شي جينپيڭ گرەتسيادا مەملەكەت ىستەرى ساپارىندا بولۋ ءارى برازيلياعا بارىپ بريكس ەلدەرى باسشىلارىنىڭ 11 - رەتكى ءديدارلاسۋىنا قاتىناسۋ ءۇشىن بەيجيڭنەن اتتاندى
مەملەكەت ءتوراعاسى شي جينپيڭ 11 - ايدىڭ 10 - كۇنى ارناۋلى ۇشاقپەن بەيجيڭنەن اتتاندى، گرەتسيا رەسپۋبليكاسىنىڭ زۇڭتۇڭى پاۆلوپوۋلوستىڭ، برازيليا فەدەراتسيالىق رەسپۋبليكاسىنىڭ زۇڭتۇڭى بولسونارونىڭ ۇسىنىسىمەن گرەتسيادا مەملەكەت ىستەرى ساپارىندا بولادى ءارى برازيلياعا بارىپ برازيليادا وتەتىن بريكس ەلدەرى باسشىلارىنىڭ 11 - رەتكى ءديدارلاسۋىنا قاتىناسادى.
شي جينپيڭگە سەرىك بولىپ ءتوراعا شي جينپيڭنىڭ حانىمى پىڭ لييۋان، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق سىرتقى ىستەر قىزمەتى كوميتەتى كەڭسەسىنىڭ مەڭگەرۋشىسى ياڭ جيەچى، مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي، مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ قاتارلىلار بىرگە ساپارعا اتتاندى.
