گرەتسياداعى مەملەكەت ىستەرى ساپارىن اياقتاتىپ
شي جينپيڭ برازيلياعا كەلدى، بريكس ەلدەرى باسشىلارىنىڭ 11 - رەتكى ءديدارلاسۋىنا قاتىناسادى
جەرگىلىكتى ۋاقىت 11 - ايدىڭ 12 - كۇنى كەشتە مەملەكەت ءتوراعاسى شي جينپيڭ ارناۋلى ۇشاقپەن برازيلياعا كەلدى، بريكس ەلدەرى باسشىلارىنىڭ 11 - رەتكى ءديدارلاسۋىنا قاتىناسادى.
شي جينپيڭ مەن حانىمى پىڭ لييۋان باسپالداقتان باياۋ ءتۇستى، برازيليا ۇكىمەتىنىڭ جوعارى دارەجەلى ءمانساپتىلارى باسپالداقتىڭ جانىندا تۇرىپ قارسى الدى. برازيليا اۋە ارمياسى بازاسىنىڭ سىليڭى شي جينپيڭ مەن ونىڭ حانىمىنا قۇرمەت سالەمىن بەردى، اۋە ارمياسى كەرنايشىسى كەرناي تارتىپ قۇرمەت ءبىلدىردى. قۇرمەت قاراۋىلى قىزىل كىلەمنىڭ ەكى شەتىندە ءتىزىلىپ، قۇرمەتپەن قاراپ تۇردى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلى جول سەرىكتەرى وسى ۇشاقپەن بىرگە باردى.
جۇڭگونىڭ برازيليادا تۇراتىن باس ەلشىسى ياڭ ۋانميڭ دە اۋەجايعا كەلىپ قارسى الدى.
شي جينپيڭ گرەتسياداعى مەملەكەت ىستەر ساپارىن اياقتاتقاننان كەيىن برازيلياعا كەلدى. افينادان اتتانعان كەزدە، گرەتسيانىڭ سىرتقى ىستەر مينيسترى دىڭديياس اۋەجايعا بارىپ اتتاندىرىپ سالدى.
