جەرگىلىكتى ۋاقىت 10 - ايدىڭ 12 - كۇنى كەشتە مەملەكەت ءتوراعاسى شي جينپيڭ كاتماندۋدا نەپال زۇڭتۇڭى بانداري وتكىزگەن سالتاناتتى قارسى الۋ قوناعاسىنا قاتىناستى. نەپالدىڭ ورىنباسار زۇڭتۇڭى پۋ - ىن، زۇڭليى ولي، باس اعا سۋديا لانا، فەدەراتسيالىق پارلامەنت فەدەراتسيا پالاتاسىنىڭ ءتوراعاسى تيميلسينا، بيلىك كەڭسەسىنىڭ بارلىق مۇشەلەرى، نەگىزگى ساياسي پارتيالاردىڭ كوسەمى، كوپتەگەن پارلامەنت مۇشەسى، ۇكىمەتتىڭ جوعارى دارەجەلى ءمانساپتىلارى، بۇرىنعى ساياسي قايراتكەرلەر جانە ءار سالانىڭ ۋاكىلدەرى قاتىناستى.
بانداري ىقىلاسقا تولى ارناۋ ءسوز سويلەپ، نەپال ۇكىمەتى جانە نەپال حالقى اتىنان ءتوراعا شي جينپيڭنىڭ ساپارلاي كەلگەندىگىن توتەنشە قىزۋ قارسى الاتىندىعىن ءبىلدىردى. بانداري مىنانى ءبىلدىردى: ءتوراعا شي جينپيڭنىڭ وسى رەتكى ساپارى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىنا تۋرا كەلدى، نەپال حالقى جۇڭگو حالقىن ەڭ قىزۋ ىنتامەن قۇتتىقتايدى جانە ەڭ شىنايى تىلەك بىلدىرەدى. جۇڭگو باسشىلارىنىڭ كورەگەندىگى، كەمەڭگەرلىگى جانە بارلىق جۇڭگو حالقىنىڭ ىنتىماقتاسا كۇرەس جۇرگىزۋى جۇڭگونىڭ بۇگىنگى شۇعىلالى ناتيجەسىن جاراتتى. جۇڭگونىڭ، ءسوز جوق، ۇزدىكسىز العا قاراي دامىپ، ”قوس 100 جىلدىق“ كۇرەس نىساناسىن ءساتتى جۇزەگە اسىراتىندىعىنا سەنەمىن. جاعراپيالىق شارت - جاعداي نەپال مەن جۇڭگو ەكى ەلدى كورشىگە اينالدىردى، تاريح جانە گۋمانيتارلىق دانەكەر ءبىزدى ەتەنە دوسقا اينالدىردى. نەپال مەن جۇڭگو ەكى ەل باستان - اياق ءوزارا سەنىم ارتىپ، ءوزارا قۇرمەتتەپ كەلەدى، نەپال مەن جۇڭگونىڭ دوستىعى مىزعىمايدى، تەڭىزدەي تەرەڭ، چومولاڭما شىڭىنداي بيىك. كەلەشەكتە نەپال مەن جۇڭگونىڭ دوستىق كەلەشەگىنىڭ اناعۇرلىم كەڭ بولاتىندىعىنا سەنەمىن.
شي جينپيڭ ارناۋ سوزىندە بىلاي دەدى: بۇل مەنىڭ ”داڭق قالاسى“ كاتماندۋعا 1 - رەت ساپارلاي كەلۋىم، كوپتەگەن جاڭا - كونە دوستاردى كەزدەستىرىپ، نەپالدىڭ ساياساتى تابىستى، ەلى بەرەكەلى ەكەندىگىن، حالقى تىنىش ءومىر، الاڭسىز تىرشىلىك كەشىپ جاتقاندىعىن كورىپ، كوڭىلىم شاتتىققا تولىپ، زور ۇمىتتە بولدىم. جۇڭگو پەن نەپال ديپلوماتيالىق قارىم - قاتىناس ورناتقان جارتى عاسىردان استام ۋاقىتتان بەرى، ەكى جاق قول ۇستاسا بىرگە ءجۇرىپ، كورشى ەلدەردىڭ دوستىق بارىس - كەلىسىنىڭ ۇلگىسىن ورناتتى. مەن جانە بانداري زۇڭتۇڭ ەكەۋىمىز بىرگە ەكى جاقتىڭ تار جول، تايعاق كەشۋدەن بىرگە ءوتۋ، سەلبەسىپ، تەڭ يگىلىككە كەنەلۋ رۋحى نەگىزىندە، جۇڭگو مەن نەپالدىڭ دامۋعا جانە گۇلدەنۋگە بەت العان، ۇرپاقتان - ۇرپاققا جالعاساتىن دوستىق ستراتەگيالىق سەلبەستىك سەرىكتەستىك قارىم - قاتىناسىن ورناتۋدى ۇيعاردىق. مەن ەكى ەلدىڭ اناعۇرلىم تىعىز ساياسي قارىم - قاتىناسىن جۇزەگە اسىرۋىن، ەكى ەلدىڭ اناعۇرلىم قولايلى ۇلاستىرۋ - تۇتاستىرۋ تورىن قۇرۋىن، ەكى ەلدىڭ اناعۇرلىم بەرىك حالىق رايى نەگىزىن بەكەمدەۋىن، ەكى ەلدىڭ اناعۇرلىم باي مازمۇنداعى كوپ جاقتى سەلبەستىك ورىستەتۋىن ءۇمىت ەتەمىن. مەنىڭ وسى ءۇمىت ەتكەندەرىم جونىندە نەپال باسشىلارىمەن تۇگەلدەي ورتاق تانىم قالىپتاستىرعاندىعىما، جۇڭگو مەن نەپال قارىم - قاتىناسىنىڭ جاڭا جوباسىن جاساعاندىعىما قاباعات قۋانىشتامىن. مەن ”ءبىر جوبانى سوڭىنا دەيىن جاساۋ“ دەگەندى ۇنەمى ايتامىن. ءبىز قول ۇستاسا قۇلشىنىپ، ەكى ەل قارىم - قاتىناسىنىڭ جاڭا بولاشاعىن بىرگە جازايىق. نەپالدىڭ گۇلدەنىپ - كوركەيۋىن، حالقىنىڭ باقىتتى بولۋىن تىلەيمىن، جۇڭگو مەن نەپال ەكى ەلدىڭ جانە ەكى ەل حالقىنىڭ ۇرپاقتان - ۇرپاققا جالعاسقان دوس بولۋىن تىلەيمىن.
قوناعاسى كەزىندە، نەپال كوركەمونەرشىلەرى جەرگىلىكتى ەرەكشەلىككە يە ءان - ءبي ءنومىرىن ورىندادى، سونداي - اق «كوممۋنيستىك پارتيا بولماسا جاڭا جۇڭگو بولماق ەمەس»، «مەن جانە مەنىڭ وتانىم» سياقتى جالپى جۇرتقا تانىمالى جۇڭگو اندەرىن تەرەڭ سۇيىسپەنشىلىكپەن ورىندادى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار قاتىناستى.
