جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن سالتاناتپەن قۇتتىقتاۋ ٴۇشىن ، ورتالىق ۇگىت ٴبولىمى ، وقۋ - اعارتۋ مينيسترلىگى ، كوممۋنيستىك جاستار وداعى ورتالىق كوميتەتى جۋىردا ۇقتىرۋ باسىپ تاراتىپ ، بۇكىل ەلدەگى ورتا ، باستاۋىش مەكتەپتەردە « وتاندى سۇيەمىن ، مەملەكەت ٴانىن بىرگە شىرقايىق» قيمىلىن ورىستەتۋدى ورنالاستىردى.
ۇقتىرۋدا مىنالار اتاپ كورسەتىلدى : قيمىل 5-ايدىڭ سوڭىندا باستالىپ ، 10-ايدىڭ سوڭىندا اياقتالادى، وسى بارىستا مەملەكەت ٴانىن ۇيرەنۋ ، مەكتەپ اۋلاسىنداعى ٴان جارىسى، جاسامپازدىق، مەملەكەت ٴانىن ايتۋ جانە وتانشىلدىق اندەر كەسكىن تۋىندىلارى، تاڭداۋلى تۋىندىلاردى باعالاۋ ، تاراتۋ سياقتى بۋىندار قامتىلادى. جەر - جەردەگى ورتا ، باستاۋىش مەكتەپتەر وقۋشىلاردى مەملەكەت ٴانىن جاقسى ۇيرەنۋگە ۇيىمداستىرىپ ، مەملەكەت تۋىن شىعارۋ مەن مەملەكەت ٴانىن ايتۋدى ارناعا ٴتۇسىرۋ-داعدىلاندىرۋ قيمىلدارىن ىلگەرىلەتۋلەرى كەرەك. قيمىل كەزىندە ورتالىق تەلەۆيزيا تورابىندا ارناۋلى توراپ بەتى اشىلىپ، ۇزدىك كەسكىن-تۋىندىلاردى توراپتا باعالاۋ قيمىلى ورىستەتىلەدى، سارالانعان تاڭداۋلى تۋىندىلار ورتالىق پەن جەرگىلىكتى راديو ، تەلەۆيزيا ستانسيالارىندا ، سونداي - اق ٴتۇرلى توراپ تەكشەلەرىندە ، قوعامدىق دانەكەرلەردە تاراتىلادى.
