10 - ايدىڭ 11 - كۇنى مەملەكەت ءتوراعاسى شي جينپيڭ چەننايدا ءۇندىستاننىڭ زۇڭليى موديمەن كەزدەستى. □ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
مەملەكەت ءتوراعاسى شي جينپيڭ 10 - ايدىڭ 11 - كۇنى چەننايدا ءۇندىستاننىڭ زۇڭليى موديمەن كەزدەستى.
شي جينپيڭ قونالقاعا تۇسكەن قوناقجايدان اۆتوكولىككە وتىرىپ ماحاباليپۇرام بايىرعى بۇتحانالار شوعىرىنا قاراي ءجۇردى. جول بويى بارلىق جەردەن ءتوراعا شي جينپيڭنىڭ ۇلكەن سۋرەتى ۇشىراسىپ وتىردى، مىڭداعان، 10 مىڭداعان ءار سالا جۇرتشىلىعى مەن جاس وقۋشىلار جۇڭگو مەن ءۇندىستان ەكى مەملەكەتتىڭ تۋىن ۇستاپ، جولدىڭ ەكى جاعىندا تۇرىپ قارسى الدى، ءساندى ۇلتتىق كيىمدەرىن كيگەن جاس جىگىتتەر مەن قىزدار قۋانىشپەن بارابان سوعىپ، ءان ايتىپ، ءبي بيلەدى.
مودي كىرەبەرىستە كۇتىپ الىپ، شي جينپيڭنىڭ چەننايعا كەلگەنىن قىزۋ قارسى الاتىندىعىن ءبىلدىردى. شي جينپيڭ مىنانى ءبىلدىردى: بىلتىر زۇڭلي مىرزا ەكەۋىمىز ۋحاندا تابىستى كەزدەسۋ وتكىزىپ، جۇڭگو - ءۇندىستان قارىم - قاتىناسىن جاڭا ساتىعا كوتەرىلۋگە جەتەكتەگەن ەدىك. مەن ءسىزدىڭ ءۇندىستاننىڭ وڭتۇستىگىندەگى تاميل نادۋ شتاتىنا كەلۋگە شاقىرعانىڭىزعا وتە قۋانىشتىمىن، مەنىڭ ءۇندىستان تۋرالى تۇسىنىگىم اناعۇرلىم تەرەڭدەيتىن بولدى.
ماحاباليپۇرام بايىرعى بۇتحاناسى جاڭا ەرانىڭ 7 -، 8 - عاسىر ارالىعىندا سالىنعان، ارجۋنا تاس ءمۇسىنى، بەس سوعىس ارباسى عيباداتحاناسى، تەڭىز جاعاسى عيباداتحاناسى سياقتى ەجەلگى ەسكەرتكىشتەردەن قۇرالعان.
مودي شي جينپيڭگە سەرىك بولىپ ءبىر - بىردەن ەكسكۋرسيالادى جانە ءوزى تۇسىنىك جاساپ وتىردى. ەكى ەل باسشىلارى جۇرە ءجۇرىپ كەڭەسىپ، ىشكەرىلەي پىكىرلەسىپ، وركەنيەتتەردىڭ تىلدەسۋىن جانە ءوزارا ونەگە الۋىن تىلگە تيەك ەتتى.
شي جينپيڭ بىلاي دەپ اتاپ كورسەتتى: تاميل نادۋ شتاتىنىڭ جۇڭگومەن بارىس - كەلىسىنىڭ تاريحى ۇزاق، ەرتەدەن - اق جۇڭگومەن تەڭىز ساۋداسىندا تىعىز بايلانىستا بولعان، ەجەلگى جىبەك جولىنىڭ تەڭىزدەگى زات وتكەرمە بەكەتى سانالادى. جۇڭگو مەن ءۇندىستاننىڭ ەكەۋى دە نەشە مىڭ جىلدىق تاريحقا يە وركەنيەتتى بايىرعى ەلدەر، ەكەۋىنىڭ اۋىس - كۇيىسى مەن ءوزارا ونەگە الۋى قازىرگە دەيىن جالعاسۋدا. ەكى ەلدىڭ اعا بۋىندارى قات - قابات كەدەرگىلەردى جەڭىپ، كەڭ كولەمدە اۋىس - كۇيىس ورىستەتىپ، ادەبيەتتىڭ، كوركەمونەردىڭ، فيلوسوفيانىڭ، ءدىننىڭ دامۋىن جانە تارالۋىن ىلگەرىلەتتى، ەكى جاق تا مۇنىڭ مول يگىلىگىن كوردى. جۇڭگو مەن ءۇندىستاننىڭ گۋمانيتارلىق اۋىس - كۇيىسىنىڭ اشۋعا بولاتىن مۇمكىندىكتەرى زور. ەكى جاق كەلەر جىلى جۇڭگو مەن ءۇندىستاننىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن وراي ەتىپ، اناعۇرلىم كەڭ سالادا، اناعۇرلىم تەرەڭ دەڭگەيدە گۋمانيتارلىق اۋىس - كۇيىس ورىستەتىپ، تۇرلىشە وركەنيەتتەردىڭ تىلدەسۋى مەن اۋىس - كۇيىسىن بىرگە دارىپتەپ جانە جەبەپ، ەكى جاقتى قارىم - قاتىناستىڭ دامۋىنا اناعۇرلىم باياندى جەبەۋشى كۇش ۇستەپ، ازيا وركەنيەتىنىڭ تىڭ شۇعىلاسىن جازۋ كەرەك.
مودي مىنالاردى ءبىلدىردى: ءبىز تۇرعان مىناۋ بايىرعى بۇتحانالار شوعىرى ءۇندىستان مادەنيەت مۇرالارى مەن قۇرىلىستارىنىڭ ۇزدىك ۋاكىلدەرى، ءۇندىستان مەن جۇڭگونىڭ ون نەشە عاسىر اتتاعان وركەنيەتتەر اۋىس - كۇيىسى مەن ۇزاق تاريحي بايلانىسىنىڭ كۋاسى. نەشە مىڭ جىلدىق دامۋ ارقىلى ءۇندىستان مەن جۇڭگو ەكى ەل قازىر ماڭىزدى جاڭادان گۇلدەنگەن ەكونوميكالىق تۇلعاعا اينالدى، اۋىس - كۇيىستى، سەلبەستىكتى كۇشەيتۋ ەكى مەملەكەتتىڭ دامۋى جونىنەن ايرىقشا مانگە يە، سونداي - اق كۇللى جەر شارىنىڭ العا باسۋىن، گۇلدەنۋىن جەبەيدى. ءۇندىستان مەن جۇڭگو وركەنيەتى بايىرعى ءارى تەرەڭ وركەنيەتتەر، وعان قامتىلعان پاراسات قازىرگى الەم ءدوپ كەلگەن ءتۇرلى سىن - سايىستاردى شەشۋگە وي جۇلگەسىن ۇسىنا الادى.
شي جينپيڭ موديدىڭ سەرىك بولۋىندا، ءۇندىستاننىڭ بايىرعى وركەنيەتىنىڭ ۋاكىلى بولعان پولودو ءبيى سياقتى ءۇندىستاننىڭ كلاسسيك بيلەرىن تاماشالادى.
جۇلدىز سامسىعان اسپان استىنداعى تەڭىز جاعاسى عيباداتحاناسىندا شەتسىز - شەكسىز ءۇندى مۇحيتىنا قاراپ تۇرىپ، شي جينپيڭ مەن مودي جۇڭگو مەن ءۇندىستاننىڭ ءوز ەلدەرىنىڭ دامۋى تۋرالى اقتارىلا اڭگىمەلەسىپ، ەل باسقارۋ تاجىريبەلەرى جونىندە پىكىر الماستىرىپ، ءبىر اۋىزدان بىلاي دەپ قارادى: جۇڭگو مەن ءۇندىستان ءوزارا قۇرمەت ەتىپ، ءبىر - بىرىنەن ۇيرەنىپ، ءوزارا ونەگە الىپ، قول ۇستاسا وتىرىپ بىرگە دامۋدى، گۇلدەنۋدى جۇزەگە اسىرىپ، جۇڭگو مەن ءۇندىستان سىندى ەكى الىپ وركەنيەتتىڭ ۇلى گۇلدەنۋىن جۇزەگە اسىرۋ كەرەك.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار جوعارىدا اتالعان قيمىلدارعا قاتىناستى.
