شي جينپيڭ جۇڭگو عىلىم اكادەمياسى قۇرىلعاندىعىنىڭ 70 جىلدىعىن حات جولداپ قۇتتىقتاپ، بىلاي دەپ باسا دارىپتەدى
ءتول جاسامپازدىق وشاعىن جەدەل سومداپ، شەشۋشى، وزەكتى تەحنيكالاردا تىڭ ناتيجەگە جەتۋدى تەزدەتىپ، ەلىمىزدى دۇنيە جۇزىندەگى عىلىم - تەحنيكادا قۋاتتى ەل ەتىپ قۇرىپ شىعۋعا جاڭا دا اناعۇرلىم زور ۇلەس قوسۋ كەرەك
لي كىچياڭ بەكىتۋ جازدى
قۇتتىقتاۋ حات
جۇڭگو عىلىم اكادەمياسى قۇرىلعاندىعىنىڭ 70 جىلدىعى بايلانىسىمەن، مەن پارتيا ورتالىق كوميتەتى اتىنان سىزدەردى قىزۋ قۇتىقتايمىن! بۇكىل اكادەمياداعى عىلىم - تەحنيكا قىزمەتكەرلەرىنە جانە كادرلارعا، جۇمىسشى - قىزمەتكەرلەرگە شىنايى سالەم جولدايمىن!
70 جىلدان بەرى، پارتيانىڭ پارمەندى باسشىلىعىندا، جۇڭگو عىلىم اكادەمياسى جۇرەكتىلىكپەن ىزدەنىس جاساپ، ءورىس اشا جاڭالىق اشىپ، باتىلدىقپەن امالياتتان وتكىزىپ، مەملەكەتتىڭ جالپى جاعدايىنا قاتىستى قىرۋار كەلەلى عىلىم - تەحنيكا ماسەلەلەرىن شەشتى، دامۋعا تۇساۋ بولعان قىرۋار شەشۋشى، وزەكتى تەحنيكالاردا تىڭ ناتيجە جاراتتى، ماڭداي الدى ورەدەگى قىرۋار ءتول جاسامپازدىق تابىستارعا قول جەتكىزدى، جاڭا جۇڭگونىڭ عىلىم - تەحنيكادا جاڭالىق اشۋىنىڭ شۇعىلالى داستانىن جازدى. جۇڭگو عىلىم اكادەمياسىنداعى نەشە ۇرپاق عالىمداردىڭ شىندىققا جۇگىنىپ، ناقتى ءىس ىستەگەن، مەملەكەتكە ەڭبەك ءسىڭىرىپ، حالىق ءۇشىن قىزمەت ەتكەن، قالتقىسىز ۇلەس قوسقان ۇزدىك ىزگى ىستەرى ەلىمىزدەگى قالىڭ زيالىلاردىڭ وتانشىلدىق سۇيىسپەنشىلىگى مەن وسكەلەڭ قاسيەتىن تولىق ايگىلەدى.
قازىرگى زامانعى دۇنيە جۇزىندە جاڭالىق اشۋ − دامۋعا ءجون سىلتەيتىن ءبىرىنشى قوزعاۋشى كۇش. جۇڭگو عىلىم اكادەمياسىنىڭ اۋەلگى ماقساتتى ۇمىتپاي، بورىشتى ەستە بەرىك ساقتاپ، ستراتەگيالىق ورايدى مىقتاپ يگەرىپ، رەفورمانىڭ الدىڭعى لەگىندە قاسقايىپ تۇرىپ، عىلىم - تەحنيكا شىڭىنا باتىلدىقپەن شىعىپ، ءتول جاسامپازدىق وشاعىن جەدەل سومداپ، شەشۋشى، وزەكتى تەحنيكالاردا تىڭ ناتيجەگە جەتۋدى تەزدەتىپ، عىلىم - تەحنيكانىڭ بيىگىن قۇلشىنا باعىندىرىپ، ەلىمىزدى دۇنيە جۇزىندەگى عىلىم - تەحنيكادا قۋاتتى ەل ەتىپ قۇرىپ شىعۋعا جاڭا دا اناعۇرلىم زور ۇلەس قوسۋىن ءۇمىت ەتەمىن.
شي جينپيڭ
2019 - جىلى 11 - ايدىڭ 1 - كۇنى
جۇڭگو عىلىم اكادەمياسى قۇرىلعاندىعىنىڭ 70 جىلدىعى بايلانىسىمەن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ حات جولداپ، پارتيا ورتالىق كوميتەتى اتىنان بۇكىل اكادەمياداعى عىلىم - تەحنيكا قىزمەتكەرلەرىنە جانە كادرلارعا، جۇمىسشى - قىزمەتكەرلەرگە شىنايى سالەم جولدادى.
شي جينپيڭ قۇتتىقتاۋ حاتىندا بىلاي دەپ اتاپ كورسەتتى: 70 جىلدان بەرى، پارتيانىڭ پارمەندى باسشىلىعىندا جۇڭگو عىلىم اكادەمياسى جۇرەكتىلىكپەن ىزدەنىس جاساپ، ءورىس اشا جاڭالىق اشىپ، باتىلدىقپەن امالياتتان وتكىزىپ، مەملەكەتتىڭ جالپى جاعدايىنا قاتىستى قىرۋار كەلەلى عىلىم - تەحنيكا ماسەلەلەرىن شەشتى، دامۋعا تۇساۋ بولعان ءبىر قىدىرۋ شەشۋشى، وزەكتى تەحنيكالاردا تىڭ ناتيجە جاراتتى، ماڭداي الدى ورەدەگى قىرۋار ءتول جاسامپازدىق تابىستارعا قول جەتكىزدى، جاڭا جۇڭگونىڭ عىلىم - تەحنيكادا جاڭالىق اشۋىنىڭ شۇعىلالى داستانىن جازدى. جۇڭگو عىلىم اكادەمياسىنداعى نەشە ۇرپاق عالىمداردىڭ شىندىققا جۇگىنىپ، ناقتى ءىس ىستەگەن، مەملەكەتكە ەڭبەك ءسىڭىرىپ، حالىق ءۇشىن قىزمەت ەتكەن، قالتقىسىز ۇلەس قوسقان ۇزدىك ىزگى ىستەرى ەلىمىزدەگى قالىڭ زيالىلاردىڭ وتانشىلدىق سۇيىسپەنشىلىگى مەن وسكەلەڭ قاسيەتىن تولىق ايگىلەدى.
شي جينپيڭ بىلاي دەپ باسا دارىپتەدى: قازىرگى تاڭداعى دۇنيە جۇزىندە جاڭالىق اشۋ − دامۋعا ءجون سىلتەيتىن ءبىرىنشى قوزعاۋشى كۇش. جۇڭگو عىلىم اكادەمياسىنىڭ اۋەلگى ماقساتتى ۇمىتپاي، بورىشتى ەستە بەرىك ساقتاپ، ستراتەگيالىق ورايدى مىقتاپ يگەرىپ، رەفورمانىڭ الدىڭعى لەگىندە قاسقايىپ تۇرىپ، عىلىم - تەحنيكا شىڭىنا باتىلدىقپەن شىعىپ، ءتول جاسامپازدىق وشاعىن جەدەل سومداپ، شەشۋشى، وزەكتى تەحنيكالاردا تىڭ ناتيجەگە جەتۋدى تەزدەتىپ، عىلىم - تەحنيكانىڭ بيىگىن قۇلشىنا باعىندىرىپ، ەلىمىزدى دۇنيە جۇزىندەگى عىلىم - تەحنيكادا قۋاتتى ەل ەتىپ قۇرىپ شىعۋعا جاڭا دا اناعۇرلىم زور ۇلەس قوسۋدى ءۇمىت ەتەمىن.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ جازىپ، بىلاي دەپ اتاپ كورسەتتى: جۇڭگو عىلىم اكادەمياسى قۇرىلعان 70 جىلدان بەرى، مەملەكەتتىڭ كەلەلى قاجەتىنە بەت الۋعا تاباندى بولىپ، عىلىممەن بىرگە ىلگەرىلەپ، كەسەك تابىستارعا قول جەتكىزىپ، دارىندىلار توپ - توبىمەن شىعىپ، مەملەكەتتىڭ عىلىم - تەحنيكا العاباسارلىعىن جانە ەكونوميكالىق، قوعامدىق دامۋدى ىلگەرىلەتۋگە كەلەلى ۇلەس قوستى. الەمدەگى جاڭا كەزەكتى عىلىم - تەحنيكا جانە كاسىپ سالاسى توڭكەرىسى الدىندا، جۇڭگو عىلىم اكادەمياسى ماڭىزدى مىندەت ارقالاپ وتىر. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، دامۋعا جاڭالىق اشۋ ارقىلى دەم بەرۋ ستراتەگياسىن اتقارىپ، بولاشاق عىلىم - تەحنيكاسىنىڭ دامۋ الدىڭعى لەگىن جانە مەملەكەتتىڭ بولاشاقتىق دامۋ قاجەتىن كوزدەپ، عىلىم - تەحنيكا ءتۇزىلىسى رەفورماسىن تەرەڭدەتۋگە كۇش سالىپ، تاماشا جاڭالىق اشۋ ەكولوگياسىن جەتىلدىرىپ، زاڭدىلىققا قۇرمەت ەتىپ، نەگىزدىك زەرتتەۋ نەگىزىن بەكەمدەپ، حالىقارالىق سەلبەستىكتى كۇشەيتىپ، عالىم رۋحىن اسقاقتاتىپ، عىلىم - تەحنيكا زەرتتەۋ سالاسىندا ءتىپتى دە كوپ شىڭدارعا تاعى شىعىپ، شەشۋشى، وزەكتى تەحنيكالاردان قامال الۋدا اناعۇرلىم كوپ تىڭ تابىسقا قول جەتكىزىپ، تاڭداۋلى عىلىم - تەحنيكا دارىندىلارىن باۋلۋ جاعىندا اناعۇرلىم كوپ جەتىستىككە جەتىپ، عىلىم - تەحنيكادا قۋاتتى ەل قۇرۋعا اناعۇرلىم زور ۇلەس قوسۋ كەرەك.
11 - ايدىڭ 1 - كۇنى تۇستەن بۇرىن جۇڭگو عىلىم اكادەمياسى اكادەميا قۇرىلعاندىعىنىڭ 70 جىلدىعىن قۇتتىقتاۋ جينالىسىن وتكىزدى، جينالىستا شي جينپيڭنىڭ قۇتتىقتاۋ حاتى جانە لي كىچياڭنىڭ بەكىتۋى وقىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى ليۋ حى جينالىستا ءسوز سويلەدى. ول بىلاي دەدى: باس شۋجي شي جينپيڭنىڭ قۇتتىقتاۋ حاتى جۇڭگو عىلىم اكادەمياسىنىڭ 70 جىلدان بەرى قول جەتكىزگەن وراسان زور ناتيجەسىن تولىق تۇراقتاندىردى، سونداي - اق جۇڭگو عىلىم اكادەمياسىنىڭ كەلەشەك دامۋىنا ايقىن بەتالىس كورسەتىپ بەردى. 70 جىلدان بەرى، جۇڭگو عىلىم اكادەمياسىنداعى قالىڭ عىلمي زەرتتەۋ قىزمەتكەرلەرى قيىندىقتاردان قامال الىپ، باتىلدىقپەن شىڭعا شىعىپ، بۇكىل الەمدى جالت قاراتقان تالاي - تالاي كەلەلى عىلىم - تەحنيكا جەتىستىكتەرىنە قول جەتكىزىپ، جىر ەتەرلىك، جان تەبىرەنتەرلىك كوپتەگەن ۇزدىك ىزگى ىستەردى قالدىردى. جۇڭگو عىلىم اكادەمياسىنىڭ كەلەشەك دامۋ بارىسىندا كۇش ۇستىنە كۇش قوسىپ، نەگىزدىك زەرتتەۋ بارىسىندا تىرەكتىلىك رولىن ساۋلەلەندىرۋىن، شەشۋشى، وزەكتى تەحنيكالاردان قامال الۋ بارىسىندا جالىندى قوسىن رولىن ساۋلەلەندىرۋىن، عىلىم - تەحنيكا ءتۇزىلىسى رەفورماسىن تەرەڭدەتۋ بارىسىندا باستاماشىلدىق رولىن ساۋلەلەندىرۋىن، جوعارى دەڭگەيدەگى عىلىم - تەحنيكا دارىندىلارىن باۋلۋ، جەتىلدىرۋ جاعىندا بەلەستىك رولىن ساۋلەلەندىرۋىن، عالىم رۋحىن اسقاقتاتۋ جاعىندا ونەگەلىك رولىن ساۋلەلەندىرۋىن ءۇمىت ەتەمىن.
جينالىستا جۇڭگو عىلىم اكادەمياسىنىڭ جاۋاپتىلارى جانە اكادەميك ماماندار، جاس عىلمي زەرتتەۋ تىرەكتىلەرى، وقۋشىلاردىڭ ۋاكىلدەرى سوزگە شىقتى.
جۇڭگو عىلىم اكادەمياسى 1949 - جىلى 11 - ايدىڭ 1 - كۇنى قۇرىلعان. 70 جىلدان بەرى، جۇڭگو عىلىم اكادەمياسى ”عىلىم - تەحنيكادا جاڭالىق اشۋدى، مەملەكەتكە قىزمەت وتەۋدى، حالىققا باقىت جاراتۋدى“ بورىش ەتىپ، بۇكىل الەمدى جالت قاراتقان ءبىر توپ كەلەلى عىلىم - تەحنيكا جەتىستىكتەرىنە قول جەتكىزىپ، ەلىمىزدىڭ عىلىم - تەحنيكا العاباسارلىعى، ەكونوميكالىق، قوعامدىق دامۋى جانە مەملەكەت حاۋىپسىزدىگى ءۇشىن ماڭىزدى ۇلەس قوستى.
