2019 ونەركاسىپ ينتەرنەت الەمدىك باسشىلار ءماجىلىسى 10 - ايدىڭ 18 - كۇنى لياۋنيڭنىڭ شىنياڭ قالاسىندا اشىلدى. مەملەكەت ءتوراعاسى شي جينپيڭ قۇتتىقتاۋ حات جولدادى.
شي جينپيڭ بىلاي دەپ اتاپ كورسەتتى: قازىر دۇنيە ءجۇزىنىڭ جاڭا كەزەكتى عىلىم - تەحنيكا توڭكەرىسى مەن كاسىپ سالاسى توڭكەرىسى تەز قارقىنمەن دامىپ كەلەدى، ونەركاسىپ ينتەرنەت تەحنيكاسىندا ۇزدىكسىز جاڭالىق اشىلىپ، ءار ەلدىڭ ەكونوميكاسىنىڭ جاڭالىق اشا دامۋىنا تىڭ قوزعاۋشى قۋات ۇستەدى ءارى دۇنيە ءجۇزى كاسىپ سالاسىن توعىستىرا دامىتۋدى جەبەۋگە تىڭ وراي جاراتتى. جۇڭگو ونەركاسىپ ينتەرنەتىن جاڭالىق اشا دامىتۋعا باسا ءمان بەرىپ، حالىقارالىق قوعاممەن بىرگە ونەركاسىپ ينتەرنەتىنىڭ جاڭالىق اشۋ قابىلەتىن ۇزدىكسىز جوعارىلاتىپ، ونەركاسىپتەندىرۋ مەن ينفورماتسيالاندىرۋدىڭ اناعۇرلىم كەڭ كولەمدە، اناعۇرلىم تەرەڭ دەڭگەيدە، اناعۇرلىم جوعارى ورەدە توعىسا دامۋىنىڭ جۇزەگە اسۋىن ىلگەرىلەتۋدى قالايدى.
