2019 - جىلعى دۇنيە جۇزىلىك ورتا كۇنى دۇنيە جۇزىلىك نەگىزگى مايدان قيمىلى 6 - ايدىڭ 5 - كۇنى جىجياڭ ولكەسىنىڭ حاڭجوۋ قالاسىندا وتكىزىلدى، مەملەكەت ءتوراعاسى شي جينپيڭ قۇتتىقتاۋ حاتىن جولدادى.
شي جينپيڭ مىنالاردى اتاپ كورسەتتى: ادامزاتتا ءبىر عانا جەر شارى بار، ەكولوگيالىق ورتانى قورعاۋ، باياندى دامۋدى ىلگەرىلەتۋ − ءار ەلدىڭ ورتاق جاۋاپكەرلىگى. قازىر حالىقارالىق قوعام 2030 - جىلعا دەيىنگى باياندى دامۋ كۇن ءتارتىبىن بەلسەنە تياناقتاندىرۋمەن بىرگە، ءار ەل ءالى دە ورتانىڭ لاستانۋى، كليمات وزگەرىسى، ورگانيزمدەردىڭ الۋان تۇرلىلىگىنىڭ ازايۋى سياقتى قاتاڭ سىن - سايىسقا ءدوپ كەلىپ وتىر. دۇنيە جۇزىلىك ەكولوگيالىق وركەنيەت قۇرۋ ءار ەلدىڭ ءبىر نيەتپەن سەلبەسىپ، جاسىل، تومەن كومىرتەكتى، باياندى دامۋدى بىرگە ىلگەرىلەتۋىن قاجەت ەتەدى.
شي جينپيڭ مىنالاردى دارىپتەدى: جۇڭگو ەكولوگيالىق ورتانى قورعاۋعا ايرىقشا ءمان بەرىپ، تۇنىق سۋ، جاسىل تاۋ − باعالى بايلىق دەيتىن ماڭىزدى ۇستانىمدى ۇستانىپ، ادام مەن تابيعاتتىڭ جاراسىمدى قاتار ءومىر ءسۇرۋىن دارىپتەپ، ەكولوگيالىق وركەنيەت قۇرىلىسىن مەملەكەتتىڭ دامۋ جالپى تۇلعالىق ورنالاستىرۋىنا ەنگىزىپ، كورىكتى جۇڭگو قۇرۋعا قۇلشىنىپ، كورنەكتى ىلگەرىلەۋشىلىككە قول جەتكىزدى. بولاشاقتى بەتكە العاندا، جۇڭگو ءارقايسى جاقپەن بىرگە جاسىل دامۋ جولىمەن جۇرۋدە تاباندى بولىپ، ەكولوگيالىق وركەنيەت نەگىزىن بىرگە قالاپ، 2030 – جىلعا دەيىگى كۇنتارتىپتى جاپپاي تياناقتاندىرىپ، ادامزات تىرشىلىك ەتەتىن جەر شارى مەكەنىن ويداعىداي قورعاپ، كورىكتى دۇنيە قۇرۋعا، ادامزاتتىڭ تاعدىرلاس ورتاق تۇلعاسىن قۇرۋعا بەلسەندى ۇلەس قوسۋدى قالايدى.
