جۋىردا پارتيا ورتالىق كوميتەتى مەن مەملەكەتتىك كەڭەستىڭ ماقۇلداۋىمەن، مەملەكەتتىك ۇلتتار ىنتىماعى جاعىنداعى العاباسار ۇلگىلەردى باعالاۋ جانە ماراپاتتاۋ قىزمەتى رەسمي ىسكە قوسىلدى.
وسى رەتكى باعالاۋ جانە ماراپاتتاۋ قىزمەتىنىڭ ماقساتى — شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتى تياناقتاندىرىپ، جاڭا جۇڭگو قۇرىلعاننان بەرگى، وتە – موتە، پارتيا 18 – قۇرىلتايىنان بەرگى ەلىمىزدىڭ ۇلتتار ىنتىماعى العاباسارلىعى ىستەرىندە قول جەتكىزگەن شۇعىلالى جەتىستىكتەرىن مۇقيات قورىتىندىلاپ، از ۇلتتاردىڭ جانە از ۇلتتار قونىستانعان وڭىرلەردىڭ تاريحي ۇلى وزگەرىستەرىن تولىق ايگىلەپ، ءار سالا، ءار كاسىپتەن العا شىققان ۇلتتار ىنتىماعى العاباسارلىعى جاعىنداعى تيپتىك ۇلگىلەردىڭ ىزگى ىستەرىن كۇش سالا ۇگىتتەپ، داۋىرلىك ۇلگىلەر ارقلى بۇكىل ەلىمىزدەگى ءار ۇلت حالقىنىڭ «ءتورت ءتۇرلى تانىمدى» كۇشەيتۋىنە، «ءتورت ءتۇرلى سەنىمدى» بەكەمدەۋىنە، «ەكىنى قورعاۋدى» ورىنداۋىنا، «بەستى قۇپتاۋدى» كۇشەيتۋىنە جەتەكشىلىك ەتۋ، جۇڭحۋا ۇلتىنىڭ ورتاق تۇلعاسىندىق تانىمىن ۇزدىكسىز بەكەمدەپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قيمىلىنا الەۋمەتتىك اڭىس ورتاسىن جاراتۋ بولىپ تابىلادى.
باعالاۋ جانە ماراپاتتاۋ قيمىلىنا كانديدات كورسەتۋ كولەمى نەگىزىنەن 2014 – جىلعى مەملەكەتتىك كەڭەستىڭ 6 – كەزەكتى مەملەكەتتىك ۇلتتار ىنتىماعى جاعىنداعى العاباسارلاردى ماراپاتتاۋ ماجىلىسىنەن بەرى ەلىمىزدىڭ ۇلتتار ىنتىماعى العاباسارلىعى ىستەرىنە كورنەكتى ۇلەس قوسقان ۇلگىلى كوللەكتيۆتەر مەن جەكەلەر. باعالاۋعا قاتىناساتىن وبيەكتىلەر، ءسوزسىز، وتاندى قىزۋ سۇيەتىن، جۇڭگو كوممۋنيستىك پارتياسىنىڭ باسشىلىعىنىڭ قورعايتىن، جۇڭگوشا سوتسياليزم ۇلى تۋىن بيىك كوتەرەتىن، ماركسيزم – لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلىمي دامۋ كوزقاراسىن، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتكەن، ۇلى وتاندى، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى وسكەلەڭ تۇرعىدا قۇپتايتىن، پارتيانىڭ ۇلتتىق ساياساتىن مۇقيات اتقاراتىن، مەملەكەتتىڭ زاڭ – تۇزىمدەرىنە ۇلگىلى تۇردە بويسۇناتىن، قىزمەت ورنىندا تاباندى بولىپ، ەرلىكپەن ءوزىن ارنايتىن، ءار ۇلتتىڭ ىنتىماقتاسا كۇرەس جۇرگىزۋى، بىرگە كوركەيىپ – گۇلدەنۋى جانە دامۋى سىندى قاستەرلى ءىستى ىلگەرىلەتۋ بارىسىندا كورنەكتى ناتيجە جاراتقان جەكەلەر مەن كوللەكتيۆتەر بولۋى كەرەك.
