اۋىل شارۋاشىلىعى، اۋىل – قىستاق مينيسترلىگى 6 - ايدىڭ 5 - كۇنى بەيجيڭ قالاسى شۇن – ي رايونىنىڭ «قىستاق ەرەجەسى، تۇرعىندار شارتى بويىنشا سايكەستى جونگە سالۋدى ىلگەرىلەتۋى»، تيانجين قالاسى باۋيۇي رايونىنىڭ «نەگىزگى ساتى دەموكراتيالىق كەڭەس ءتۇزىمىن تەرەڭدەتۋى»، حىبەي ولكەسى حاندان قالاسى فەيشياڭ رايونىنىڭ «توي – تومالاق، ءولىم - ءجىتىم ارناعا ءتۇسىرىپ باسقارۋى» سياقتى اۋىل – قىستاقتى جونگە سالۋداعى تيپتىك 20 مىسالدى جاريالاپ، جەر – جەردىڭ اۋىل – قىستاقتى جونگە سالۋ جۇيەسى قۇرىلىسىن ىلگەرىلەتۋىنە ۇلگى ەتتى.
اۋىل شارۋاشىلىعى، اۋىل - قىستاق مينيسترلىگى اۋىل - قىستاق سەلبەستىك ەكونوميكاسىنا جەتەكشىلىك ەتۋ مەڭگەرمەسىنىڭ باستىعى جاڭ تيانزو اۋىل شارۋاشىلىعى، اۋىل - قىستاق مينيسترلىگى 9 – ايدىڭ 5 - كۇنى وتكىزگەن اقپار جاريالاۋ ماجىلىسىندە بىلاي دەدى: پارتيا 19 - قۇرىلتايىنىڭ بايانداماسىندا اۋىل - قىستاق نەگىزگى ساتى نەگىزدىك قىزمەتىن كۇشەيتىپ، ءوزىن - ءوزى باسقارۋ، زاڭمەن جونگە سالۋ، مورالمەن جونگە سالۋ ۇشتاستىرىلعان اۋىل - قىستاقتى جونگە سالۋ جۇيەسىن اقاۋسىزداندىرۋ ورتاعا قويىلدى. 2019 - جىلعى ورتالىقتىڭ 1 - ءنومىرلى قۇجاتى اۋىل - قىستاقتى جونگە سالۋ مەحانيزمىن كەمەلدەندىرىپ، اۋىل - قىستاق قوعامىنىڭ جاراسىمدىلىعىن، ورنىقتىلىعىن ساقتاۋدى تالاپ ەتتى. سوڭعى جىلداردان بەرى جەر - جەر ورتالىقتىڭ شەشىم، ورنالاستىرۋلارىن مۇقيات دايەكتى تياناقتاندىرىپ، اۋىل - قىستاقتى جونگە سالۋ جۇيەسى قۇرىلىسىن جەرگىلىكتى جاعدايعا قاراي كۇشەيتتى، ءبىرقىدىرۋ جاقسى ءادىس، ۇتىمدى تاجىريبە جارىققا شىقتى.
اۋىل - قىستاقتى جونگە سالۋ ءارى شارۋالاردىڭ ءتول مۇددەسىنە، ءارى اۋىل - قىستاق قوعامىنىڭ باياندى تىنىشتىعىنا سايادى، ول − مەملەكەتتى جونگە سالۋ جۇيەسىنىڭ ماڭىزدى قۇرامداس بولەگى جانە اۋىل - قىستاقتى كوركەيتۋ ستراتەگياسىن اتقارۋدىڭ ماڭىزدى مازمۇنى.
جاڭ تيانزو بىلاي دەدى: قازىر ەلىمىزدە قالا مەن اۋىلدىڭ مۇددە جاعدايى ىشكەرىلەي رەتتەلۋدە، اۋىل - قىستاق قوعامدىق قۇرىلىمىندا تەرەڭ وزگەرىس تۋىلۋدا، شارۋالاردىڭ يدەيالىق كوزقاراسىندا دا تەرەڭ وزگەرىس تۋىلۋدا. ەلىمىزدىڭ اۋىل - قىستاقتى باسقارۋ جۇيەسى جالپى تۇلعالىق جاقتان ءالى دە ءبىرشاما ءالسىز، وڭاۋ ءادىسى، ءتاسىلى ءالى دە جاعدايدىڭ دامۋ، وزگەرۋ قاجەتىنە ايتارلىقتاي ۇيلەسە الماي وتىر. اسىرەسە، كەيبىر جەرلەردىڭ اۋىل - قىستاعىنداعى نەگىزگى ساتى پارتيا ۇيىمدارى ءالسىز، بىتىراڭقى، الەۋمەتتىك قىزمەت وتەۋ جانە قوعامدىق باسقارۋ قابىلەتى ءالسىز، كەيبىر ناشار ستيلدەر ءالى دە ءبىرشاما كەڭ تارالۋدا، اۋىل - قىستاقتى جونگە سالۋ جۇيەسى قۇرىلىسىن كۇشەيتۋ شۇعىل قاجەت بولىپ وتىر.
