ورتالىقتىڭ ساياسي كەڭەس قىزمەتى ماجىلىسىندە جانە جۇڭگو حالىق ساياسي ءماسليحات كەڭەسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەنگەن ءسوز
(2019 - جىلى 9 - ايدىڭ 20 - كۇنى)
شي جينپيڭ
جولداستار، دوستار: جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى قارساڭىندا، وسى ءماجىلىستى اشۋداعى ماقسات − جۇڭگو حالىق ساياسي ءماسليحات كەڭەسى قۇرىلعاندىعىنىڭ 70 جىلدىعىن قۇتتىقتاپ، ناتيجەلەرگە قايىرىلا قاراپ، تاجىريبەلەردى قورىتىندىلاپ، سەنىمدى بەكەمدەپ، جاڭا داۋىردە حالىق ساياسي كەڭەس قىزمەتىن كۇشەيتۋ مەن جاقسارتۋدى ورنالاستىرۋ.
70 جىلدىڭ الدىنداعى 9 - ايدا، جۇڭگو حالقى ۇلت تاۋەلسىزدىگىنە قول جەتكىزگەن جانە حالىق ازاتتىعى تاريحي جەڭىسكە جەتكەن جەڭىس اۋەنى ىشىندە، جۇڭگو حالىق ساياسي ءماسليحات كەڭەسىنىڭ 1 - كەزەكتى جالپى ءماجىلىسى اشىلدى. ماۋ زىدۇڭ جولداس اشىلۋ سوزىندە اسقاق تۇردە بىلاي دەدى: ءبىزدىڭ ءىسىمىز ادامزات تاريحىنا جازىلادى، ول مىنانى ايگىلەيدى: ادامزات جالپى سانىنىڭ تورتتەن ءبىرىن ۇستايتىن جۇڭگولىقتار وسىدان باستاپ ەڭسە كوتەردى.
وسى ارادا، مەن پارتيا ورتالىق كوميتەتى اتىنان، جۇڭگو حالىق ساياسي ءماسليحات كەڭەسى قۇرىلعاندىعىنىڭ 70 جىلدىعىن قىزۋ قۇتتىقتايمىن! حالىق ساياسي كەڭەسىنە قاتىسۋشى پارتيا - توپتارعا، حالىقتىق توپتارعا، ءار ۇلت، ءار سالاداعى قايراتكەرلەرگە، شياڭگاڭ ەرەكشە اكىمشىلىك رايونىنداعى باۋىرلاستارعا، اۋمىن ەرەكشە اكىمشىلىك رايونىنداعى باۋىرلاستارعا، تايۋاندىق باۋىرلاستارعا جانە شەتەلدەردەگى چياۋباۋلارعا شىنايى سالەم جولدايمىن!
ءدال وسى ساتتە، ءبىز ۇلتتىڭ تاۋەلسىزدىگى، حالىقتىڭ ازاتتىعى جانە مەملەكەتتىڭ بايىپ قۇدىرەتتەنۋى، حالىقتىڭ باقىتى جولىندا ەرلىكپەن كۇرەس جۇرگىزگەن توڭكەرىستىك اعا بۋىندار مەن ارداگەر ازاماتتاردى ەرەكشە ەسكە الامىز، ماۋ زىدۇڭ جولداس، جوۋ ىنلاي جولداس، دىڭ شياۋپيڭ جولداس، دىڭ يىڭچاۋ جولداس، لي شياننيان جولداس سياقتى حالىق ساياسي كەڭەس ىستەرىنىڭ اعا بۋىن كورنەكتى باسشىلارىن ساعىنىشپەن ەسكە الامىز. ءبىز حالىق ساياسي كەڭەس ىستەرى مەن كوپ پارتيا سەلبەستىگى ىستەرىنە ۇلەس قوسقان كىسىلەردى ماڭگى ەستەن شىعارماۋىمىز كەرەك!
جولداستار، دوستار!
حالىق ساياسي كەڭەس − جۇڭگو كوممۋنيستىك پارتياسىنىڭ ماركسيزم - لەنينيزمنىڭ بىرلىكساپ نازارياسىن، ساياسي پارتيا نازارياسىن، دەموكراتيالىق ساياسي نازارياسىن جۇڭگونىڭ ءىس جۇزىندىك جاعدايىمەن ۇشتاستىرۋىنىڭ ۇلى جەتىستىگى، جۇڭگو كوممۋنيستىك پارتياسىنىڭ دەموكراتيالىق پارتيا - توپتارعا، پارتيادا، توپتا جوق قايراتكەرلەرگە، حالىقتىق ۇيىمدارعا جانە ءار ۇلت، ءار سالاداعى قايراتكەرلەرگە باسشىلىق ەتىپ ساياسي ءتۇزىم جاعىندا جۇرگىزگەن ۇلى جاسامپازدىعى. 70 جىلدان بەرى، جۇڭگو كوممۋنيستىك پارتياسىنىڭ باسشىلىعىندا، حالىق ساياسي كەڭەس ىنتىماق پەن دەموكراتيا سىندى ەكى ۇلكەن نەگىزگى تاقىرىپتان جازباي، پارتيا مەن مەملەكەتتىڭ وزەكتى مىندەتىنە قىزمەت ەتىپ، جاڭا جۇڭگونى قۇرۋ جانە سوتسياليستىك توڭكەرىس، قۇرىلىس، رەفورما سىندى ءاربىر تاريحي مەزگىلدە توتەنشە ماڭىزدى رولىن ساۋلەلەندىردى. جۇڭگو حالىق ساياسي ءماسليحات كەڭەسىنىڭ 1 - كەزەكتى جالپى ءماجىلىسى مەملەكەتتىك حالىق قۇرىلتايىنىڭ قىزمەت ۇقىعىن ۋاقىتشا جۇرگىزىپ، جاڭا جۇڭگونىڭ دۇنيەگە كەلۋىنە جان - جاقتى دايىندىق ىستەدى. ءماجىلىس ۋاقىتشا نەگىزگى زاڭ سيپاتىن العان جۇڭگو حالىق ساياسي ءماسليحات كەڭەسىنىڭ ورتاق گاڭليڭىن جانە جۇڭگو حالىق ساياسي ءماسليحات كەڭەسى ۇيىمدىق زاڭىن، جۇڭحۋا حالىق رەسپۋبليكاسى ورتالىق حالىق ۇكىمەتى ۇيىمدىق زاڭىن ماقۇلداپ، مەملەكەت استاناسى، مەملەكەت تۋى، مەملەكەت ءانى، جىلناما جونىندە قاۋلى شىعاردى، ساياسي كەڭەس مەملەكەتتىك كوميتەتىن جانە ورتالىق حالىق ۇكىمەتى كوميتەتىن سايلاپ شىقتى. بۇل حالىق ساياسي كەڭەس ءتۇزىمىنىڭ رەسمي ورناتىلعاندىعىن دا كورسەتتى. جاڭا جۇڭگو قۇرىلعان سوڭ، حالىق ساياسي كەڭەس حالىق شارۋاشىلىعىن قالپىنا كەلتىرۋ مەن دامىتۋعا، جاڭا ومىرگە كەلگەن حالىق بيلىگىن بەكەمدەۋگە، سوتسياليستىك توڭكەرىستى ورىنداۋعا، سوتسياليستىك نەگىزگى ءتۇزىمدى ورناتۋعا، سوتسياليستىك قۇرىلىستى ىلگەرىلەتۋگە بەلسەندى ۇلەستەر قوستى. 1954 - جىلى مەملەكەتتىك حالىق قۇرىلتايى ءماجىلىسى اشىلعان سوڭ، حالىق ساياسي كەڭەسى مەملەكەتتىڭ ساياسي ءومىرى مەن قوعامدىق ومىرىندە ۇزدىكسىز تۇردە ناتيجەلى قىزمەتتەر ىستەدى.
1978 - جىلى پارتيا 11 - كەزەكتى ورتالىق كوميتەتىنىڭ ءۇشىنشى جالپى ءماجىلىسى اشىلىپ، حالىق ساياسي كەڭەسى ىستەرىنىڭ دامۋى جاڭا مەزگىلگە ءوتتى. پارتيا ورتالىق كوميتەتى حالىق ساياسي كەڭەسىنىڭ، سيپاتىن، مىندەتىن، نەگىزگى تاقىرىبىن، فۋنكتسياسىن اناعۇرلىم ايقىنداپ، حالىق ساياسي كەڭەسىنىڭ سيپاتى مەن رولىنىڭ نەگىزگى زاڭعا جازىلۋىن ىلگەرىلەتىپ، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس ءتۇزىمىن ەلىمىزدىڭ نەگىزگى ساياسي ءتۇزىمى ەتىپ تۇراقتاندىردى. حالىق ساياسي كەڭەس پارتيانىڭ نازارياسىن جانە لۋشيان، باعىت - ساياساتتارىن مۇقيات دايەكتىلەندىرىپ، بارلىق بەلسەندى فاكتورلاردى قۇلشىنا جۇمىلدىرىپ، ىنتىماقتاسۋعا بولاتىن بارلىق كۇشتەر ىنتىماقتاسىپ، رەفورما جاساۋدى، ەسىك اشۋدى جانە سوتسياليستىك وسىزامانداندىرۋ قۇرىلىسىن ىلگەرىلەتۋگە ماڭىزدى ۇلەس قوستى.
جۇڭگوشا سوتسياليزم جاڭا داۋىرگە وتكەندە، پارتيا ورتالىق كوميتەتى حالىق ساياسي كەڭەس قىزمەتى جونىندە ءبىر قىدىرۋ كەلەلى ورنالاستىرۋ جاسادى. حالىق ساياسي كەڭەس جاڭا داۋىردەگى جۇڭگوشا سوتسياليزم يدەياسىن مۇقيات دايەكتىلەندىرىپ، حالىق ساياسي كەڭەسىنىڭ سيپاتىن تۇراقتاندىرۋعا تاباندى بولىپ، ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس ىلگەرىلەتۋدەن، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدەن جازباي، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ۇلى امالياتىنا بەلسەنە ات سالىسىپ، پارتيا مەن مەملەكەت ىستەرىنىڭ دامۋىنا زەيىن - زەردە، كۇش - قۋاتتى شوعىرلاندىرىپ، حالىق ساياسي كەڭەس قىزمەتىنىڭ جاڭا جاعدايىن اشتى.
پارتيا 18 - قۇرىلتايىنان بەرى، ءبىز تاجىريبەلەردى قورىتىندىلاپ، حالىق ساياسي كەڭەس قىزمەتىنە ءبىر قىدىرۋ جاڭا تالاپتار قويدىق، بۇل باستىسى مىنالار.
ءبىرىنشى، پارتيانىڭ حالىق ساياسي كەڭەس قىزمەتىنە باسشىلىعىن كۇشەيتۋ. جۇڭگو كوممۋنيستىك پارتياسىنىڭ باسشىلىعى − دەموكراتيالىق پارتيا - توپتاردى، ۇيىمداردى، ۇلتتاردى، جىكتەردى، ءار سالا قايراتكەرلەرىن قامتىعان بارلىق جۇڭگو حالقىنىڭ ورتاق تاڭداۋى، ساياسي كەڭەس قۇرىلعان كەزدەگى اۋەلگى ماقساتى، حالىق ساياسي كەڭەس ىستەرىنىڭ دامۋىنىڭ، العا باسۋىنىڭ ءتۇبىرلى كەپىلى. پارتيا باسشىلىعىنا تاباندى بولۋدى ساياسي كەڭەستىڭ بارلىق قىزمەتىمەن ساباقتاستىرىپ، پارتيا ورتالىق كوميتەتىنىڭ حالىق ساياسي كەڭەس قىزمەتى جونىندەگى ءتۇرلى تالاپتارىن شىن مانىندە تياناقتاندىرۋ كەرەك.
ەكىنشى، حالىق ساياسي كەڭەسىنىڭ سيپاتىن تۇراقتاندىرۋدى دۇرىس يگەرۋ. بىرلىكساپ ۇيىمى، كوپ پارتيا سەلبەستىگى جانە ساياسي كەڭەس قۇرىلىمى، حالىق دەموكراتياسىنىڭ ماڭىزدى جۇزەگە اسۋ فورماسى رەتىندە، حالىق ساياسي كەڭەس − سوتسياليستىك كەڭەستىك دەموكراتيانىڭ ماڭىزدى ارناسى جانە ارناۋلى كەڭەس قۇرىلىمى، مەملەكەتتىڭ جونگە سالۋ جۇيەسىنىڭ ماڭىزدى قۇرامداس بولىگى، جۇڭگوشا ەرەكشەلىككە يە تۇزىمدىك ورنالاستىرۋ. حالىق ساياسي كەڭەس سيپاتىن تۇراقتاندىرۋدان جازباي، جۇڭگوشا سوتسياليستىك ساياسيدىڭ دامۋ جولىمەن بۇلجىماي ءجۇرۋى كەرەك.
ءۇشىنشى، حالىق ساياسي كەڭەسىنىڭ ارناۋلى كەڭەس قۇرىلىمىندىق رولىن ويداعىداي ساۋلەلەندىرۋ. كەڭەستىك دەموكراتيا − پارتيا باسشىلىعىن جۇزەگە اسىرۋدىڭ ماڭىزدى ءتاسىلى، ەلىمىزدىڭ سوتسياليستىك دەموكراتيالىق ساياسيىنىڭ ەرەكشە فورماسى جانە وزگەشە ابزالدىلىعى. حالىق ساياسي كەڭەسىنىڭ ارناۋلى كەڭەس قۇرىلىمىندىق رولىن ويداعىداي ساۋلەلەندىرىپ، كەڭەستىك دەموكراتيانى فۋنكتسيانى اتقارۋدىڭ بۇكىل بارىسىمەن ساباقتاستىرىپ، دەموكراتيانى ساۋلەلەندىرۋ مەن ىنتىماقتى نىعايتۋدى ءوزارا ۇشتاستىرۋ، ۇسىنىس قويۋ، كەڭەس بەرۋ مەن ورتاق تانىمدى ۇيىستىرۋ سىندى قوس باعىتتا كۇش سالۋعا تاباندى بولىپ، پارتيا مەن مەملەكەتتىڭ ماڭىزدى شەشىمدەرىن، ورنالاستىرۋلارىن دايەكتىلەندىرۋ، تياناقتاندىرۋ جاعدايىن بەلسەنە ارقاۋ ەتە وتىرىپ دەموكراتيالىق باقىلاۋ ورىستەتۋ كەرەك.
ءتورتىنشى، ەلىمىزدىڭ جاڭاشا ساياسي پارتيا تۇزىمىنە تاباندى بولۋ جانە ونى كەمەلدەندىرۋ. جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى جانە ساياسي كەڭەس ءتۇزىمى − ەلىمىزدىڭ ءتۇبىرلى ساياسي ءتۇزىمى، جۇڭگو توپىراعىنان ءوسىپ - ونگەن جاڭاشا ساياسي پارتيا ءتۇزىمى، حالىق ساياسي كەڭەس دەموكراتيالىق پارتيا - توپتار مەن پارتيادا، توپتا جوق قايراتكەرلەردىڭ ساياسي كەڭەستە رولدارىن اناعۇرلىم جاقسى ساۋلەلەندىرۋىنە شارت - جاعداي ازىرلەۋ كەرەك.
بەسىنشى، حالىقتىڭ تىلەگى مەن كۇشىن جاپپاي ۇيىستىرۋ. حالىق ساياسي كەڭەس بىرلىكساپ ۇيىمىندىق رولىن ساۋلەلەندىرىپ، ۇلى ىنتىماقتان، ۇلى بىرلىكتەن جازباي، بىركەلكىلىك پەن كوپ تۇرلىلىكتىڭ بىرلىگىنەن جازباي، ورتاق يدەيالىق ساياسي نەگىزدى ۇزدىكسىز بەكەمدەپ، يدەيالىق - ساياسي جەتەكشىلىكتى كۇشەيتىپ، ورتاق تانىمدى كەڭ كولەمدى ۇيىستىرىپ، ەڭ ۇلكەن ورتاق بولگىشكە تالپىنۋعا، ەڭ ۇلكەن سەنترلەس شەڭبەر سىزۋعا قۇلشىنىپ، ۇلتتىڭ گۇلدەنۋىن جۇزەگە اسىرۋدىڭ جويقىن كۇشىن توپتاۋى كەرەك.
التىنشى، نازاردى پارتيا مەن مەملەكەتتىڭ وزەكتى مىندەتىنە شوعىرلاندىرا وتىرىپ مىندەت وتەپ، جاۋاپكەرشىلىكتى ادا ەتۋ. حالىق ساياسي كەڭەس ءبىرىنشى 100 جىلدىق كۇرەس نىساناسىن جۇزەگە اسىرۋدى، ەكىنشى 100 جىلدىق كۇرەس نىساناسىنا شەرۋ تارتۋدى مىندەت وتەۋ بەتالىسى، دامۋدىڭ بىركەلكى، تولىق بولماۋى ماسەلەسىن ويداعىداي شەشۋدى جەبەۋدى قىزمەت ءتۇيىنى ەتىپ، كەلەلى جاعدايدى مىقتاپ ارقاۋ ەتىپ، ءتۇيىندى يگەرۋ، ولقىلىقتاردى تولىقتىرۋ، ءالسىز تۇستاردى كۇشەيتۋ سىندى ماڭىزدى ماسەلەنى ءدال كوزدەپ، ىشكەرىلەي كەڭەسىپ، ۇكىمەت ءىسىن شوعىرلى تۇردە كەڭەسىپ، باقىلاۋدى كۇشەيتىپ، تياناقتاندىرۋعا دەم بەرۋى كەرەك.
جەتىنشى، حالىق ساياسي كەڭەس حالىق ءۇشىن بولۋعا تاباندى بولۋ. حالىق ساياسي كەڭەس حالىقتىڭ تاماشا تۇرمىسقا بولعان قاجەتىن ۇزدىكسىز قاناعاتتاندىرۋدى، حالىق تۇرمىسىنىڭ جاقسارۋىن جەبەۋدى ماڭىزدى كۇش سالۋ ءتۇيىنى ەتىپ، بۇقارانىڭ ءۇنىن تىڭداپ، بۇقارانىڭ ارمان - تىلەگىن بەينەلەپ، حالىق تۇرمىسى سالاسىنداعى ءىس جۇزىندىك ماسەلەلەردى مىقتى يگەرىپ، قىزمەتتى جاقسى ىستەپ، پارتيا مەن ۇكىمەتتىڭ حالىقتىڭ قۇت - ىرىسىن ارتتىرۋىنا كومەكتەسۋى كەرەك.
سەگىزىنشى، رەفورما جاساۋ، جاڭالىق اشۋ رۋحىمەن مىندەت وتەۋ قابىلەتى قۇرىلىسىن ىلگەرىلەتۋ. حالىق ساياسي كەڭەس رەفورما جاساۋعا، جاڭالىق اشۋعا تاباندى بولىپ، ساياسي مەڭگەرۋ قابىلەتىن، تەكسەرۋ - زەرتتەۋ قابىلەتىن، بۇقارامەن بايلانىس جاساۋ قابىلەتىن، سەلبەسىپ بىرگە ىستەۋ قابىلەتىن كۇش سالا كۇشەيتۋ كەرەك. مۇشەلەر قوسىنى قۇرىلىسىن كۇشەيتىپ، مۇشەلەردى ساياسي كەڭەستى تۇسىنۋگە، ءماسليحاتتاسۋدى بىلۋگە، ۇكىمەت ءىسىن اقىلداسۋعا شەبەر بولۋعا، تارتىپكە بويسۇنۋعا، قاعيدانى دارىپتەۋگە، مىنەز − قۇلىققا ءمان بەرۋگە تاربيەلەۋ، جەتەكتەۋ كەرەك.
70 جىلدىق اماليات حالىق ساياسي كەڭەس ءتۇزىمىنىڭ كوپ جاقتا وزگەشە باسىمدىلىققا يە ەكەندىگىن دالەلدەدى. ماركس، ەنگەلس بىلاي دەگەن بولاتىن: ”دەموكراتيا دەگەن نە؟ ول، ءسوز جوق، بەلگىلى مانگە يە بولۋ كەرەك، ويتپەگەندە ول ءومىر سۇرە المايدى. سوندىقتان بارلىق ماسەلە دەموكراتيانىڭ ناعىز ءمانىن تۇراقتاندىرۋدا“. دەموكراتيالىق ساياسيدى جۇزەگە اسىرۋدىڭ فورماسى كوپ ءتۇرلى، قاتىپ − سەمگەن ۇلگىمەن شەكتەلىپ قالۋعا بولمايدى. اماليات جۇڭگو ۇلگىسىندەگى دەموكراتيانىڭ جۇڭگودا ىسكە اساتىندىعىن، وتە جارامدى ەكەندىگىن تولىق دالەلدەدى. جاڭا جاعدايدا، ءبىز، ءسوز جوق، حالىق ساياسي كەڭەس تۇزىمىندە تاباندى بولىپ، حالىق ساياسي كەڭەس ىستەرىن ويداعىداي دامىتىپ، بىرلىكساپ قىزمەتىن ورىستەتۋدىڭ جاۋاپكەرشىلىك ارقالاۋىن كۇشەيتىپ، ءتىپتى دە كوپ ادامداردى پارتيانىڭ توڭىرەگىنە ىنتىماقتاستىرۋىمىز كەرەك.
جولداستار، دوستار!
قازىرگى دۇنيە ءجۇزى 100 جىلدا بولماعان زور وزگەرىستەردى باستان كەشىرۋدە، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ شەشۋشى مەزگىلدە تۇر. نىساناعا جاقىنداعان سايىن، جاعداي كۇردەلى بولعان سايىن، مىندەت جاپالى بولعان سايىن، جۇڭگو كوممۋنيستىك پارتياسىنىڭ باسشىلىعىنداعى ساياسي باسىمدىق پەن جۇڭگوشا سوتسياليستىك ءتۇزىمىنىڭ باسىمدىعىن سونشالىق ساۋلەلەندىرىپ، ءار جاقتىڭ اقىل - پاراساتى مەن كۇش - قۋاتىن ۇيىستىرىپ، ەل ءىشى - سىرتىنداعى جۇڭحۋا پەرزەنتتەرىنىڭ ءبىر ماقساتتا ويلايتىن، كۇشتى ءبىر بەتالىسقا تۇسىرەتىن قۇدىرەتتى بىرىككەن كۇشىن قالىپتاستىرۋ كەرەك.
جاڭا داۋىردە، حالىق ساياسي كەڭەس قىزمەتىن كۇشەيتۋدىڭ جانە جاقسارتۋدىڭ جالپى تۇلعالىق تالاپتارى مىنالار: جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، جۇڭگوشا سوتسياليزمگە تاباندى بولۋ مەن دامىتۋدى ورتاق يدەيالىق - ساياسي نەگىزدى بەكەمدەۋدىڭ نەگىزگى ءوسى، ”قوس 100 جىلدىق“ كۇرەس نىساناسىن جۇزەگە اسىرۋعا قىزمەت وتەۋدى قىزمەت نەگىزگى جەلىسى، يدەيالىق - ساياسي جەتەكشىلىكتى كۇشەيتۋدى، كەڭ كولەمدە ورتاق تانىم ۇيىستىرۋدى وزەكتى بۋىن ەتىپ، ىنتىماق جانە دەموكراتيا سىندى ەكى ۇلكەن نەگىزگى تاقىرىپقا تاباندى بولىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە قاتىناسۋ، ۇكىمەت ءىسىن كەڭەسۋ دەڭگەيىن ءوسىرىپ، ورتاق تانىمدى اناعۇرلىم جاقسى ۇيىستىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جانە حالىق ساياسي كەڭەس قىزمەتىنە قويعان تالاپتارىن تياناقتاندىرۋ، ەل ءىشى - سىرتىنداعى جۇڭحۋا پەرزەنتتەرىنىڭ اقىل - پاراساتى مەن كۇش - قۋاتىن ۇيىستىرۋ ساياسي جاۋاپكەرشىلىگىن ارقالاپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋگە، ىلگەرىلەگەن تۇردە جاپپاي سوتسياليستىك وسىزاماندانعان قۇدىرەتتى ەل قۇرۋعا ۇلەس قوسۋ كەرەك.
كەزەكتەگى جانە مۇنان كەيىنگى ءبىر مەزگىلدە حالىق ساياسي كەڭەس، وتە - موتە، تومەندەگى قىزمەتتەردى جاقسى يگەرۋ كەرەك.
ءبىرىنشى، حالىق ساياسي كەڭەسىنىڭ ارناۋلى كەڭەس قۇرىلىمىندىق رولىن ساۋلەلەندىرۋ. مەن جۇڭگونىڭ سوتسياليستىك تۇزىمىندە، ىستەردى اقىلداسۋعا بولادى، كوپتىڭ ءىسىن كوپ اقىلداسىپ، تۇتاس قوعام رازى بولاتىن جانە تالاپ ەتكەن ەڭ ۇلكەن ورتاق بولگىشتى تابۋ − حالىق دەموكراتياسىنىڭ شىندىعى دەگەن بولاتىنمىن. كەڭەستىك دەموكراتيا پارتيانىڭ حالىققا باسشىلىق ەتىپ مەملەكەتتى ۇتىمدى جونگە سالۋىنىڭ، حالىقتىڭ قوجايىن بولۋىنا كەپىلدىك ەتۋىنىڭ ماڭىزدى تۇزىمدىك جوباسى، ول سايلاۋ دەموكراتياسىمەن ءبىرىن - ءبىرى تولىقتاپ، ءبىرى - بىرىنە سايكەس كەلەدى. حالىق ساياسي كەڭەس كەڭەسۋ بارىسىندا كەڭ كولەمدە ىنتىماقتاسۋدى جەبەپ، كوپ پارتيا سەلبەستىگىن ىلگەرىلەتىپ، حالىق دەموكراتياسىن امالياتتا ايگىلەدى ءارى تاريحي داستۇرگە مۇراگەرلىك ەتتى، ءارى ءداۋىر ەرەكشەلىگىن بەينەلەدى، ەلىمىزدىڭ سوتسياليستىك دەموكراتياسىنىڭ ىستەردى كوپ اقىلداسۋ، ىسكە جولىققاندا كوپ اقىلداسۋ، ءىس ىستەگەندە كوپ اقىلداسۋ ەرەكشەلىگى مەن باسىمدىعىن تولىق ايگىلەدى.
پىكىرگە قۇلاق اسۋ، پىكىرگە باتىلدىقپەن قۇلاق اسۋ، اسىرەسە، باتىلدىقپەن سىندى قابىلداۋ، قىزمەتتى جاقسارتۋ − سەنىم بار ەكەندىگىنىڭ، كۇش - قۋات بار ەكەندىگىنىڭ بەينەسى. سوتسياليستىك كەڭەستىك دەموكراتيانى دامىتۋدا، دەموكراتيالىق ورتالىقتاندىرۋ ءتۇزىمىنىڭ باسىمدىعىن ويداعىداي قولدانىپ، ”ىنتىماق − سىن − ىنتىماق“ سىندى تاڭداۋلى ءداستۇردى ساۋلەلەندىرىپ، كەڭەسكە كەڭ جول اشىپ، كوپ پاراساتىن ساۋلەلەندىرىپ، تۇرلىشە يدەيالىق كوزقاراستاردىڭ تولىق بەينەلەنۋى مەن ىشكەرىلەي اۋىس - كۇيىس جاساسۋىن جەبەۋ، باسقالارعا زورلاپ تاڭۋدان گورى ءوزارا قۇرمەت ەتەتىن، تەڭ تۇرعىدا كەڭەسەتىن، اركىم ءوز ءسوزىن سويلەۋدەن گورى قاعيداعا بويسۇناتىن، ءتارتىپتى تۇردە كەڭەسەتىن، اسىرا سىلتەمەي، قاسارىسپاي، كەشىرىمدى، سيىسىمدى بولاتىن، شىنايى نيەتپەن كەڭەسىپ ءارى اقتارىلا اڭگىمەلەسەتىن، اركىم ءوز كوزقاراسىن باياندايتىن ءارى پاراساتتى، سالماعى بار، زاڭدى، ەرەجەگە نەگىزدەلگەن تاماشا كەڭەس رايىن قالىپتاستىرۋ كەرەك. ءتۇرلى پىكىرلەر مەن سىنعا قاراتا، تەك پارتيانىڭ نەگىزگى نازارياسىنا، نەگىزگى لۋشيانىنا، نەگىزگى جالپى جوباسىنا تاباندى بولىپ، كوپشىلىككە پىكىرىن ايتقىزۋىمىز، مەيلى قۇلاققا جاعىمسىز، قاتتى بولسىن، ءبىز ايىبىن ايتقانعا قۋاناتىن پوزيتسيادا بولىپ، بار بولسا وزگەرتۋىمىز، جوق بولسا ساقتانۋىمىز كەرەك.
حالىق ساياسي كەڭەسىنىڭ ارناۋلى كەڭەس قۇرىلىمىندىق رولىن ساۋلەلەندىرۋ ءتۇزىم، مەحانيزمدى كەمەلدەندىرۋدى قاجەت ەتەدى. پارتكومنىڭ ۇكىمەتپەن، ساياسي كەڭەسپەن بىرگە جىلدىق كەڭەس جوباسىن جاساۋ تۇزىمىنە تاباندى بولىپ، كەڭەسۋدىڭ شەشىم جاساۋدان بۇرىنعى جانە شەشىمدى اتقارۋ بارىسىنداعى تياناقتاندىرۋ مەحانيزمىن كەمەلدەندىرىپ، ساياسي كەڭەسپەن اقىلداسۋ ايقىن بەلگىلەنگەن ىستەردى، ءسوز جوق، ساياسي كەڭەسپەن اقىلداسقاننان كەيىن شەشىم جاساۋعا، اتقارۋعا تاپسىرۋ، كەڭەسۋدىڭ قاتىناسۋ كولەمى، تالقى پرينسيبى، نەگىزگى ءتارتىبى، پىكىرلەسۋ ءتاسىلى سياقتىلارعا بەلگىلەمە جاساۋ كەرەك.
ەكىنشى، يدەيالىق - ساياسي جەتەكشىلىكتى كۇشەيتىپ، كەڭ كولەمدە ورتاق تانىم ۇيىستىرۋ. ماۋ زىدۇڭ جولداس ساياسي دەگەنىمىز ءبىزدى قولدايتىن ادامداردى بارىنشا كوبەيتۋ، بىزگە قارسى تۇراتىن ادامداردى بارىنشا ازايتۋ دەگەن بولاتىن. پارتيامىز توڭكەرىسكە، قۇرىلىسقا، رەفورماعا باسشىلىق ەتىپ تابىسقا جەتكەندە وسىعان سۇيەندى. جاڭا ءداۋىر شارت - جاعدايىندا، ءبىز ۇزدىكسىز العا ىلگەرىلەۋدە، ءسوز جوق، بۇكىل ەلدەگى ءار ۇلت حالقىنىڭ ۇلى ىنتىماعىن كۇشەيتىپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرۋىمىز كەرەك.
كوپشىلىكتى ىنتىماقتاستىرۋدا، يدەياعا جەتەكشىلىك ەتىپ، ورتاق تانىم ۇيىستىرۋ كەم بولسا بولمايدى. حالىق ساياسي كەڭەس ۇتىمدى قىزمەت ارقىلى پارتيانىڭ ءارقايسى قىزمەتتەرگە باسشىلىعىنا تاباندى بولۋدىڭ جانە ونى كۇشەيتۋدىڭ ماڭىزدى شەبىنە، پارتيانىڭ جاسامپاز نازارياسىمەن ءار ۇلت، ءار سالا ۋاكىل قايراتكەرلەرىن ىنتىماقتاستىرۋدىڭ، تاربيەلەۋدىڭ، جەتەكتەۋدىڭ ماڭىزدى تۇعىرىنا، ورتاق يدەيالىق - ساياسي نەگىزدە قايشىلىقتاردى شەشۋدىڭ جانە ورتاق تانىم ۇيىستىرۋدىڭ ماڭىزدى ارناسىنا قۇلشىنا اينالدىرۋ كەرەك. حالىق ساياسي كەڭەسىنە قاتىناسقان ءارقايسى پارتيا - توپتاردى، ۇيىمداردى جانە ءار ۇلت، ءار سالا قايراتكەرلەرىن پارتيانىڭ جاسامپاز نازارياسىن ىشكەرىلەي ۇيرەنۋگە، اعىمدىق ساياساتتى ۇيرەنۋگە، جۇڭگو كوممۋنيستىك پارتياسىنىڭ تاريحىن، جاڭا جۇڭگونىڭ تاريحىن جانە بىرلىكساپ تاريحىن، حالىق ساياسي كەڭەسىنىڭ تاريحىن ۇيرەنۋگە، دۇرىس تاريح كوزقاراسى مەن كەلەلى جاعداي كوزقاراسىن ورناتۋعا جەتەكتەۋ كەرەك.
يدەيالىق - ساياسي جەتەكشىلىكتى كۇشەيتۋدە، بىركەلكىلىك پەن كوپ تۇرلىلىكتىڭ قاتىناسىن دۇرىس ءبىر جاقتى ەتۋ كەرەك. بىركەلكىلىك ورتاق يدەيالىق - ساياسي نەگىزدىڭ بىرلىگى، كوپ تۇرلىلىك مۇددەنىڭ كوپ نەگىزدىلىگىنىڭ، يدەيانىڭ كوپ تۇرلىلىگىنىڭ بەينەسى، كوپ تۇرلىلىككە قۇرمەت ەتۋ بارىسىندا بىركەلكىلىككە تالپىنۋ، ”ءبىرسىدىرعىلىققا“ بوي ۇرماۋ كەرەك. بىرلىكساپتىڭ ىشكى بولىگىندەگى يدەيالىق احۋالدى دەر كەزىندە يەلەپ، كەيبىر سەزىمتال تۇيىندەردە، حاۋىپ - قاتەر تۇيىندەرىندە، ءجىتى قاداعالانىپ وتىرعان تۇيىندەردە يدەيالىق - ساياسي جەتەكشىلىكتى كۇشەيتۋدى ۇنەمىلىك يدەيالىق - ساياسي قىزمەتپەن ۇشتاستىرىپ، پارىقتاردى ساقتاپ ورتاقتىققا ۇمتىلىپ، ۇقساستىقتاردى ۇيىستىرىپ، بوگدەلىكتى جويىپ، ءارقايسى پارتيا - توپتار، ۇيىمدار مەن ءار ۇلت، ءار سالا قايراتكەرلەرىنىڭ يدەيالىق جاقتا ورتاق العا ىلگەرىلەۋىن جەبەۋ كەرەك. حالىق ساياسي كەڭەس ءار سالا بۇقاراسىمەن كەڭ كولەمدە بايلانىس جاساپ جانە ولاردى جۇمىلدىرىپ، پارتيا مەن ۇكىمەتتىڭ بايلانىستاردى سايكەستىرۋ، كوڭىل كۇيدى دۇرىستاۋ، قايشىلىقتى جويۋ قىزمەتتەرىن جاقسى ىستەۋىنە سايكەسۋ كەرەك. مۇشەلەردى نەگىزگى ساتىعا بارۋعا، ءار سالاداعى بۇقارانى ارالاۋعا شابىتتاندىرىپ جانە وعان قولداۋ كورسەتىپ، بۇقارانىڭ پىكىرى مەن ۇسىنىسىن دەر كەزىندە اڭىس ەتىپ، پارتيا مەن مەملەكەتتىڭ باعىت - ساياساتىن ىشكەرىلەي ۇگىتتەۋ كەرەك.
جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ىنتىماقتاسا كۇرەس جاساۋدىڭ وڭ ەنەرگياسىن كەڭ كولەمدە ۇيىستىرۋدى قاجەت ەتەدى. حالىق ساياسي كەڭەسىنىڭ جاڭاشا ساياسي پارتيا ءتۇزىمىن اتقارۋداعى ماڭىزدى ساياسي فورما جانە ۇيىمدى فورما رەتىندەگى رولىن ساۋلەلەندىرىپ، ءارقايسى دەموكراتيالىق پارتيا - توپتاردىڭ ءوز پارتيا - توبىنىڭ اتىندا ساياسي كەڭەستە جاريالاعان پىكىرىنە، العا قويعان ۇسىنىسىنا مەحانيزمدىك ورنالاستىرۋ جاساۋ كەرەك. پارتيا سىرتىنداعى زيالىلارمەن، جالپىلىق مەنشىككە جاتپايتىن شارۋاشىلىق قايراتكەرلەرىمەن، جاڭا قوعامدىق جىك قايراتكەرلەرىمەن قارىم - قاتىناس، بايلانىس جاساۋ مەحانيزمىن كەمەلدەندىرۋ كەرەك. پارتيانىڭ ۇلت ساياساتى مەن ءدىن ساياساتىن جان - جاقتى دايەكتىلەندىرىپ، ۇلتتاردىڭ ارالاسۋىن، ىشتەسۋىن، توعىسۋىن جەبەپ، ءدىندى سوتسياليستىك قوعامعا ۇيلەسۋگە جەتەكتەۋ كەرەك. ”ءبىر ەل، ەكى ءتۇزىم“، ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“ وسكەلەڭ اۆتونوميا باعىتىن جان - جاقتى، دۇرىس دايەكتىلەندىرىپ، شياڭگاڭدىق، اۋمىندىق مۇشەلەردى ەرەكشە اكىمشىلىك رايون ۇكىمەتى مەن اكىمىنىڭ زاڭ بويىنشا بيلىك جۇرگىزۋىن قولداۋعا جەتەكتەپ، وتاندى سۇيەتىن، شياڭگاڭدى سۇيەتىن، اۋمىندى سۇيەتىن كۇشتەردى دامىتۋ، ۇلعايتۋ كەرەك. ءبىر جۇڭگو پرينسيبىنە جانە ”92 - جىلعى ورتاق تانىم“عا تاباندى بولىپ، تايۋان ارالى ىشىندەگى قاتىستى پارتيا - توپتارمەن، ۇيىمدارمەن، قوعامدىق ۇيىمدارمەن، ءار سالا قايراتكەرلەرىمەن اۋىس - كۇيىستى، بارىس - كەلىستى كەڭەيتىپ، بۇعازدىڭ ەكى جاعالاۋىنىڭ توعىسا دامۋىنا دەم بەرۋ، ءارقانداي فورماداعى ”تايۋان دەربەستىگى“ بولشەكتەۋشىلىك ارەكەتىنە باتىل قارسى تۇرۋ كەرەك. شەتەلدەگى چياۋمين باۋىرلاستارمەن كەڭ كولەمدە ىنتىماقتاسىپ، چياۋمين باۋىرلاستار ۋاكىلدەرىن ساياسي كەڭەستىڭ قيمىلدارىنا قاتىناسۋعا باۋراۋ كەرەك. سىرتقا قاراتىلعان بارىس - كەلىستى بەلسەندىلىكپەن ورىستەتىپ، ادامزاتتىڭ تاعدىرلاس ورتاق تۇلعاسىن قۇرۋدى جەبەۋگە وڭ ەنەرگيا ازىرلەۋ كەرەك.
ءۇشىنشى، مۇشەلەردىڭ جاۋاپكەرشىلىك ارقالاۋىن كۇشەيتۋ. ساياسي كەڭەس مۇشەلەرى ءارقايسى پارتيا - توپتار، ۇيىمدار مەن ءار ۇلت، ءار سالا قايراتكەرلەرىنىڭ ۋاكىلى رەتىندە، ءار جاقتاردىڭ بايسالدى ءماسليحاتتاسۋىنان جارىققا شىققان، ءار سالا بۇقاراسىنا ۋاكىل بولىپ مەملەكەت ىستەرىنە ات سالىسادى، مىندەت، جاۋاپكەرشىلىك اتقارادى. بۇل − داڭق، ءتىپتى دە ماڭىزدىسى، جاۋاپكەرشىلىك. قالىڭ ساياسي كەڭەس مۇشەلەرى وتان ءۇشىن مىندەت اتقارۋ، حالىق ءۇشىن جاۋاپكەرشىلىكتى ادا ەتۋ ىنتا - ىقىلاسىنان جازباي، ءىستى كوڭىل تورىنە قويىپ، جاۋاپكەرشىلىك ارقالاپ، مۇشەلىك مىندەت جاۋاپكەرشىلىگىن مۇقيات اتقارۋ كەرەك.
ساياسي كەڭەس مۇشەلەرى جان - جاقتان كەلگەن، كەيبىر ماسەلەلەر جونىندەگى كوزقاراسى مەن تانىمىنىڭ، ءسوزسىز، ۇقساس بولۋى ناعايبىل، ءبىراق ساياسي تۇرعىدا ءدۇدامال بولۋعا، ساياسي پرينسيپتەن اۋىتقۋعا بولمايدى. پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن ۇيرەنىپ، دايەكتىلەندىرىپ، جۇڭگو كوممۋنيستىك پارتياسى مەن جۇڭگوشا سوتسياليزمدى ساياسي جاقتان شىنايى مويىنداۋدى، يدەيالىق جاقتان شىنايى مويىنداۋدى، نازاريالىق جاقتان شىنايى مويىنداۋدى، سۇيىسپەنشىلىك جاقتان شىنايى مويىنداۋدى ۇزدىكىسز كۇشەيتۋ كەرەك. يدەيالىق ورەسى مەن تانىم قابىلەتىن ۇزدىكسىز جوعارىلاتىپ، ءتۇرلى جاقتارداعى بىلىمدەردى كەڭ كولەمدى ۇيرەنىپ، ساياسي كەڭەستىڭ مىندەت اتقارۋ ءتاسىلىن، ءادىسىن دۇرىس يگەرىپ، ىشكەرىلەي تەكسەرۋ - زەرتتەۋ جۇرگىزىپ، بەلسەنە اقىل - كەڭەس بەرىپ، مىندەت اتقارۋ شەبەرلىگىن جان - جاقتى كۇشەيتۋ كەرەك. كوپىرلىك، دانەكەرلىك رولىن ساۋلەلەندىرىپ، ءوز سالاسىنداعى بۇقارانىڭ اراسىندا قىسىلعاندارعا قول ۇشىن بەرۋ، كەدەيلەردى سۇيەمەلدەپ، جوق - جىتىككە قاراسۋ قىزمەتىن كوبىرەك ىستەۋ، ءتۇسىندىرۋ، كۇدىك - كۇماننان ارىلتۋ قىزمەتىن كوبىرەك ىستەۋ، كوڭىل كۇيدى دۇرىستاپ، قايشىلىقتاردى ءبىر جايلى ەتۋ قىزمەتىن كوبىرەك ىستەۋ كەرەك. نەگىزگى زاڭعا، زاڭدارعا جانە ساياسي كەڭەس ۋستاۆىنا سانالى بويسۇنىپ، سوتسياليستىك وزەكتى قۇن كوزقاراسىن بەلسەندىلىكپەن امالياتتا ايگىلەپ، ءمورالدىق قۇلىقتى شىڭداپ، قاتاڭدىقپەن پاك بولىپ، ءوزىن تەجەپ، ونەگەلى ارەكەتتەرى ارقىلى جاڭا داۋىردەگى ساياسي كەڭەس مۇشەسىندىك كەلبەتىن ايگىلەۋ كەرەك.
جولداستار، دوستار!
ءار دارەجەلى پارتكومدار حالىق ساياسي كەڭەس قىزمەتىن ماڭىزدى ءىس قاراۋ كۇن تارتىبىنە ەنگىزىپ، پارتكوم تۇراقتى كوميتەت ءماجىلىسىنىڭ ساياسي كەڭەس پارتيا باسشىلىق گرۋپپاسىنىڭ قىزمەتىنەن، ساياسي كەڭەس تۇراقتى كوميتەتىنىڭ قىزمەت جاعدايىنان بەرگەن مالىمەتىن مەرزىمدى تۇردە تىڭداۋ تۇزىمىنە تاباندى بولىپ، ساياسي كەڭەس پارتيا ۇيىمىنىڭ پارتيانىڭ لۋشيان، باعىت، ساياساتىن اتقارۋ جاعدايى سياقتىلاردى قۋزاۋ، تەكسەرۋ كەرەك. ساياسي كەڭەستىڭ قىزمەتتەردى ۇيىمداستىرۋىنا، ورىستەتۋىنە ءتيىمدى شارت - جاعداي جاراتىپ، ساياسي كەڭەس باسشىلىق القاسىن ۇزدىكتەردى تاڭداپ كۇشەيتىپ سەپتەۋ، قالالىق، اۋداندىق ساياسي كەڭەستەردىڭ نەگىزدىك قىزمەتتەرىنىڭ ءالسىز بولۋى، ادامدار كۇشىنىڭ ءالسىز بولۋى ماسەلەلەرىن ءتۇيىندى تۇردە شەشۋ كەرەك. پارتكومنىڭ نەگىزگى جاۋاپتى جولداستارى ساياسي كەڭەستىڭ ماڭىزدى قيمىلدارىنا باستاماشىلدىقپەن قاتىناسىپ، باستاماشىلدىقپەن پارتيا سىرتىنداعى دوستارمەن كەڭ دوستاسۋ كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگانى جانە ۇيىمى، ۇگىت، بىرلىكساپ سياقتى تاراۋلار، ۇكىمەت جانە ونىڭ قاتىستى تاراۋلارى، ساياسي كەڭەس ۇيىمىمەن اراداعى بايلانىستى، سايكەستىكتى كۇشەيتىپ، حالىق ساياسي كەڭەس قىزمەتىن كۇشەيتەتىن جانە جاقسارتاتىن بىرىككەن كۇش قالىپتاستىرۋ كەرەك. جاڭا داۋىردە حالىق ساياسي كەڭەس قىزمەتىن كۇشەيتۋ جانە جاقسارتۋ جونىندە، پارتيا ورتالىق كوميتەتى ارناۋلى حۇجات باسپ تاراتادى، كوپشىلىك مۇنى دەن قويا دايەكتىلەندىرۋ، تياناقتاندىرۋ كەرەك.ساياسي كەڭەس پارتيا باسشىلىق گرۋپپاسى پارتيا ورتالىق كوميتەتىنىڭ كەلەلى باعىت - ساياساتتارى مەن شەشىمدەرىنىڭ، ورنالاستىرۋلارىنىڭ حالىق ساياسي كەڭەسىندە دايەكتىلەنۋىنە، تياناقتانۋىنا شىنايى كەپىلدىك ەتۋ كەرەك. ساياسي كەڭەس جۇيەسىندەگى پارتيا قۇرىلىسىن كۇشەيتىپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، ساياسي كەڭەستىڭ پارتيانىڭ ءتۇرلى قۇرىلىستارىن جان - جاقتى ىلگەرىلەتىپ، پارتيا قۇرىلىسىن جەتەكشى ەتىپ، ساياسي كەڭەستىڭ ورگان قۇرىلىسىن ىلگەرىلەتۋ كەرەك.
جولداستار، دوستار!
70 جىلدىڭ الدىندا، جاڭا جۇڭگونىڭ تاڭى ارايلاپ اتقان ساتتە، جۇڭگو كوممۋنيستىك پارتياسى ءداۋىر اۋقىمىنا ۇيلەسىپ، تاراپتاردى ىنتىماقتاستىرىپ، مەملەكەتتى كەڭەسىپ قۇرۋدىڭ، ۇلى كاسىپتى بىرگە جاراتۋدىڭ جاڭا زامانىن باستادى. 70 جىلدان كەيىنگى بۇگىنگى كۇندە، جۇڭگو ارمانىن ءبىر نيەتپەن تىزە قوسا تۇلعالاپ، تاماشا جاڭا داۋىرگە قول ۇستاسا ۇدەرە العا ۇمتىلۋدىڭ جاڭا ۇزاق جورىعىندا، جۇڭگو كوممۋنيستىك پارتياسى اۋەلگى ماقساتتى ۇمىتپاي، بورىشتى ەستە بەرىك ساقتاپ، بۇكىل ەلىمىزدەگى ءار ۇلت حالقىن ۇزدىكسىز ىنتىماقتاستىرا باستاپ، ۇلى ىنتىماقتى، ۇلى بىرلىكتى كۇشەيتىپ، ءبىر نيەتپەن جۇمىلىپ، كەلەلى ىستەردى ىستەيدى. وسى تاريحي بارىستا حالىق ساياسي كەڭەسىنىڭ بورىشى داڭقتى، جاۋاپكەرشىلىگى اۋىر. حالىق ساياسي كەڭەسىنىڭ پارتيا ورتالىق كوميتەتىنىڭ پارمەندى باسشىلىعىندا، تاباندىلىقپەن جۇڭگوشا سوتسياليزم جولىمەن العا ىلگەرىلەپ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ، حالىقتىڭ تاماشا تۇرمىسقا دەگەن تالپىنىسىن جۇزەگە اسىرۋ ءۇشىن ۇزدىكسىز كۇرەس جۇرگىزۋىن ءۇمىت ەتەمىن!
