مەملەكەتتىك كەڭەستىڭ زۇڭليى لي كىچياڭ 6 - ايدىڭ 11 - كۇنى تۇستەن بۇرىن جۇڭنانحايداعى زىگۋاڭگى سارايىندا دۇنيە بانكەسىنىڭ باستىعى مالپاسپەن كەزدەستى.
لي كىچياڭ بىلاي دەدى: جۇڭگونىڭ دۇنيە بانكەسىمەن سەلبەستىگى جۇڭگونىڭ رەفورما جاساۋ، قاقپا اشۋ اياق الىسىمەن نەگىزىنەن قادامداس. 40 جىلعا جۋىق ۋاقىتتان بەرى ەكى جاق قارىز اقشا، ءبىلىم سياقتى سالالاردا جاڭالىق اشا، اشىق، جاريا، ءونىمدى سەلبەستىك ورىستەتتى، بۇل جۇڭگو مەن دۇنيە بانكەسىنىڭ دامۋىنا ءتيىمدى بولىپ، ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىردى. ەكى جاقتىڭ سەلبەستىك بولاشاعى كەڭ، بۇل ءارى بۇكىل دۇنيە ءجۇزى كولەمىندە كەدەيلەردى سۇيەمەلدەۋدى ىلگەرىلەتىپ، وڭتۇستىك پەن سولتۇستىكتىڭ پارقىن ازايتىپ، باياندى دامۋدى جۇزەگە اسىرۋعا سەپتىگىن تيگىزەدى. قازىر دۇنيە ءجۇزى ەكونوميكاسىندا تۇراقسىز فاكتورلار كوبەيۋدە، جۇڭگو قازىرگى حالىقارالىق ەكونوميكا، فينانس جۇيەسىنىڭ ات سالىسۋشىسى، قۇرۋشىسى جانە ۇلەس قوسۋشىسى رەتىندە دۇنيە بانكەسىمەن سەلبەستىك ارىپتەستىك قاتىناسىن تەرەڭدەتىپ، دۇنيە جۇزىنە جاھاندانا دامۋ اياق الىسىنا ۇيلەسەتىن بەلسەندى سيگنال بەرىپ، دۇنيە ءجۇزىنىڭ دامۋى مەن گۇلدەنۋىن بىرگە ىلگەرىلەتۋدى قالايدى.