شي جينپيڭ تەلەگرامما جولداپ، جۇڭگو ايەلدەر ۆولەيبول كومانداسىنىڭ 2019 - جىلعى دۇنيە جۇزىلىك ايەلدەر ۆولەيبول ساۋىتى جارىسىندا اعا جۇلدەگەر بولعاندىعىن قۇتتىقتادى
قۇتتىقتاۋ تەلەگرامماسى
جۇڭگو ايەلدەر ۆولەيبول كومانداسىنداعى بارلىق سپورتشىلار، جاتتىقتىرۋشىلار:
2019 - جىلعى دۇنيە جۇزىلىك ايەلدەر ۆولەيبول ساۋىتى جارىسىندا سىزدەر ءۇرتىس 11 كەزەك جەڭىسكە جەتۋدەي ماقتانارلىق ناتيجەمەن اعا جۇلدەگەر بولىپ، اعا جۇلدەگەرلىكتى تابىسپەن قورعاپ، وتان مەن حالىققا داڭق اپەردىڭىزدەر. سىزدەر جارىس بارىسىندا مىقتى قارسىلاستاردان تايسالماي، باتىلدىقپەن سايىسىپ، ونەگەلى ونەر كورسەتىپ، ورەلەرىڭىزدى كورسەتىپ، ىنتىماقتاسا سەلبەسەتىن، قايسارلىقپەن سايىساتىن ايەلدەر ۆولەيبول رۋحىن تولىق ايگىلەدىڭىزدەر. مەن سىزدەردى قىزۋ قۇتتىقتايمىن ءارى ىزگى سالەم جولدايمىن!
بيىل جاڭا جۇڭگو قۇرىلعاندىعىنىڭ 70 جىلدىعى، جاڭا جۇڭگو قول جەتكىزگەن كۇللى دۇنيەنى جالت قاراتقان ۇلى جەتىستىكتەر بۇكىل پارتيانىڭ، بۇكىل ەلدەگى ءار ۇلت حالقىنىڭ ءبىر نيەتپەن ىنتىماقتاسىپ، قاجىرلىلىقپەن كۇرەس جۇرگىزۋىندە قولعا كەلگەن. سىزدەردىڭ اسقاق جىگەردى ۇزدىكسىز ساقتاپ، داندايسىماي، ۇشقالاقتىققا سالىنباي، تاعى دا ۇزدىك ناتيجە جاراتۋلارىڭىزدى ءۇمىت ەتەمىن.
شي جينپيڭ
2019 - جىلى 9 - ايدىڭ 29 - كۇنى
(شينحۋا اگەنتتىگىنىڭ 9 - ايدىڭ 29 - كۇنى بەيجيڭنەن بەرگەن حابارى)
شينحۋا اگەنتتىگىنىڭ 9 - ايدىڭ 29 - كۇنى جاپونيانىڭ دابانىنان بەرگەن حابارى. جۇڭگو ايەلدەر ۆولەيبول كومانداسى 2019 - جىلعى دۇنيە جۇزىلىك ايەلدەر ۆولەيبول ساۋىتى جارىسىندا اعا جۇلدەگەر بولىپ، اعا جۇلدەگەرلىكتى تابىسپەن قورعادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ تەلەگرامماسىن جولداپ، جۇڭگو ايەلدەر ۆولەيبول كومانداسىنىڭ بارلىق مۇشەلەرىن، جاتتىقتىرۋشىلارىن قىزۋ قۇتتىقتادى ءارى شىنايى سالەم جولدادى.
شي جينپيڭ بىلاي دەپ اتاپ كورسەتتى: 2019 - جىلعى دۇنيە جۇزىلىك ايەلدەر ۆولەيبول ساۋىتى جارىسىندا سىزدەر ءۇرتىس 11 كەزەك جەڭىسكە جەتۋدەي ماقتانارلىق ناتيجەمەن اعا جۇلدەگەر بولىپ، اعا جۇلدەگەرلىكتى تابىسپەن قورعاپ، وتان مەن حالىققا داڭق اپەردىڭىزدەر. سىزدەر جارىس بارىسىندا مىقتى قارسىلاستاردان تايسالماي، باتىلدىقپەن سايىسىپ، ونەگەلى ونەر كورسەتىپ، ورەلەرىڭىزدى كورسەتىپ، ىنتىماقتاسا سەلبەسەتىن، قايسارلىقپەن سايىساتىن ايەلدەر ۆولەيبول رۋحىن تولىق ايگىلەدىڭىزدەر. مەن سىزدەردى قىزۋ قۇتتىقتايمىن ءارى ىزگى سالەم جولدايمىن.
شي جينپيڭ بىلاي دەپ باسا دارىپتەدى: بيىل جاڭا جۇڭگو قۇرىلعاندىعىنىڭ 70 جىلدىعى، جاڭا جۇڭگو قول جەتكىزگەن كۇللى دۇنيەنى جالت قاراتقان ۇلى جەتىستىكتەر بۇكىل پارتيانىڭ، بۇكىل ەلدەگى ءار ۇلت حالقىنىڭ ءبىر نيەتپەن ىنتىماقتاسىپ، قاجىرلىلىقپەن كۇرەس جۇرگىزۋىندە قولعا كەلگەن. سىزدەردىڭ اسقاق جىگەردى ۇزدىكسىز ساقتاپ، داندايسىماي، ۇشقالاقتىققا سالىنباي، تاعى دا ۇزدىك ناتيجە جاراتۋلارىڭىزدى ءۇمىت ەتەمىن.
2019 - جىلعى دۇنيە جۇزىلىك ايەلدەر ۆولەيبول ساۋىتى جارىسى 9 - ايدىڭ 14 - كۇنىنەن 29 - كۇنىنە دەيىن جاپونيادا وتكىزىلدى، جۇڭگو ايەلدەر ۆولەيبول كومانداسى مىقتى قارسىلاستارىن ارت - ارتىنان جەڭىپ، ءۇرتىس 11 كەزەك جەڭىسكە جەتۋدەي ماقتانارلىق ناتيجەگە قول جەتكىزىپ، دۇنيە جۇزىلىك ساۋىتى جارىسىنىڭ اعا جۇلدەگەرلىگىن تابىسپەن قورعادى. 1981 - جىلى 3 - كەزەكتى دۇنيە جۇزىلىك ايەلدەر ۆولەيبول ساۋىتى جارىسىندا جۇڭگو ايەلدەر ۆولەيبول كومانداسى تۇڭعىش رەتكى دۇنيە جۇزىلىك اعا جۇلدەگەرلىككە قول جەتكىزدى، سونان كەيىن ”ارت - ارتىنان 5 رەت اعا جۇلدەگەر“ بولۋداي شۇعىلالى ناتيجە جاراتتى. 38 جىلدان بەرى جۇڭگو ايەلدەر ۆولەيبول كومانداسى دۇنيە جۇزىلىك ساۋىت جارىسى، دۇنيە جۇزىلىك جۇلدە جارىسى، وليمپيادا قاتارلى 3 ءىرى جارىستا سان رەت ۇزدىك ناتيجە جاراتىپ، ىنتىماقتاسا سەلبەسەتىن، قايسارلىقپەن سايىساتىن ايەلدەر ۆولەيبول رۋحىن قالىپتاستىردى.
