دۇنيە جۇزىلىك قورشاعان ورتا كۇنى الەمدىك نەگىزگى مايدان قيمىلى 6 - ايدىڭ 5 - كۇنى جىجياڭ ولكەسىنىڭ حاڭجوۋ قالاسىندا وتكىزىلدى، مەملەكەت ءتوراعاسى شي جينپيڭ قۇتتىقتاۋ حات جولدادى.
شي جينپيڭ بىلاي دەپ اتاپ كورسەتتى: ادامزاتتا ءبىر عانا جەر شارى بار، ەكولوگيالىق ورتانى قورعاۋ، باياندى دامۋدى ىلگەرىلەتۋ − ءار ەلدىڭ ورتاق جاۋاپكەرشىلىگى. قازىر حالىقارالىق قوعام 2030 - جىلعى باياندى دامۋ كەڭەستىك ءتارتىبىن بەلسەندىلىكپەن تياناقتاندىرۋدا، سونىمەن بىرگە ءار ەل ءالى دە قورشاعان ورتانىڭ لاستانۋى، كليمات وزگەرىسى، ورگانيزمنىڭ كوپ تۇرلىلىگىنىڭ ازايۋى سياقتى قاتاڭ سىن - سىناقتارعا ءدوپ كەلۋدە. الەمدىك ەكولوگيالىق وركەنيەت قۇرۋ ءار ەلدىڭ ءبىر نيەتپەن سەلبەسىپ، جاسىل، تومەن كومىرتەكتى، باياندى دامۋدى بىرگە جەبەۋىن قاجەت ەتەدى.
شي جينپيڭ بىلاي دەپ باسا دارىپتەدى: جۇڭگو ەكولوگيالىق ورتانى قورعاۋعا وسكەلەڭ ءمان بەرىپ، تۇنىق سۋ، جاسىل تاۋ − باعالى بايلىق دەگەن ماڭىزدى ۇستانىمنان جازباي، ادام مەن تابيعاتتىڭ جاراسىمدى بىرگە ءومىر ءسۇرۋىن دارىپتەپ، ەكولوگيالىق وركەنيەت قۇرىلىسىن مەملەكەت دامۋىنىڭ جالپى تۇلعالىق ورنالاستىرىلۋىنا ەنگىزىپ، كورىكتى جۇڭگو قۇرۋعا قۇلشىنىپ، كورنەكتى العا باسۋلارعا قول جەتكىزدى. كەلەشەكتى بەتكە العاندا، جۇڭگو ءار جاقپەن بىرگە جاسىل دامۋ جولىمەن جۇرۋگە تاباندى بولىپ، ەكولوگيالىق وركەنيەت نەگىزىن بىرگە ورناتىپ، 2030 - جىلعى كەڭەستىك ءتارتىپتى جاپپاي تياناقتاندىرىپ، ادامزات سۇيەنىپ تىرشىلىك ەتىپ جاتقان جەر شارى مەكەندى ويداعىداي قورعاپ، كورىكتى دۇنيە ءجۇزىن قۇرۋعا، ادامزاتتىڭ تاعدىرلاس ورتاق تۇلعاسىن تۇلعالاۋعا بەلسەندى ۇلەس قوسۋدى قالايدى.
