جاڭا جۇڭگونىڭ كۇرەسكەرلىك سيمفونياسىن شارىقتاتىپ، جاڭا داۋىردەگى كۇرەسكەرلەر ءانىن اسقاقتاتا شىرقاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇدىرەتتى رۋحاني كۇش - قۋات ۇيىستىرايىق

شي جينپيڭ ”ەڭ ارداقتى كۇرەسكەر“لەردى باعالاپ سايلاۋ، ماداقتاۋ - سيلاۋ جانە ۇيرەنۋ، ۇگىتتەۋ قيمىلى جونىندە ماڭىزدى نۇسقاۋ بەرىپ، مىنالاردى باسا دارىپتەدى

جاڭا جۇڭگونىڭ كۇرەسكەرلىك سيمفونياسىن شارىقتاتىپ، جاڭا داۋىردەگى كۇرەسكەرلەر ءانىن اسقاقتاتا شىرقاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇدىرەتتى رۋحاني كۇش - قۋات ۇيىستىرايىق

ۋاڭ حۋنيڭ ماداقتاپ - سيلانعان ”ەڭ ارداقتى كۇرەسكەر“لەرمەن جانە تۋىس - تۋعاندارىنىڭ ۋاكىلدەرىمەن كەزدەستى

 جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا ”ەڭ ارداقتى كۇرەسكەر“لەردى باعالاپ سايلاۋ، ماداقتاۋ - سيلاۋ جانە ۇيرەنۋ، ۇگىتتەۋ قيمىلى جونىندە ماڭىزدى نۇسقاۋ بەرىپ، قايتىس بولعان ”ەڭ ارداقتى كۇرەسكەر“لەردى ساعىنا ەسكە الدى، ماداقتالىپ - سيلانعان جولداستاردى قىزۋ قۇتتىقتادى، ”ەڭ ارداقتى كۇرەسكەر“لەردىڭ تۋىس - تۋعاندارىنا شىنايى سالەم جولدادى.

شي جينپيڭ بىلاي دەپ اتاپ كورسەتتى: جاڭا جۇڭگو قۇرىلعاندىعىنىڭ 70 جىلدىعى قارساڭىندا، ورتالىق كوميتەتتىڭ ۇگىت ءبولىمى سياقتىلار ”ەڭ ارداقتى كۇرەسكەر“لەردەن ۇيرەنۋ، ۇگىتتەۋ قيمىلىن ۇيىمداستىرىپ ورىستەتىپ، جاڭا جۇڭگو قۇرىلعاننان بەرى جارىققا شىققان قاھارمان ۇلگىلەردى باعالاپ سايلاپ شىقتى، ماداقتاپ - سيلادى. بۇل قاھارمانداردىڭ ىزگى ىستەرىنەن ۇيرەنۋ، ءداۋىردىڭ جاڭا ادامىن جەتىلدىرۋ، جاڭا داۋىردەگى ۇزاق جورىق جولىمەن ويداعىداي ءجۇرۋ جونىنەن ەرەكشە ماڭىزدى ءمان الادى.

شي جينپيڭ بىلاي دەپ باسا دارىپتەدى: ەلىمىزدىڭ سوتسياليستىك توڭكەرىسىنىڭ، قۇرىلىسىنىڭ، رەفورماسىنىڭ كەرەمەت ساپارى بارىسىندا، سان ۇرپاق كۇرەسكەرلەر ايانباي ايقاسىپ، تىنباي كۇرەسىپ، ادامدى ەرەكشە اسەرلەندىرگەن سانسىزداعان قاھارمان ۇلگىلەر جارىققا شىقتى. ولار اقىل - پاراساتتارى مەن ماڭداي تەرلەرى، ءتىپتى، ىستىق قاندارى مەن ومىرلەرى ارقىلى مەملەكەتتىڭ باي - قۇدىرەتتى بولۋى، ۇلتتىڭ كوركەيۋى، حالىقتىڭ باقىتى ءۇشىن ماقتان ەتەرلىك ايبىندى تاراۋلار جازدى. ءاربىر تاريحي كەزەڭدەگى قاھارمان ۇلگىلەردىڭ بارلىعى ءبىزدىڭ ارداقتاۋىمىزعا جانە ۇيرەنۋىمىزگە تاتيدى. ”ەڭ ارداقتى كۇرەسكەر“لەردىڭ ۇزدىك ىزگى ىستەرىن كەڭ كولەمدە ۇگىتتەپ، وتانشىلدىق رۋحىن، كۇرەس جاساۋ رۋحىن جالعاستىرىپ، اسقاقتاتىپ، جاڭا جۇڭگونىڭ كۇرەسكەرلىك سيمفونياسىن شارىقتاتىپ، جاڭا داۋىردەگى كۇرەسكەرلەر ءانىن اسقاقتاتا شىرقاپ، قاھارمان ۇلگىلەردىڭ اسەرلى حيكايالارى ارقىلى بۇكىل پارتيانى، بۇكىل ەلدەگى ءار ۇلت حالقىن وتانشىلدىق سۇيىسپەنشىلىكتەن جازباي، كۇرەسكەرلىك ەركىن بەكەمدەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇدىرەتتى رۋحاني كۇش - قۋات ۇيىستىرۋعا ىنتالاندىرۋ كەرەك.

”ەڭ ارداقتى كۇرەسكەر“لەردى ماداقتاۋ - سيلاۋ جينالىسى 9 - ايدىڭ 25 - كۇنى تۇستەن بۇرىن بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ ماداقتالىپ - سيلانعاندارمەن جانە تۋىس - تۋعاندار ۋاكىلدەرىمەن كەزدەستى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەتى ۇگىت ءبولىمىنىڭ باستىعى حۋاڭ كۇنميڭ كەزدەسۋگە قاتىناستى ءارى ماداقتاۋ - سيلاۋ جينالىسىندا شي جينپيڭنىڭ ماڭىزدى نۇسقاۋىن وقىدى. وسىدان كەيىن، ول سويلەگەن سوزىندە مىنالاردى ءبىلدىردى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، ”ەڭ ارداقتى كۇرەسكەر“لەردەن ۇيرەنۋدى، ۇگىتتەۋدى دەن قويا ۇيىمداستىرىپ، سانسىزداعان كۇرەسكەرلەر جازىپ شىققان جاڭا جۇڭگونىڭ 70 جىلدىق شۇعىلالى تاريحىن ەستە بەرىك ساقتاپ، وتانشىلدىق، كۇرەسكەرلىك، ۇلەسكەرلىك سىندى وسكەلەڭ رۋحتى اسقاقتاتىپ، جاڭا داۋىردەگى ۇزاق جورىق جولىمەن ويداعىداي ءجۇرۋدىڭ ايبىندى كۇش - قۋاتىن ۇيىستىرۋ كەرەك.

ماداقتاۋ - سيلاۋ جينالىسىندا ماداقتاۋ - سيلاۋ قارارى وقىلدى، جاڭ فۋچيڭ قاتارلى 278 جەكەگە، شي - ان قاتىناس داشۋەسىنىڭ ”باتىسقا كوشۋشىلەر“ وتانشىلدىق، كۇرەسكەرلىك وزات توبى سياقتى 22 كوللەكتيۆكە ”ەڭ ارداقتى كۇرەسكەر“ اتاعى بەرىلدى. جۇڭگو كەڭىستىك تەحنيكاسىن زەرتتەۋ اكادەمياسىنىڭ تەحنيكا كەڭەسشىسى، اعا زەرتتەۋشى يە پەيجيان، شاندۇڭ ولكەسى چيڭداۋ چيان - ۋان جۇك قورابى كەمەجايى شەكتى جاۋاپكەرشىلىك سەرىكتەستىگى ينجەنەريالىق تەحنيكا ءبولىمى قاتايتقىش ماشينا ورنىنىڭ جوعارى دارەجەلى ديرەكتورى شۇي جىنچاۋ، گۇيجوۋ ولكەسى پانجوۋ قالاسى يۇيني اۋىلى يانبوليان قىستاعى پارتكومىنىڭ شۋجيى يۇي ليۋفىن، جۇڭگو پوچتا توبى سەرىكتەستىگى سىچۋان ولكەسى گانزى اۋداندىق بولىمشە سەرىكتەستىگى كۇزەتىپ جەتكىزۋ گرۋپپاسىنىڭ باستىعى چيمەي دوجي، اۋە ارمياسى اۋە اسكەرى ءمالىم ءبولىمىنىڭ ءبولىم باستىعى جياڭ جياجي، قۇرلىق ارميا 79 - جيتۋانجۇنى لەي فىڭ ءبانىنىڭ 26 - كەزەكتى بانجاڭى، لەي فىڭنىڭ كوزى تىرىسىندە تۇرعان اسكەري ءبولىمنىڭ ۋاكىلى جاڭ ياڭ، لانكاۋ اۋدانىنداعى جياۋ يۇيلۋ جولداستىڭ ەسكەرتكىش سارايىنىڭ قۇرمەتتى باستىعى، جياۋ يۇيلۋ جولداستىڭ قىزى جياۋ شوۋيۇن، مەملەكەتتىك تەمىر جول توبى سەرىكتەستىگى بەيجيڭ مەكەمەسى فىڭتاي ماشينا ىستەرى بولىگى ”ماۋ زىدۇڭ ءنومىرلى“ پاراۆوز قۇراماسىنىڭ شوفەرلەر باستىعى، ”ماۋ زىدۇڭ ءنومىرلى“ پاراۆوز قۇراماسىنىڭ ۋاكىلى ليۋ يۇيفىڭ قاتارلى ماداقتالىپ - سيلانعاندار جانە تۋىس - تۋعاندار ۋاكىلدەرى جينالىستا ءسوز سويلەدى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى سۇن چۇنلان، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەتتىڭ ۇيىمداستىرۋ ءبولىمىنىڭ باستىعى چىن شي، سونداي - اق ورتالىق اسكەري ىستەر كوميتەتىنىڭ مۇشەسى مياۋ حۋا كەزدەسۋگە قاتىناستى.

ماداقتالىپ - سيلانعان ”ەڭ ارداقتى كۇرەسكەر“لەر جانە قايتىس بولعان ”ەڭ ارداقتى كۇرەسكەر“لەردىڭ تۋىس - تۋعاندارىنىڭ ۋاكىلدەرى، ورتالىق كوميتەت ۇگىت، يدەيا قىزمەتىنە باسشىلىق ەتۋ گرۋپپاسىنا مۇشە ورىندارداعى نەگىزگى جاۋاپتى جولداستار، قاتىستى تاراۋلارداعى جاۋاپتى جولداستار، ءارقايسى ولكەلىك، اۆتونوميالى رايوندىق، قالالىق پارتكومداردىڭ تۇراقتى مۇشەلەرى، ۇگىت ءبولىمىنىڭ باستىقتارى، استاناداعى ءار سالا كادر - جۇرتشىلىعىنىڭ ۋاكىلدەرى قاتارلىلار جينالىسقا قاتىناستى.