سىرتقى ىستەر مينيسترلىگى 6 - ايدىڭ 10 - كۇنى جۇڭگو - شەتەل اقپارات قۇرالدارىنا جاعدايدى قۇلاققاعىس ەتۋ ءماجىلىسىن اشتى. سىرتقى ىستەر مينيسترلىگىنىڭ ورىنباسار مينيسترى جاڭ حانحۇي مەملەكەت ءتوراعاسى شي جينپيڭنىڭ قىرعىزستاندا، تاجىكستاندا مەملەكەتتىك ساپاردا بولۋى ءارى شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 19 - ماجىلىسىنە، ازيا ءوزارا سەلبەستىك جانە سەنىمدىلىك شارالارى ءماجىلىسىنىڭ 5 - رەتكى سامميەتىنە قاتىناسۋىنداعى قاتىستى جاعدايلاردى تانىستىردى ءارى تىلشىلەردىڭ سۇراۋىنا جاۋاپ بەردى.
جاڭ حانحۇي بىلاي دەدى: ءتوراعا شي جينپيڭ 6 – ايدىڭ 12 - كۇنىنەن 16 - كۇنىنە دەيىن قىرعىزستان مەن تاجىكستاندا مەملەكەتتىك ساپاردا بولادى ءارى بىشكەك قالاسىندا وتكىزىلەتىن شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 19 - ماجىلىسىنە جانە دۋشانبەدە وتكىزىلەتىن ازيا ءوزارا سەلبەستىك جانە سەنىمدىلىك شارالارى ءماجىلىسىنىڭ 5 - رەتكى سامميتىنە قاتىناسادى. حالىقارالىق جاعدايداعى اۋمالى - توكپەلى وزگەرىستەر الدىندا، جۇڭگونىڭ قىرعىزستان، تاجىكستاندى قامتىعان ورتا ازيا ەلدەرىمەن قاتىناسى باياندى، ورنىقتى، اقاۋسىز دامىدى. جۇڭگو - قىرعىزستان، جۇڭگو – تاجىكستان − اتى زاتىنا ساي ابزال كورشىلەر، سەنىمدى سەرىكتەر، ابزال دوستار، ەكى جاقتىڭ قاتىناسى تاريحتاعى ەڭ جاقسى مەزگىلدە تۇر، كەڭ دامۋ بولاشاعى بار. قىرعىزستان مەن تاجىكستانداعى ساپارى كەزىندە ءتوراعا شي جينپيڭ پرەزيدەنت جيەنبەكوۆ پەن پرەزيدەنت راحمون وتكىزەتىن قارسى الۋ سالتى، كەڭەس، قول قويۋ سالتى، قارسى الۋ قوناعاسىسى سياقتى مەملەكەت ىستەرى قيمىلدارىنا جەكە - جەكە قاتىناسادى، ەكى ەل باسشىلارىمەن جۇڭگو - قىرعىزستان، جۇڭگو - تاجىكستان جالپى بەتتىك ستراتەگيالىق ارىپتەستىك قاتىناسىنىڭ بولاشاق دامۋى جونىندە تىڭ جوبا، تىڭ ورنالاستىرۋ جاسايدى. جۇڭگو - قىرعىزستان، جۇڭگو - تاجىكستان قاتىناسىنىڭ ساياسي نەگىزىن اناعۇرلىم بەكەمدەپ، جۇڭگو - قىرعىزستان، جۇڭگو - تاجىكستان «ءبىر بەلدەۋ، ءبىر جولدى» بىرگە قۇرۋ سەلبەستىگىنىڭ جاڭا جوباسىن جاساپ، ەكى جاقتىڭ جوعارى دەڭگەيدەگى ساياسي سەنىمدىلىگىن اناعۇرلىم كوپ ناقتى سەلبەستىك تابىسىنا اينالدىرىپ، حالىقتىڭ ىرىسىن ارتتىرىپ، ءوز ەلدەرىنىڭ دامۋىنا، گۇلدەنۋىنە دەم بەرىپ، جۇڭگو - قىرعىزستان، جۇڭگو - تاجىكستان قاتىناسىنىڭ جاڭا جاعدايدا اناعۇرلىم زور دامۋىن جۇزەگە اسىرۋىنا كەپىلدىك ەتەدى.
