مەملەكەتتىك كەڭەستىڭ زۇڭليى لي كىچياڭ 6 – ايدىڭ 5 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى. ماجىلىستە دامۋدى جاڭالىق جاراتۋ ارقىلى جەبەۋ ستراتەگيالىق تالابىنا ساي، الەۋمەتتىڭ يگىلىك، جاڭالىق جاراتۋىن تەرەڭدەتۋ شاراسى بەلگىلەندى؛ اۋىل شارۋاشىلىق ءوندىرىسىن ويداعىداي يگەرۋ، اۋىل شارۋاشىلىق ونىمدەرىمەن ۇتىمدى قامداۋدى قامتاماسىزداندىرۋ جونىندە ورنالاستىرۋ جاسالىپ، تاسقىننان ساقتانۋ، قۋاڭشىلىققا قارسى اتتانۋ قىزمەتىن جاپپاي ويداعىداي ىستەۋ تالاپ ەتىلدى؛ «جۇڭحۋا حالىق رەسپۋبليكاسىنىڭ جاراقسىز قاتتى زاتتاردىڭ ورتانى لاستاۋىنان ساقتانۋ زاڭى (وزگەرىس ەنگىزىلگەن نۇسقاسى)» ماقۇلداندى.
پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، جاڭالىق اشۋ ارقىلى دامۋعا قوزعاۋشىلىق ەتۋ ستراتەگياسىن ىشكەرىلەي اتقارىپ، بازار سۋبيەكتىلەرىنىڭ ومىرشەڭدىك قۋاتىن بارىنشا ارتتىرۋ ءۇشىن، ماجىلىستە كوپ بولىپ يگىلىك، جاڭالىق جاراتۋدى ىشكەرىلەي جۇرگىزۋ شارالارى بەلگىلەندى. ءبىرىنشى، كوپ بولىپ يگىلىك، جاڭالىق جاراتۋدىڭ كاسىپتەنۋگە دەم بەرۋدەگى ماڭىزدى رولىن ساۋلەلەندىرىپ، جوعارى مەكتەپ بىتىرگەن وقۋشىلار، قوسىننان شەگىنگەن اسكەريلەر سياقتى ءتۇيىندى بۇقارالىق توپتاردىڭ كاسىپتەنۋ قاجەتىنە ۇيلەسەتىن اناعۇرلىم كوپ قىزمەت ورنىن ازىرلەۋ كەرەك. ۇكىمەت قۇرىلىمدارىن ىقشامداۋ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، ساپالى قىزمەت وتەۋ رەفورماسىن تەرەڭدەتىپ، «ساۋدا ورتاسىن ساپالىلاندىرۋ ەرەجەسىن» جاساپ، يگىلىك، جاڭالىق جاراتۋدىڭ وزىندىك قۇنىن تومەندەتۋ كەرەك. ەكىنشى، يگىلىك، جاڭالىق جاراتۋدىڭ عىلىم - تەحنيكادا جاڭالىق جاراتۋدى جەبەۋدەگى وزگەشە رولىن ساۋلەلەندىرۋ كەرەك. يگىلىك، جاڭالىق جاراتۋدان ۇلگى كورسەتۋ بازاسىنىڭ عىلمي زەرتتەۋ نىسانىن اتقارۋ، تابىستاعى ۇقىقتى بەلگىلەۋ جانە ونى كادەگە جاراتۋ سياقتى جاقتاردا الدىمەن سىناق ەتۋدى قولداۋ كەرەك. زەرتتەۋ - اشۋ قاراجاتىن %75 تىك سالىستىرما بويىنشا باجىدان بۇرىن قوسىپ ەسەپتەپ تارتىپ قالۋ ساياساتىن جەدەل تياناقتاندىرۋ ءارى ساياساتتىق قولداۋ تەبىنىن ارتتىرۋ كەرەك. ءۇشىنشى، كوپ بولىپ يگىلىك، جاڭالىق جاراتۋ تەكشەسىن قۇرۋدى قولداپ، ءىرى، ورتا، شاعىن كاسىپورىنداردىڭ توعىسپالى دامۋىن ىلگەرىلەتۋ كەرەك. جارنا ۇقىعى، ەڭبەكاقى سياقتى شابىتتاندىرۋ مەحانيزمىن كەمەلدەندىرىپ، ءتۇرلى كاسىپورىنداردىڭ سەلبەسىپ جاڭالىق جاراتۋىن جەبەۋ كەرەك. ءتورتىنشى، «ينتەرنەت +» دارەجەسىن جوعارىلاتۋدى ىلگەرىلەتۋ كەرەك. ونەركاسىپ ينتەرنەتىنىڭ دامۋىن جەدەلدەتىپ، «ينتەرنەت +دىڭ» ەمدەۋ، زەينەتكەرلىك، وقۋ - اعارتۋ سياقتى قوعامدىق سالالاردا قولدانىلۋىن كەڭەيتۋ كەرەك. بەسىنشى، فينانس قۇرىلىمدارىن شاعىن، ۇساق كاسىپورىنداردىڭ قارجى قۇراۋىنىڭ ناقتى ءوسىم مولشەرى مەن جالپىلىق وزىندىك قۇنىن تومەندەتۋگە جەتەكتەپ، شاعىن، ۇساق كاسىپورىنداردىڭ ءتيىمسىز قارىزىنىڭ توزىمدىلىگىن ءار ءتۇرلى قارىز اقشانىڭ تيىمسىزدىك شاماسىنان 2 پايىز جوعارى بولماۋ كەرەك دەگەن تالاپتى 3 پايىز جوعارى بولماۋ كەرەك دەپ جەڭىلدەتۋ كەرەك. يگىلىك جاراتۋعا قوسىلاتىن قارجىنىڭ كوپ بولىپ يگىلىك، جاڭالىق جاراتۋدى قولداۋ تەبىنىن ارتتىرۋىنا دەم بەرۋ كەرەك. يگىلىك جاراتۋ، كاسىپ باقشاسىن اشۋ قۇرىلىمدارىنىڭ، يگىلىك جاراتۋعا قارجى قوساتىن كاسىپورىنداردىڭ قارىز تاراتىپ قارجى قۇراۋىنا قولداۋ كورسەتۋ كەرەك.
