2 - رەتكى ”جۇڭگو شارۋالار مول ءونىم مەرەكەسى“ كەلۋ بايلانىسىمەن
شي جينپيڭ بۇكىل ەلدەگى قالىڭ شارۋالارعا جانە اۋىل شارۋاشىلىعى، اۋىل - قىستاق، شارۋالار ءبىرىنشى شەبىندە قىزمەت ىستەپ جاتقان جولداستارعا ىقىلاستى سالەم جولدادى
ورتالىق تەلەۆيزيا ستانسياسىنىڭ اۋىل شارۋاشىلىعى، اۋىل - قىستاق ارناسىنىڭ رەسمي حابار تاراتا باستاعاندىعىن قۇتتىقتادى
9 - ايدىڭ 23 - كۇنى − كۇن مەن ءتۇننىڭ كۇزگى تەڭەلۋ كۇنى، ەلىمىز 2 - رەتكى ”جۇڭگو شارۋالار مول ءونىم مەرەكەسىن“ قارسى الدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ورتالىق تەلەۆيزيا ستانسياسىنىڭ اۋىل شارۋاشىلىعى، اۋىل - قىستاق ارناسى ارقىلى بۇكىل ەلدەگى قالىڭ شارۋالارعا جانە اۋىل شارۋاشىلىعى، اۋىل - قىستاق، شارۋالار ءبىرىنشى شەبىندە قىزمەت ىستەپ جاتقان جولداستارعا ىقىلاستى سالەم جولدادى ءارى ورتالىق تەلەۆيزيا ستانسياسىنىڭ اۋىل شارۋاشىلىعى، اۋىل - قىستاق ارناسىنىڭ رەسمي حابار تاراتا باستاعاندىعىن قىزۋ قۇتتىقتادى.
شي جينپيڭ بىلاي دەپ اتاپ كورسەتتى: كوكتەمدە ەگىن ەگىپ، كۇزدە ءونىم الىپ، ەڭبەك جەمىسىن تاتۋ − تابيعي زاڭدىلىق. اۋىل شارۋاشىلىعىنىڭ نەگىزى ورنىقتى، دامۋ قۋاتى جەتكىلىكتى. اۋىل شارۋاشىلىعى، اۋىل - قىستاق، شارۋالار سالاسىنىڭ قول جەتكىزگەن تابىسى − بۇكىل پارتيانىڭ، بۇكىل ەلىمىزدەگى جوعارى مەن تومەننىڭ بىرگە قۇلشىنىس جاساۋىنىڭ ناتيجەسى ءارى قالىڭ شارۋالار مەن اۋىل شارۋاشىلىعى شەبىندەگى قىزمەتكەرلەردىڭ قاجىرلى ەڭبەگىنىڭ ناتيجەسى. وسى ارادا بۇكىل ەلدەگى قالىڭ شارۋالارعا جانە اۋىل شارۋاشىلىعى، اۋىل - قىستاق، شارۋالار ءبىرىنشى شەبىندە قىزمەت ىستەپ جاتقان جولداستارعا ىقىلاستى سالەم جولدايمىن.
شي جينپيڭ ورتالىق تەلەۆيزيا ستانسياسىنىڭ اۋىل شارۋاشىلىعى، اۋىل - قىستاق ارناسىنىڭ رەسمي حابار تاراتا باستاعاندىعىن قىزۋ قۇتتىقتادى. ولاردىڭ پارتيا ورتالىق كوميتەتىنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى كەلەلى ساياسات، باعىتتارىن جانە قىزمەت ورنالاستىرۋلارىن ىشكەرىلەي ۇگىتتەپ، اۋىل شارۋاشىلىعىنىڭ، اۋىل - قىستاقتىڭ، شارۋالاردىڭ جاڭا داۋىردەگى تىڭ تىنىسىن، جاڭا بەينەسىن ىشكەرىلەي ۇگىتتەپ، تۇتاس قوعامدا اۋىل شارۋاشىلىعىنا نازار اۋداراتىن، اۋىل - قىستاققا كوڭىل بولەتىن، شارۋالارعا قامقورلىق جاسايتىن قويۋ راي قالىپتاستىرىپ، كەدەيلىكتەن ارىلتۋدان قامال الۋ شايقاسىندا جەڭىسكە جەتۋگە، ەلىمىزدىڭ اۋىل شارۋاشىلىعى، اۋىل - قىستاق رەفورماسىنىڭ دامۋىن ىلگەرىلەتۋگە، اۋىل - قىستاقتىڭ كوركەيۋىن جۇزەگە اسىرۋعا ۇلەس قوسۋلارىن ءۇمىت ەتتى.
پارتيا ورتالىق كوميتەتىنىڭ بەكىتۋىمەن، مەملەكەتتىك كەڭەستىڭ بۇرىشتاما جازۋىمەن، 2018 - جىلدان باستاپ، ەلىمىز جىل سايىن ەگىنشىلىك كالەندارى بويىنشا كۇن مەن ءتۇننىڭ كۇزگى تەڭەلۋ كۇنىن ”جۇڭگو شارۋالار مول ءونىم مەرەكەسى“ ەتىپ بەلگىلەدى، بۇل ەلىمىزدىڭ مەملەكەتتىك دەڭگەيدە شارۋالار ءۇشىن بەلگىلەگەن تۇڭعىش مەرەكە. ورتالىق تەلەۆيزيا ستانسياسىنىڭ اۋىل شارۋاشىلىعى، اۋىل - قىستاق ارناسى ەلىمىزدىڭ تۇڭعىش اۋىل شارۋاشىلىعىنا، اۋىل - قىستاققا، شارۋالارعا باعىتتاعان مەملەكەت دارەجەلى جالپىلىق اقپارات مەديا ارناسى، بۇل ارنا اۋىل - قىستاقتى كوركەيتۋ، كەدەيلىكتەن ارىلتۋدان قامال الۋ جانە كورىكتى جۇڭگو قۇرۋ سياقتىلاردى ىشكەرىلەي ۇگىتتەۋدى ءتۇيىن ەتىپ، 9 - ايدىڭ 23 - كۇنىنەن باستاپ رەسمي حابار تاراتتى، كۇنىنە 18 ساعات حابار تاراتادى.
