مەملەكەت ءتوراعاسى شي جينپيڭ مەن رەسەيدىڭ زۇڭتۇڭى پۋتين 6 - ايدىڭ 5 - كۇنى ماسكەۋدە «جۇڭحۋا حالىق رەسپۋبليكاسى مەن رەسەي فەدەراتسياسىنىڭ جاڭا داۋىردەگى جان - جاقتى ستراتەگيالىق ىستەستىك سەرىكتەستىك قارىم - قاتىناسىن دامىتۋ جونىندەگى بىرلەسكەن مالىمدەمەسى»نە بىرگە قول قويدى.
مالىمدەمەدە بىلاي دەپ اتاپ كورسەتىلدى: جۇڭگو - رەسەي قارىم - قاتىناسى جاڭا داۋىرگە ءوتىپ، اناعۇرلىم زور دامۋ جاڭا ورايىن قارسى الدى. ەكى جاق جۇڭگو مەن رەسەيدىڭ جاڭا داۋىردەگى جان - جاقتى ستراتەگيالىق ىستەستىك سەرىكتەستىك قارىم - قاتىناسىن دامىتۋعا كۇش سالاتىندىعىن جاريالادى. ونىڭ نىساناسى مەن بەتالىسى مىناۋ: ءوزارا قارايلاسىپ، ءبىر - بىرىنە اناعۇرلىم تاباندى، پارمەندى ستراتەگيالىق قولداۋ كورسەتىپ، قارسى جاقتىڭ ءوزىنىڭ دامۋ جولىمەن ءجۇرۋىن جانە ءوز ەلىنىڭ وزەكتى مۇددەسىن قورعاۋىن قولداپ، ەكى ەلدىڭ وزدەرىنىڭ حاۋىپسىزدىگىن، يەلىك ۇقىعىن جانە تەرريتوريا بۇتىندىگىن قامتاماسىز ەتۋ. وسىعان وراي، ەكى جاق قاتىستى سالالارداعى ءوزارا پايدالى سەلبەستىكتەردى اناعۇرلىم ورىستەتەدى. تەرەڭ توعىسىپ، مەملەكەتتىڭ دامۋ ستراتەگيالارىن ۇشتاستىرۋ جونىندە تىعىز سايكەسىپ جانە ستراتەگيالىق ىستەستىك جاساپ، ەكونوميكا - ساۋدا جانە قارجى قوسۋداعى ءوزارا ءتيىمدى سەلبەستىكتى كەڭەيتەدى. ”ءبىر بەلدەۋ، ءبىر جول“دىڭ ەۆروپا - ازيا ەكونوميكالىق وداعىمەن ۇشتاسۋىن ىلگەرىلەتۋ جاعىندا سايكەستى ارەكەتتى كۇشەيتەدى. ءورىس اشا جاڭالىق اشىپ، ەكى ەل قارىم - قاتىناسىنىڭ الەۋەتىن جانە دامۋ قوزعاۋشى قۋاتىن اناعۇرلىم جاپپاي اشادى. جالپىعا بىردەي ءتيىمدى بولىپ، تەڭ يگىلىككە كەنەلەدى، «بىرلەسكەن مەملەكەتتەر ۇيىمى ۋستاۆى»نىڭ نەگىزگى ماقساتى مەن پرينسيبىن وزەك ەتكەن حالىقارالىق ءتارتىپ پەن حالىقارالىق جۇيەنى قورعاپ، ءوزارا قۇرمەت ەتەتىن، ءادىل، تۋراشىل، سەلبەسىپ تەڭ يگىلىككە كەنەلەتىن جاڭاشا حالىقارالىق قارىم - قاتىناس ورناتۋدى ىلگەرىلەتەدى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەدى.
مالىمدەمەدە بىلاي دەپ اتاپ كورسەتىلدى: ەكى ەلدىڭ مەملەكەت باسشىلارىنىڭ ستراتەگيالىق جەتەكتەۋ رولىن ساۋلەلەندىرىپ، ساياسي سەلبەستىكتى، حاۋىپسىزدىك سەلبەستىگىن، ناقتى ىستەر سەلبەستىگىن، گۋمانيتارلىق اۋىس - كۇيىستى، حالىقارالىق سەلبەستىكتى جۇڭگو مەن رەسەيدىڭ جان - جاقتى ستراتەگيالىق ىستەستىك سەرىكتەستىك قارىم - قاتىناسىنىڭ ءتۇيىندى سالاسى ەتەدى. جۇڭگو مەن رەسەيدىڭ جان - جاقتى ستراتەگيالىق ىستەستىك سەرىكتەستىگىنىڭ ءمانىن بايىتادى.
