ونەركاسىپ جانە ينفورماتسيالاندىرۋ مينيسترلىگى 6-ايدىڭ 6-كۇنى جۇڭگو تەلەگراف ، جۇڭگو جىلجىمالى حابارلاسۋ ، جۇڭگو بىرلەسپە حابارلاسۋ ، جۇڭگو راديو – تەلەۆيزيا توراپ شەكتى سەرىكتىگىنە G5 ساۋدا كارتاسىن تاراتتى. ەلىمىز وسىدان G5 ساۋدالىق پايدالانۋ داۋىرىنە رەسىمي اياق باستى . نازار اۋدارۋعا تاتيتىنى ، جۇڭگونىڭ راديو - تەلەۆيزيا توراپ شەكتى سەرىكتىگى ٴۇش ۇلكەن نەگىزدىك تەلەگراف ساۋدا ورىندارىنان سىرت ، G5 ساۋدا ماركاسى بار تاعى ٴبىر كاسىپورىنعا اينالدى.
G5 قارقىنى تەز ، كىدىرىسسىز ، اسا سەنىمدى بولۋداي ەرەكشەلىكتەرگە يە، جاڭا ۇرپاق ينفورماتسيا تەحنيكاسىنىڭ دامۋ باعىتى مەن سيفرلى ەكونوميكانىڭ ماڭىزدى نەگىزى.
دۇنيە ٴجۇزى كەزەكتە G5 ساۋدالىق ورنالاستىرۋدىڭ شەشۋشى كەزەڭىنە ٴوتتى. ەلىمىز دەربەس جاڭالىق جاراتۋ مەن ەسىك اشۋ سەلبەستىگىن ٴوزارا ۇشتاستىرۋعا تاباندى بولىپ G5 كاسىبىندە باسەكەلىك ابزالدىلىققا يە. كەزەكتە ەلىمىزدىڭ G5 ورتا جيلىك جۇيە جابدىعى ، تەرمينال چيپى جانە زەردەلى قولفونى دۇنيە ٴجۇزى كاسىپ سالاسىنىڭ الدىنعى ساتىسىنا ٴوتىپ، ساۋدالىق ورنالاستىرۋ شارتىن ازىرلەدى.
ونەركاسىپ جانە ينفورماتسيالاندىرۋ مينيسترلىگى مىنانى اتاپ كورسەتتى: ەلىمىزدىڭ G5 توراپ قۇرىلىسىنا جانە ونىڭ قولدانىلۋىن جالپىلاستىرۋعا شەتەل كاسىپورىندارىنىڭ بەلسەنە ات سالىسۋىن ، G5 دى دامىتۋ مەن جاڭالىق جاراتۋدى بىرگە جوسپارلاۋىن، سونداي-اق ەلىمىزدىڭ G5 دامۋ جەتىستىكتەرىنەن ورتاق يگىلىكتەنۋىن ەلىمىز ٴباز-باياعىسىنداي قولدايدى.
