تاياۋدا ج ك پ ورتالىق كوميتەتى، مەملەكەتتىك كەڭەس «قاتىناستا قۇدىرەتتى ەل قۇرۋ باعدارلاماسىن» باسىپ تاراتتى ءارى ۇقتىرۋ شىعارىپ، جەر - جەردەن، تاراۋلاردان ءىس جۇزىندىك جاعدايمەن ۇشتاستىرا وتىرىپ مۇقيات دايەكتى تياناقتاندىرۋدى تالاپ ەتتى.
«قاتىناستا قۇدىرەتتى ەل قۇرۋ باعدارلاماسىنىڭ» تولىق ءماتىنى تومەندەگىدەي:
قاتىناستا قۇدىرەتتى ەل قۇرۋ − شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ مەملەكەت جاعدايىن تياناق ەتىپ، جالپى جاعدايدى كوزدەپ، بولاشاقتى بەتكە الىپ جاساعان كەلەلى ستراتەگيالىق شەشىمى، وسىزاماندانعان ەكونوميكالىق جۇيە ورناتۋدىڭ الدىمەن جۇرەتىن سالاسى، جاپپاي سوتسياليستىك وسىزاماندانعان قۇدىرەتتى ەل قۇرۋدىڭ ماڭىزدى تىرەگى، جاڭا داۋىردە قاتىناس قىزمەتىن ويداعىداي ىستەۋدىڭ باس تۇتقاسى. قاتىناستا قۇدىرەتتى ەل بولۋ قۇرىلىسىن ءبىر تۇتاس جوسپارلاپ ىلگەرىلەتۋ ءۇشىن وسى باعدارلاما جاسالدى.
ءبىرىنشى، جالپى تالاپ
1 ) جەتەكشى يدەيا. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتۋدى جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدى تىعىز ارقاۋ ەتىپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى اۋەنىنەن، جاڭا دامۋ ۇستانىمىنان، ساپالى دامۋدى ىلگەرىلەتۋدەن، قامداۋ جاعىنداعى قۇرىلىمدىق رەفورمانى نەگىزگى جەلى ەتۋدەن، حالىقتى وزەك ەتكەن دامۋ يدەياسىنان جازباي، قاتىناستىڭ الدا ءجۇرۋ ورنىن مىقتاپ يگەرىپ، لايىقتى العا وزىپ، يدەيانى اناعۇرلىم ازات ەتىپ، ءورىس اشا ىلگەرىلەپ، قاتىناستىڭ دامۋىندا قارقىن مەن كولەمگە تالپىنۋدان ساپا مەن ونىمدىلىككە اناعۇرلىم ءمان بەرۋگە بۇرىلىس جاساۋدى ىلگەرىلەتىپ، ءتۇرلى قاتىناس تاسىلدەرىنىڭ سالىستىرمالى دەربەس دامۋىنان ءبىر تۇلعالانعان، توعىسپالى دامۋعا اناعۇرلىم ءمان بەرۋگە، ءداستۇرلى فاكتورلىق قوزعاۋشى كۇشكە سۇيەنۋدەن جاڭالىق اشۋ ارقىلى قوزعاۋشىلىق ەتۋگە اناعۇرلىم ءمان بەرۋگە بۇرىلىس جاساپ، حاۋىپسىز، قولايلى، جوعارى ءونىمدى، جاسىل، ۇنەمدى وسىزاماندانعان ۋنيۆەرسال قاتىناس جۇيەسىن ورناتىپ، بىرەگەي قۇرىلعى، وزىق تەحنيكا، ماڭداي الدى باسقارۋ، ماڭداي الدى قىزمەت وتەۋ جۇيەسىن قالىپتاستىرىپ، حالىق رازى بولاتىن، پارمەندى قامتاماسىز ەتىلەتىن، دۇنيە ءجۇزى بويىنشا الدىڭعى قاتاردا تۇراتىن قاتىناستا قۇدىرەتتى ەل قۇرىپ، جاپپاي سوتسياليستىك وسىزاماندانعان قۇدىرەتتى ەل قۇرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا پارمەندى تىرەك ازىرلەۋ. (تولىق مازمۇنىن حالىق تورابىنىڭ حانزۋشا ارناسىنان وقي الاسىزدار)
