ساياسي كەڭەس مەملەكەتتىك 13 - كەزەكتى كوميتەتى تۇراقتى كوميتەتىنىڭ 7 - ءماجىلىسى 6 - ايدىڭ 19 - كۇنى بەيجيڭدە جابىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ جابىلۋ سالتىن باسقاردى ءارى ءسوز سويلەدى. ول مىنالاردى دارىپتەدى: جاساۋ كاسىبى − مەملەكەت قۇرۋدىڭ، مەملەكەتتى قۇدىرەتتەندىرۋدىڭ نەگىزى، ەكونوميكانىڭ ساپالى دامۋىنىڭ نەگىزگى شايقاس مايدانى. وسى رەتكى تۇراقتى كوميتەت ءماجىلىسى «جاساۋ كاسىبىنىڭ ساپالى دامۋىن ىلگەرىلەتۋدى» كەڭەس تاقىرىبى ەتىپ، مەملەكەتتىك ساياسي كەڭەستىڭ ارناۋلى كەڭەس قۇرىلىمىنىڭ رولىن ساۋلەلەندىرىپ، پارتيا مەن مەملەكەتتىڭ وزەكتى مىندەتىن اتقارۋعا نازار اۋدارىپ، جاۋاپكەرلىكتى ادا ەتۋ سىندى قىزمەت پرينسيبىن ايگىلەدى، سونداي - اق حالىق ساياسي كەڭەسىنىڭ مەملەكەتتى جونگە سالۋ جۇيەسىنىڭ ماڭىزدى قۇرامداس بولەگى بولۋداي ەرەكشەلىگى مەن ابزالدىعىن ايگىلەدى.
ۋاڭ ياڭ مىنالاردى اتاپ كورسەتتى: جۇڭگونىڭ جاساۋ كاسىبى دامۋىنىڭ قازىرگى جاعدايى مەن بولاشاعىنا نازار اۋدارۋدى جۇڭحۋا ۇلتىنىڭ ۇلى گۇلدەنۋى بارىسىنداعى تەكسەرۋمەن بىرلەستىرۋ كەرەك. جاڭا جۇڭگونىڭ قۇرىلۋى جۇڭگونىڭ ونەركاسىپتەنۋىنە ءتۇبىرلى ساياسي العى شارت جانە تۇزىمدىك نەگىز قالاپ، بىرىنشىدەن كەدەي، ەكىنشىدەن اق بولۋ نەگىزىندە كەمەلدەنگەن ونەركاسىپ جۇيەسىن تەز ارادا ورناتتى. رەفورما جاساپ، قاقپا اشۋ جۇڭگونىڭ ونەركاسىپتەنۋ اياق الىسىن بارىنشا تەزدەتتى، ەلىمىز دۇنيە ءجۇزى بويىنشا جاساۋ كاسىبىندەگى ءبىرىنشى ءىرى ەلگە اينالدى. پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جاڭالىق جاراتۋ ارقىلى دامۋعا دەم بەرۋ ستراتەگياسى ىشكەرىلەي اتقارىلدى، قامداۋ جاعىنداعى قۇرىلىمدىق رەفورمانىڭ تابىسى كورنەكتى بولدى، جاڭا دامۋ يدەياسىنىڭ «ۋاقىتى» جاساۋ كاسىبىنىڭ ساپالى دامۋىنىڭ «جاعدايىنا» اينالدى. ەل ءىشى - سىرتىنداعى ورتا قاتاڭ دا كۇردەلى، جاساۋ كاسىبىنىڭ ساپالى دامۋ جولى ءا دەگەننەن ءساتتى بولا قويماعانىمەن، ەلىمىز كەمەلدى كاسىپ جۇيەسى، وراسان زور بازار كەڭىستىگى، ادام كۇشى كاپيتالىن مولايتۋ سياقتى كوپتەگەن ابزالدىققا يە، اسىرەسە، ساياسي ءتۇزىمنىڭ وراسان زور ابزالدىعى بولعاندىقتان، ءسوز جوق، قىسىمدى قوزعاۋشى كۇشكە اينالدىرىپ، سىن - سايىستى ورايعا اينالدىرىپ، جاساۋ كاسىبىنىڭ جاندانىپ، قايتا جاندانۋىن جەبەي الادى.
