1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارالرى
  5. زاڭ - ەرەجە

شي جينپيڭ قىرعىزستاننىڭ اقپارات قۇرالدارىندا اۆتورلى ماقالا جاريالادى

جۇڭگو مەن قىرعىزستاننىڭ دوستىق بايتەرەگى ماڭگى جايقالا بەرسىن

日期:2019年06月12日
来源:新疆日报
【字体:

6 - ايدىڭ 11 - كۇنى، قىرعىزستاندا مەملەكەتتىك ساپاردا بولۋ ءارى شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 19 – ماجىلىسىنە قاتىناسۋ قارساڭىندا، مەملەكەت ءتوراعاسى شي جينپيڭ قىرعىزستاننىڭ «ءسوز» گازەتىندە، حابار حالىقارالىق اقپارات اگەنتتىگىندە «جۇڭگو مەن قىرعىزستاننىڭ دوستىق بايتەرەگى ماڭگى جايقالا بەرسىن» دەگەن تاقىرىپتا اۆتورلى ماقالا جاريالادى. ماقالانىڭ تولىق مازمۇنى تومەندەگىدەي:

جۇڭگو مەن قىرعىزستاننىڭ دوستىق بايتەرەگى ماڭگى جايقالا بەرسىن

جۇڭحۋا حالىق رەسپۋبليكاسىنىڭ ءتوراعاسى شي جينپيڭ

ماۋسىم ايىندا ءتاڭىر تاۋىندا گۇلدەر جايقالىپ، جاسىل جەلەك جاندى جادىراتادى. وسى تاماشا ماۋسىمدا پرەزيدەنت جيەنبەكوۆتىڭ ۇسىنىسى بويىنشا مەن قىرعىزستاندا 2 - رەت مەملەكەتتىك ساپاردا بولامىن ءارى شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 19 - ماجىلىسىنە قاتىناسامىن. 6 جىلدىڭ الدىندا مەن كوركەم قىرعىزستاندا تۇڭعىش ساپاردا بولىپ، قىرعىزستان جاقپەن دوستىقتى اڭگىمەلەپ، سەلبەستىكتى اقىلداسىپ، بولاشاقتى تىلگە تيەك ەتىپ، جۇڭگو مەن قىرعىزستاننىڭ ستراتەگيالىق ارىپتەستىك قاتىناسىنىڭ جاڭا ءداۋىرىن اشتىم. 6 جىلدان كەيىن مەن ەكى ەل قاتىناسىنىڭ جالپى بەتتىك ستراتەگيالىق ارىپتەستىك قاتىناسقا كوتەرىلگەنىن قۋانىشپەن كوردىم. جۇڭگو مەن قىرعىزستاننىڭ دوستىق، سەلبەستىك ىستەرى، بەينە، جازعىتۇرىم كەزىندەگى تاۋ، وزەن، جايىلىم سياقتى ومىرشەڭدىك كۇشكە تولى.

جۇڭگو - قىرعىزستان ەكى ەل حالىقتارى كورشىلەس، ءداستۇرلى دوستىقتىڭ تامىرى تەرەڭدە جاتىر. 2 مىڭ جىلدان استام ۋاقىتتىڭ الدىندا جۇڭگونىڭ حان پاتشالىعى داۋىرىندە جاڭ چيان باتىس وڭىرگە ساپار شەككەن. نەشە ءجۇز جىلدان كەيىن قىرعىزدار مىڭ شاقىرىم جول باسىپ تاڭ پاتشالىعىنىڭ استاناسى چاڭ - انعا بارادى. جۇڭگونىڭ تاڭ ءداۋىرىنىڭ ۇلى اقىنى لي بايدىڭ تاماشا ولەڭدەرى ەكى ەلگە كەڭىنەن تارالعان. 2 مىڭ جىلدان استام ۋاقىتتان بەرگى تاريحي قور ەكى ەل حالىقتارىنىڭ مىزعىماس تەرەڭ دوستىعىن سومدادى.

ديپلوماتيالىق قاتىناس ورناتقاننان بەرى جۇڭگو - قىرعىزستان قاتىناسى حالىقارالىق اۋمالى - توكپەلى جاعدايدىڭ سىنىنان ءوتتى، ەكى ەل جاپا - ماشاقاتتا بىرگە بولىپ، ءوزارا كومەكتەسىپ، اتى زاتىنا ساي تاتۋ كورشى، ابزال دوس، جاقسى سەرىك، ەتەنە باۋىرلاس بولىپ، حالىقارالىق قوعامدا ءوزارا قۇرمەت ەتەتىن، تەڭ تۇرعىدا سەلبەستىك جاسايتىن، ءوزارا پايدا جەتكىزىپ، تەڭ يگىلىككە كەنەلەتىن جاڭاشا مەملەكەت قاتىناسىنىڭ ۇلگىسىن ورناتتى.