بو - اۋ ازيا فورۋمىنىڭ دۇنيە جۇزىلىك سالاماتتىق فورۋمى 6 - ايدىڭ 11 - كۇنى چيڭداۋ قالاسىندا اشىلدى. مەملەكەت ءتوراعاسى شي جينپيڭ جينالىسقا قۇتتىقتاۋ حاتىن جولدادى.
شي جينپيڭ مىنالاردى دارىپتەدى: سالاماتتىق − بۇكىل ادامزاتتىڭ ورتاق ارمانى، سونداي - اق ادامزاتتىڭ تاعدىرلاس ورتاق تۇلعاسىن بىرگە قۇرۋدىڭ ماڭىزدى قۇرامداس بولىگى. دۇنيە ءجۇزىنىڭ دەنساۋلىق ساقتاۋ ىستەرىن ىلگەرىلەتۋ − 2030 - جىلعا دەيىنگى باياندى دامۋ كۇن ءتارتىبىن تياناقتاندىرۋدىڭ ماڭىزدى قۇرامداس بولىگى. بو - اۋ ازيا فورۋمى ازيانىڭ، سونداي - اق دۇنيە ءجۇزىنىڭ بىرگە دامۋىن جانە حالىقتىڭ باقىتىن جەبەۋگە باستان - اياق كۇش سالىپ كەلەدى، بۇل رەتكى جينالىستىڭ اشىلۋى وسى جاقتاعى تاعى ءبىر ماڭىزدى قۇلشىنىس بولدى. جينالىستىڭ ءار جاقتىڭ كۇشى مەن ورتاق تانىمىن ءونىمدى شوعىرلاندىرىپ، اۋىس - كۇيىس جاساپ، ءوزارا ۇلگى الىپ، دۇنيە ءجۇزىنىڭ سالاماتتىق ىستەرى مەن سالاماتتىق كاسىبىنىڭ دامۋىن ىلگەرىلەتىپ، دەنساۋلىق ساقتاۋ، سالاماتتىق سالاسىنداعى حالىقارالىق سەلبەستىكتى جەبەپ، بۇكىل ادامزاتتىڭ سالاماتتىق باقىتىنا ۇلەس قوسۋىن ءۇمىت ەتەمىن.