2019 - جىلعى دۇنيە جۇزىلىك جاساۋ كاسىبى جينالىسى 9 - ايدىڭ 20 - كۇنى انحۇي ولكەسىنىڭ حىفەي قالاسىندا اشىلدى، مەملەكەت ءتوراعاسى شي جينپيڭ قۇتتىقتاۋ حات جولدادى.
شي جينپيڭ بىلاي دەپ اتاپ كورسەتتى: كەزەكتە دۇنيە جۇزىندە جاساۋ كاسىبى تەرەڭ وزگەرىستەردى باستان كەشىرۋدە، ءار ەل سەلبەستىكتى، ءوزارا ۇيرەنۋدى، ءوزارا ۇلگى الۋدى كۇشەيتىپ، جاڭا كەزەكتى عىلىم - تەحنيكا جانە كاسىپ سالاسى توڭكەرىسى ورايىن بىرگە يگەرىپ، جاساۋ كاسىبى تەحنيكاسىندا جاڭالىق اشۋ قابىلەتىن نىعايتىپ، جاساۋ كاسىبى ساپاسىن جاڭالاۋدى، ونىمدىلىگىن جاڭالاۋدى، قوزعاۋشى كۇشتى جاڭالاۋدى جەبەۋى قاجەت.
شي جينپيڭ بىلاي دەپ باسا دارىپتەدى: جۇڭگو جاساۋ كاسىبىنىڭ دامۋىنا وسكەلەڭ ءمان بەرىپ، جاڭالىق اشۋ ارقىلى دامۋعا دەم بەرۋ ستراتەگياسىنان جازباي، جاساۋ كاسىبىنىڭ جوعارى ساپالى دامۋىن ىلگەرىلەتۋدى وسىزاماندانعان ەكونوميكالىق جۇيە قالىپتاستىرۋداعى ماڭىزدى ءبىر بۋىن ەتەدى. جۇڭگو ءارقايسى جاقپەن بىرگە جاساۋ كاسىبى جاڭا تەحنيكاسىنىڭ قارىشتاپ دامۋىن ىلگەرىلەتىپ، دۇنيە ءجۇزى جاساۋ كاسىبىنىڭ جوعارى ساپالى دامۋىن جەبەپ، بىرگە پايدالانىپ، بىرگە يگىلىككە كەنەلۋدى جۇزەگە اسىرۋعا بەلسەنە ۇلەس قوسۋدى قالايدى.
