇرىلعىلارى مەن باياندى دامۋ نىساندارىنا قارجى قۇراۋ قابىلەتىن كۇشەيتۋدە تيەسىلى رولىن ساۋلەلەندىرۋىن ءۇمىت ەتتى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار قاتىناستى.
