1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارالرى
  5. زاڭ - ەرەجە

جۇڭگو «جۇڭگو - ا ق ش ەكونوميكا - ساۋدا كەڭەسىندەگى جۇڭگو جاقتىڭ تۇرعىسى» اتتى اق تىستى كىتاپتى جاريالادى

日期:2019年06月03日
来源:人民网
【字体:

مەملەكەتتىك كەڭەستىڭ اقپارات كەڭسەسى 6 - ايدىڭ 2 - كۇنى «جۇڭگو مەن ا ق ش - تىڭ ەكونوميكا - ساۋدا كەڭەسى جونىندەگى جۇڭگو جاقتىڭ تۇرعىسى» اتتى اق تىستى كىتاپتى جاريالادى، مۇنداعى ماقسات جۇڭگو مەن ا ق ش - تىڭ ەكونوميكا - ساۋدا كەڭەسىنىڭ نەگىزگى جاعدايىن جان - جاقتى تانىستىرىپ، جۇڭگونىڭ جۇڭگو مەن ا ق ش - تىڭ ەكونوميكا - ساۋدا كەڭەسى جونىندەگى ساياساتتىق مايدانىن ءتۇسىندىرۋ.

بۇل وتكەن جىلى 9 - ايدا «جۇڭگو - ا ق ش ەكونوميكا - ساۋدا قاقتىعىسى جونىندەگى فاكت جانە جۇڭگو جاقتىڭ مايدانى» اتتى اق تىستى كىتاپتى جاريالاعاننان كەيىن، جۇڭگو جاقتىڭ جۇڭگو - ا ق ش ەكونوميكا - ساۋدا ماسەلەسى جونىندە تاعى دا اق تىستى كىتاپ جاريالاۋى. بۇل جولعى اق تىستى كىتاپتىڭ تولىق ءماتىنى حانزۋ جازۋىمەن 8 مىڭ 300 ءارىپ، العى ءسوز بەن سوڭعى سوزدەن سىرت، جيىنى 3 ءبولىمدى قامتيدى، بۇلار مىنالار: ا ق ش جۇڭگوعا قاراتىلعان ەكونوميكا - ساۋدا قاقتىعىسىن تۋدىرىپ، ەكى ەلدىڭ جانە دۇنيە ءجۇزىنىڭ مۇددەسىنە زيان جەتكىزدى، ا ق ش جۇڭگو مەن ا ق ش - تىڭ ەكونوميكا - ساۋدا كەڭەسىندە ادالدىقتى دارىپتەمەدى، جۇڭگو باستان - اياق تەڭدىك، ءوزارا تيىمدىلىك، سەنىمدىلىك سىندى كەڭەس مايدانىندا تاباندى بولدى.

اق تىستى كىتاپتا بىلاي دەلىندى: جۇڭگو مەن ا ق ش - تىڭ ەكونوميكا - ساۋدا قاتىناسى − ەكى ەل قاتىناسىنىڭ «ورنىقتىرعىشى» جانە «ىلگەرىلەتۋشىسى»، ول ەكى ەل حالقىنىڭ ءتۇبىرلى مۇددەسىنە، دۇنيە ءجۇزىنىڭ گۇلدەنۋى مەن ورنىقتىلىعىنا سايادى.

اق تىستى كىتاپتا بىلاي دەپ اتاپ كورسەتىلدى: 2017 – جىلى جاڭا كەزەكتى ا ق ش ۇكىمەتى مىندەتكە وتىرعاننان بەرى كەدەن باجىسىن ۇستەمەلەپ الۋ سياقتى تاسىلدەرمەن سەس كورسەتىپ، نەگىزگى ساۋدا سەرىكتەرىمەن ەكونوميكا – ساۋدا قاقتىعىسىن ارت – ارتىنان قوزعادى. 2018 - جىلى 3 - ايدان بەرى ا ق ش ۇكىمەتىنىڭ ءوز الدىنا قوزعاعان جۇڭگو مەن ا ق ش - تىڭ ەكونوميكا - ساۋدا قاقتىعىسىنا قاراتا جۇڭگو پارمەندى توتەپ بەرۋ شارالارىن قولدانىپ، مەملەكەت پەن حالىقتىڭ مۇددەسىن باتىل قورعادى. سونىمەن بىرگە، جۇڭگو تالاس - تارتىستى تىلدەسۋ، كەڭەسۋ ارقىلى شەشۋدىڭ نەگىزگى مايدانىندا باستان - اياق تاباندى بولىپ، ا ق ش - پەن كوپ كەزەكتى ەكونوميكا - ساۋدا كەڭەسىن ورىستەتىپ، ەكى جاقتى ەكونوميكا - ساۋدا قاتىناسىن ورنىقتىرۋعا كۇش سالدى.