«شي جينپيڭ ەل باسقارۋ جونىندە» 2 - تومىنىڭ از ۇلت تىلدەرىندەگى باسىلىمىن ۇگىتتەۋ، تانىستىرۋ ءماجىلىسى رايونىمىزدا وتكىزىلدى
«شي جينپيڭ ەل باسقارۋ جونىندە» 2 - تومىنىڭ ۇيعۇر تىلىندەگى، قازاق تىلىندەگى، موڭعۇل تىلىندەگى باسىلىمىن ۇگىتتەۋ، تانىستىرۋ ءماجىلىسى 10 - ايدىڭ 16 - كۇنى رايونىمىزدا وتكىزىلدى.
«شي جينپيڭ ەل باسقارۋ جونىندە» 2 - تومىنا باس شۋجي شي جينپيڭنىڭ 2014 - جىلى 8 - ايدىڭ 18 - كۇنىنەن 2017 - جىلى 9 - ايدىڭ 29 - كۇنىنە دەيىنگى ارالىقتا سويلەگەن سوزدەرى، سۇحباتتارى، لەكسيالارى، نۇسقاۋلارى، قۇتتىقتاۋ تەلەگراممالارى سياقتى 99 ماقالاسى ەنگىزىلىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ دامۋ جەلىسى مەن باستى مازمۇندارى شوعىرلى بەينەلەنگەن، ول شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ رۋحاني ءمانىن جانە مول ىشكى مازمۇنىن ۇيرەنۋدىڭ، يگەرۋدىڭ العاشقى ماتەريالى جانە بەدەلدى وقۋلىعى.
«شي جينپيڭ ەل باسقارۋ جونىندە» 2 - تومىنىڭ موڭعۇل، زاڭزۋ، ۇيعۇر، قازاق، چاۋشيان تىلدەرىندەگى نۇسقاسىن جۇڭگو كوممۋنيستىك پارتياسى ورتالىق كوميتەتى ۇگىت ءبولىمى مەملەكەتتىك ۇلت ىستەرى كوميتەتىمەن بىرگە جۇڭگو ۇلتتار ءتىل - اۋدارما مەكەمەسى مەن ۇلتتار باسپاسىن ۇيىمداستىرىپ، اۋدارىپ، باسپادان شىعارىپ تاراتتى، ماقسات − مەملەكەتتە ءبىر تۇتاس قولدانىلاتىن ءتىل - جازۋ قابىلەتىن ازىرلەمەگەن از ۇلت كادر - بۇقاراسىنىڭ اناعۇرلىم جان - جاقتىلى دۇرىس ۇيرەنۋىنە، تۇسىنۋىنە كومەكتەسۋ. اۆتونوميالى رايوندىق پارتكوم ۇگىت ءبولىمى ءبىرسىپىرا ۇيعۇر، قازاق ماماندارىن تاڭداپ جىبەرىپ، وسى رەتكى باسپادان شىعارۋ، اۋدارۋ ۇجىمىمەن بىرگە ۇلتتىق وڭىرلەردىڭ ءىس جۇزىندىك جاعدايىنا نەگىزدەلىپ، جاڭا اتاۋ - تەرميندەردى قاراپ بەكىتتى جانە اۋداردى.
اۆتونوميالى رايوندىق پارتكوم ۇگىت ءبولىمىنىڭ قاتىستى جاۋاپتىلارى تانىستىرۋ ماجىلىسىندە مىنالاردى ءبىلدىردى: كەزەكتە 2 - توپتاعى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيە تىڭعىلىقتى ورىستەتىلۋدە، «شي جينپيڭ ەل باسقارۋ جونىندە» 2 - تومىنىڭ از ۇلت جازۋىنداعى نۇسقاسىن ۇگىتتەۋ، تانىستىرۋ ءدال وسى مەزگىلگە تۋرا كەلىپ وتىر. «شي جينپيڭ ەل باسقارۋ جونىندە» 2 - تومىنىڭ از ۇلت جازۋىنداعى نۇسقاسىن جالپىلاستىرۋ، تاراتۋ قىزمەتىن اناعۇرلىم ويداعىداي ىستەۋ قالىڭ كادرلار مەن بۇقارانىڭ ۇيرەنۋ قاجەتىن اناعۇرلىم جاقسى قاناعاتتاندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جۇرت كوڭىلىنە ءتىپتى دە تەرەڭ ۇيالاۋىنا مۇمكىندىك جاسايدى.
