جەرگىلىكتى ۋاقىت 11 - ايدىڭ 12 - كۇنى مەملەكەت ءتوراعاسى شي جينپيڭ افينادا گرەتسيانىڭ بۇرىنعى زۇڭليى تسيپراسپەن كەزدەستى.
شي جينپيڭ تسيپراستىڭ گرەتسيا زۇڭليى بولعان كەزدە جۇڭگو مەن گرەتسيانىڭ دوستىعى مەن سەلبەستىگىن ىلگەرىلەتۋ ءۇشىن كورسەتكەن قۇلشىنىستارىن ايرىقشا القادى. شي جينپيڭ بىلاي دەپ اتاپ كورسەتتى: مەملەكەت پەن مەملەكەتتىڭ بارىس - كەلىسى مۇددەنى دارىپتەۋى ءتيىس، ونان دا ماڭىزدىسى، ادامگەرشىلىككە ءمان بەرۋ كەرەك. بىرەۋگە ءراۋشان سيلاساڭ، قولىڭدا ءيىسى قالادى دەگەن. جۇڭگو جاق گرەتسيا ۇكىمەتى مەن حالقىنىڭ فينانس داعدارىسىنىڭ ىقپالىنا توتەپ بەرۋىنە باتىل قولداۋ كورسەتىپ، ەكى ەلدىڭ ناقتى سەلبەستىگىن تاباندىلىقپەن ىلگەرىلەتەدى. مەن گرەتسيا ەكونوميكاسىنىڭ قىسپاقتان شىعىپ، قالپىنا كەلۋ مەن ارتۋدى جۇزەگە اسىرعاندىعىن كورىپ قاباعات قۋاندىم، جۇڭگو مەن گرەتسيانىڭ سەلبەستىگى دە ماڭىزدى جەتىستىككە قول جەتكىزدى، اسىرەسە، پيراەۋس پورتى نىسانىندا تىڭ ىلگەرىلەۋشىلىك بولىپ، ءوزارا پايدا جەتكىزۋ، تەڭ يگىلىكتەنۋ جۇزەگە استى. جۇڭگو مەن گرەتسيانىڭ ”ءبىر بەلدەۋ، ءبىر جول“دى بىرگە قۇرۋىنىڭ گرەتسيانىڭ وڭىردەگى قاتىناس جانە زات جەتكىزۋ تورابى ورنى بولۋ نىساناسىن جۇزەگە اسىرۋىنا دەم بەرەتىندىگىنە، جۇڭگو − ورتا، شىعىس ەۆروپا ەلدەرى سەلبەستىگىن پارمەندى تۇردە جەتەكتەيتىندىگىنە، ەكى ەلدىڭ كەلەشەكتەگى سەلبەستىك بولاشاعىنىڭ اناعۇرلىم كەڭ بولاتىندىعىنا سەنەمىن. ءسىزدىڭ جانە ءسىز باسشىلىق ەتكەن پارتيانىڭ جۇڭگو - گرەتسيا قارىم - قاتىناسىنىڭ دامۋىنا ۇزدىكسىز قولداۋ كورسەتۋىن ءۇمىت ەتەمىن.
تسيپراس مىنالاردى ءبىلدىردى: مەن گرەتسيانىڭ زۇڭليى بولعان كەز گرەتسيانىڭ قارىز داعدارىسىنىڭ قىسپاعىندا قالعان كەزى ەدى. جۇڭگو كومەك قولىن سوزىپ، گرەتسيانىڭ داعدارىستان قۇتىلۋىنا كومەكتەستى. شىنايى سۇيىسپەنشىلىك قيىن ساتتە بايقالادى. گرەتسيا حالقىنىڭ جۇڭگونىڭ قىمباتتى كومەگىن جۇرەگىندە بەرىك ساقتاۋىن، كوڭىلىندە العىس بولۋىن، جۇڭگو حالقىن ناعىز دوس ساناۋىن ءۇمىت ەتەمىن. گرەتسيا ءتوراعا شي جينپيڭ ورتاعا قويعان ”ءبىر بەلدەۋ، ءبىر جول“ باستاماسىن ايرىقشا القايدى، جۇڭگو شالعاي مۇحيت تەڭىز تاسىمالى پيراەۋس پورت نىسانى سەلبەستىگىنىڭ ۇزدىكسىز بەلسەندى ناتيجە بەرگەندىگىن كورىپ قاباعات قۋاندىم. مەن جانە مەن باسشىلىق ەتكەن ساياسي پارتيا جۇڭگو كوممۋنيستىك پارتياسىمەن پارتيالار ارا اۋىس - كۇيىستى كۇشەيتىپ، گرەتسيا - جۇڭگو، ەۆروپا - جۇڭگو قارىم - قاتىناسىنىڭ دامۋىن ۇزدىكسىز بەلسەنە جەبەيدى.
ديڭ شۋەشياڭ، ياڭ جيەچى، ۋاڭ ي قاتارلىلار كەزدەسۋگە قاتىناستى.
