تاياۋدا ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «اكىمشىلىك تورەلىك ايتۋ ءتۇزىمىن كەمەلدەندىرىپ، اكىمشىلىك تورەلىك ايتۋ قىزمەتىن كۇشەيتۋ جونىندەگى پىكىردى» (تومەندە قىسقاشا «پىكىر» دەلىنەدى) باسىپ تاراتتى ءارى ۇقتىرۋ شىعارىپ، جەر - جەردەن، تاراۋلاردان ءىس جۇزىندىك جاعدايمەن ۇشتاستىرا وتىرىپ مۇقيات دايەكتى تياناقتاندىرۋدى تالاپ ەتتى.
«پىكىردە» بىلاي دەپ اتاپ كورسەتىلدى: اكىمشىلىك تورەلىك ايتۋ اكىمشىلىك ورگانداردىڭ ىسكە قاتىستى ادامداردىڭ وتىنىشىنە، زاڭ، زاڭ – ەرەجەلەردە بەرىلگەن ۇقىق بويىنشا، قالىستىق كۇيىندە اكىمشىلىك باسقارۋ قيمىلدارىمەن تىعىز قاتىستى ازاماتتىق ىستەر داۋ - شارىنا كەسىم جاساۋ، ونى ءبىر جاقتى ەتۋ ارەكەتىن جۇرگىزۋى بولىپ تابىلادى. اكىمشىلىك تورەلىك ايتۋ ونىمدىلىگى جوعارى، وزىندىك قۇنى تومەن، كاسىپتىك سيپاتى كۇشتى، ءتارتىپ رەتى ىقشام بولۋداي ەرەكشەلىككە يە، ول قايشىلىقتار مەن داۋ - شاردىڭ تەز شەشىلۋىن جەبەۋگە ءتيىمدى، ازاماتتىق ىستەر داۋ - شاردى شەشۋدەگى «بولگىش قاقپاقشا» رولىن ساۋلەلەندىرەدى.
«پىكىردە» مىنالار دارىپتەلدى: اكىمشىلىك تورەلىك ايتۋ قىزمەتىندە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، مەملەكەتتى زاڭمەن جونگە سالۋدا، بيلىكتى زاڭ بويىنشا جۇرگىزۋدە، اكىمشىلىكتى زاڭ بويىنشا جۇرگىزۋدى بىرگە ىلگەرىلەتۋدە تاباندى بولۋ، زاڭمەن جونگە سالىناتىن مەملەكەت، زاڭمەن جونگە سالىناتىن ۇكىمەت، زاڭمەن جونگە سالىناتىن قوعام قۇرىلىسىن ءبىر تۇلعالاندىرۋدا تاباندى بولۋ تالابىنا ساي، اكىمشىلىك تورەلىك ايتۋ ارقىلى قايشىلىقتاردى، داۋ - شاردى شەشۋ ءتۇزىمىن ورناتىپ جانە كەمەلدەندىرىپ، پارتكوم باسشىلىق ەتەتىن، ۇكىمەت جاۋاپتى بولاتىن، ءارقايسى فۋنكتسيالىق تاراۋدى تۇلعا ەتكەن اكىمشىلىك تورەلىك ايتۋ قىزمەت ءتۇزىلىسىن بىرتىندەپ قالىپتاستىرىپ، حالىقتىڭ الاڭسىز تىرشىلىك ەتۋىن، قوعامنىڭ ءادىل، ادىلەتتى بولۋىن، مەملەكەتتىڭ باياندى تىنىشتىعىن جەبەۋگە پارمەندى كەپىلدىك ازىرلەۋ كەرەك.
