داچيڭ رۋحىن، قۇرىش ادام رۋحىن زور كۇشپەن اسقاقتاتىپ ۇلگى، تۋ بولۋدىڭ، ءجۇز جىلدىق مۇناي الابىن قۇرۋدىڭ كەلەلى جاۋاپكەرشىلىگىن ويداعىداي ارقالايىق

شي جينپيڭ حات جولداپ داچيڭ مۇناي الابى بايقالعاندىعىنىڭ 60 جىلدىعىن قۇتتىقتاپ بىلاي دەپ باسا دارىپتەدى

داچيڭ رۋحىن، قۇرىش ادام رۋحىن زور كۇشپەن اسقاقتاتىپ ۇلگى، تۋ بولۋدىڭ، ءجۇز جىلدىق مۇناي الابىن قۇرۋدىڭ كەلەلى جاۋاپكەرشىلىگىن ويداعىداي ارقالايىق

مەملەكەتتىك كەڭەس قۇتتىقتاۋ تەلەگرامماسىن جولدادى

قۇتتىقتاۋ حاتى

داچيڭ مۇناي الابى بايقالعاندىعىنىڭ 60 جىلدىعى ساتىندە، مەن پارتيا ورتالىق كوميتەتى اتىنان داچيڭ مۇناي الابىنداعى قالىڭ كادرلاردى، جۇمىسشى - قىزمەتكەرلەردى، زەينەتكە، دەمالىسقا شىققان ساقا جولداستاردى جانە وتباسىنداعىلاردى قىزۋ قۇتتىقتايمىن ءارى شىنايى حال سۇرايمىن!

60 جىلدىڭ الدىندا، پارتيا ورتالىق كوميتەتى مۇناي بارلاۋ ستراتەگياسىن شىعىسقا ويىستىرۋ كەلەلى شەشىمىن جاسادى، قالىڭ مۇناي، گەولوگيا قىزمەتكەرلەرى جاپا - ماشاقاتتى كەشە وتىرىپ داچيڭ مۇناي الابىن بايقاپ، جۇڭگونىڭ مۇناي اشۋ تاريحىندا تاريحي بۇرىلىستىق مانگە يە پاراق اشتى. 60 جىلدان بەرى، نەشە ۇرپاق داچيڭدىقتار قاجىرلىلىقپەن شارۋاشىلىق قۇرىپ، كۇش جالعاپ كۇرەس جاساپ، جاپان تۇزدە ەلىمىزدىڭ ەڭ ءىرى مۇناي ءوندىرىس بازاسىن قۇرىپ شىقتى. داچيڭ مۇناي الابىنىڭ سۇبەلى ۇلەسى ۇلى وتاننىڭ تاريحي ەسكەرتكىشىنە كەستەلەندى، داچيڭ رۋحى، قۇرىش ادام رۋحى جۇڭحۋا ۇلتىنىڭ ۇلى رۋحىنىڭ ماڭىزدى قۇرامداس بولىگىنە اينالدى.

جاڭا تاريحي باستامادا، داچيڭ مۇناي الابىنداعى بارلىق كادرلاردىڭ، جۇمىسشى - قىزمەتكەرلەردىڭ اۋەلگى ماقساتتى ۇمىتپاي، بورىشتى ەستە بەرىك ساقتاپ، داچيڭ رۋحىن، قۇرىش ادام رۋحىن زور كۇشپەن اسقاقتاتىپ، ۇزدىكسىز رەفورما جاساپ، جاڭالىق اشىپ، جوعارى ساپالى دامۋدى ىلگەرىلەتىپ، ۇلگى، تۋ بولۋدىڭ، ءجۇز جىلدىق مۇناي الابىن قۇرۋدىڭ كەلەلى جاۋاپكەرشىلىگىن ويداعىداي ارقالاپ، ”قوس 100 جىلدىق“ كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تىڭ دا اناعۇرلىم زور ۇلەس قوسۋىن ءۇمىت ەتەمىن!

شي جينپيڭ

2019 - جىلى 9 - ايدىڭ 26 - كۇنى

 داچيڭ مۇناي الابى بايقالعاندىعىنىڭ 60 جىلدىعى ساتىندە، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ حاتىن جولداپ، پارتيا ورتالىق كوميتەتى اتىنان داچيڭ مۇناي الابىنداعى قالىڭ كادرلاردى، جۇمىسشى - قىزمەتكەرلەردى، زەينەتكە، دەمالىسقا شىققان ساقا جولداستاردى جانە وتباسىنداعىلاردى قىزۋ قۇتتىقتادى ءارى شىنايى حال سۇرادى.

شي جينپيڭ قۇتتىقتاۋ حاتىندا بىلاي دەپ اتاپ كورسەتتى: 60 جىلدىڭ الدىندا، پارتيا ورتالىق كوميتەتى مۇناي بارلاۋ ستراتەگياسىن شىعىسقا ويىستىرۋ كەلەلى شەشىمىن جاسادى، قالىڭ مۇناي، گەولوگيا قىزمەتكەرلەرى جاپا - ماشاقاتتى كەشە وتىرىپ داچيڭ مۇناي الابىن بايقاپ، جۇڭگونىڭ مۇناي اشۋ تاريحىندا تاريحي بۇرىلىستىق مانگە يە پاراق اشتى. 60 جىلدان بەرى، نەشە ۇرپاق داچيڭدىقتار قاجىرلىلىقپەن شارۋاشىلىق قۇرىپ، كۇش جالعاپ كۇرەس جاساپ، جاپان تۇزدە ەلىمىزدىڭ ەڭ ءىرى مۇناي ءوندىرىس بازاسىن قۇرىپ شىقتى. داچيڭ مۇناي الابىنىڭ سۇبەلى ۇلەسى ۇلى وتاننىڭ تاريحي ەسكەرتكىشىنە كەستەلەندى، داچيڭ رۋحى، قۇرىش ادام رۋحى جۇڭحۋا ۇلتىنىڭ ۇلى رۋحىنىڭ ماڭىزدى قۇرامداس بولىگىنە اينالدى..

شي جينپيڭ بىلاي دەپ باسا دارىپتەدى: جاڭا تاريحي باستامادا داچيڭ مۇناي الابىنداعى بارلىق كادرلاردىڭ، جۇمىسشى - قىزمەتكەرلەردىڭ اۋەلگى ماقساتتى ۇمىتپاي، بورىشتى ەستە بەرىك ساقتاپ، داچيڭ رۋحىن، قۇرىش ادام رۋحىن زور كۇشپەن اسقاقتاتىپ، ۇزدىكسىز رەفورما جاساپ، جاڭالىق اشىپ، جوعارى ساپالى دامۋدى ىلگەرىلەتىپ، ۇلگى، تۋ بولۋدىڭ، 100 جىلدىق مۇناي الابىن قۇرۋدىڭ كەلەلى جاۋاپكەرشىلىگىن ويداعىداي ارقالاپ، ”قوس 100 جىلدىق“ كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تىڭ دا اناعۇرلىم زور ۇلەس قوسۋىن ءۇمىت ەتەمىن.

مەملەكەتتىك كەڭەس قۇتتىقتاۋ تەلەگرامماسىن جولداپ، داچيڭ مۇناي الابىنىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى، ورنالاستىرۋلارى بويىنشا رەفورمانى ۇزدىكسىز تەرەڭدەتىپ، وزىندىك قۇندى تومەندەتىپ، ونىمدىلىكتى ارتتىرىپ، مۇنايدى ورنىقتىرۋدان، گازدى مولايتۋدان، ءىش پەن سىرتقا بىردەي ءمان بەرۋدەن جازباي، جاڭا قوزعاۋشى قۋاتتاردى بەلسەندىلىكپەن جەتىلدىرىپ، جوعارى ساپالى دامۋدى كۇش سالا ىلگەرىلەتىپ، ەلىمىزدىڭ مۇنايمەن، گازبەن حاۋىپسىز، ورنىقتى قامداۋىن قامتاماسىز ەتۋ، شىعىس سولتۇستىكتىڭ جاپپاي گۇلدەنۋىن، جان - جاقتى وركەندەۋىن ىلگەرىلەتۋ، ”قوس 100 جىلدىق“ كۇرەس نىساناسىن جانە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن تىڭ دا اناعۇرلىم زور ۇلەس قوسۋىن ءۇمىت ەتتى.

داچيڭ مۇناي الابى بايقالعاندىعىنىڭ 60 جىلدىعىن قۇتتىقتاۋ جينالىسى 9 - ايدىڭ 26 - كۇنى حيلۇڭجياڭ داچيڭدا وتكىزىلدى. جينالىستا شي جينپيڭنىڭ قۇتتىقتاۋ حاتى مەن مەملەكەتتىك كەڭەستىڭ قۇتتىقتاۋ تەلەگرامماسى وقىلدى.

1959 - جىلى 9 - ايدىڭ 26 - كۇنى سۇڭجي 3 - قۇدىعىنان ونەركاسىپتىك مۇناي اتىلىپ شىعىپ، بارلاۋدا داچيڭ مۇناي الابى بايقالدى، وسىدان كەيىن ايبىنى اسقاق، قۇلاشىن كەڭ جايعان مۇناي زور بىرلەسكەن شايقاسى كوتەرىلدى. 60 جىلدان بەرى، داچيڭ مۇناي الابى جيىنى 2 ميلليارد 390 ميلليون تونناعا تاياۋ شيكى مۇناي ءوندىرىپ، ەلىمىزدىڭ وسى زامانعى مۇناي ونەركاسىبى جۇيەسىن ورناتۋعا ەلەۋلى ۇلەس قوسىپ، داچيڭ رۋحىن، قۇرىش ادام رۋحىن جەتىلدىردى.