جۋىقتا پاپۋا - جاڭا گۆينەيانىڭ ۇستەل دوپ سپورتشىسى روي ءتوراعا شي جينپيڭگە حات جازىپ، ءتوراعا شي جينپيڭنىڭ پاپۋا - جاڭا گۆينەيانىڭ ۇستەل دوپ ىستەرىنىڭ دامۋىنا قولداۋ كورسەتكەندىگىنە شىن جۇرەكتەن العىس ايتىپ، جۇڭگو مادەنيەتىن قىزۋ سۇيەتىندىگىن جانە ەكى ەل قارىم - قاتىناسىنىڭ اناعۇرلىم تاماشا بولۋىن ءۇمىت ەتەتىن تاماشا تىلەگىن ءبىلدىردى. 9 - ايدىڭ 19 - كۇنى مەملەكەت ءتوراعاسى شي جينپيڭ رويعا جاۋاپ حات جازىپ، ەكى ەل جاستارىن جۇڭگو مەن پاپۋا - جاڭا گۆينەيانىڭ دوستىق قارىم - قاتىناسىن تەرەڭدەتۋگە بەلسەندى ۇلەس قوسۋعا ىنتالاندىردى.
شي جينپيڭ حاتىندا بىلتىر پاپۋا - جاڭا گۆينەياعا ساپارلاي بارعان كەزدە روي مەن ساپتاستارىنىڭ جۇڭگولىق جاتتىقتىرۋشىمەن بىرگە جاتتىعىپ جاتقاندىعىن تاماشالاعان كورىنىستى قۋانىشتى بەينەدە ەسكە الىپ، روي مەن پاپۋا - جاڭا گۆينەيا ۇستەل دوپ كومانداسىنىڭ تىنىق مۇحيت سپورت جارىسىندا تاماشا ناتيجەگە قول جەتكىزگەندىگىن قۇتتىقتادى. روي مەن پاپۋا - جاڭا گۆينەيا ۇستەل دوپ كومانداسىنىڭ تاعى دا تاماشا ناتيجەلەر جاراتۋىنا تىلەكتەستىك ءبىلدىردى.
جۇڭگو ۇستەل دوپ شۋەيۋانىنىڭ جاتتىقتىرۋى ارقىلى پاپۋا - جاڭا گۆينەيا ۇستەل دوپ كومانداسى بيىل 7 - ايدا وتكىزىلگەن تىنىق مۇحيت سپورت جارىسىندا 2 كۇمىس مەدال الۋداي تاريحي ەڭ تاماشا ناتيجەگە قول جەتكىزىپ، جەرگىلىكتى ورىندا كۇشتى اڭىس قوزعادى.