ءتىلشىنىڭ 5 – ايدىڭ 27 - كۇنى وقۋ – اعارتۋ مينيسترلىگىنەن ۇعىسۋىنشا، وقۋ – اعارتۋ مينيسترلىگىنىڭ پارتيا باسشىلىق گرۋپپاسى قاتىستى ۇقتىرۋدى باسىپ تاراتىپ، جوعارى مەكتەپتەردىڭ عىلمي زەرتتەۋدى باسقارۋ ءتۇزىمىن كەمەلدەندىرۋ، عىلمي زەرتتەۋدى باسقارۋ دەربەس ۇقىعىن تياناقتاندىرۋ، باسقارۋ قىزمەت وتەۋىن ساپالىلاندىرۋ، ت. ب. جونىندە ايقىن بەلگىلەمە شىعارىپ، عىلمي زەرتتەۋ باسقارۋىن بوساڭسىتۋعا دەم بەرگەن.
ۇقتىرۋدا مىنالار ايقىن بەلگىلەندى: عىلمي زەرتتەۋ قىزمەتكەرلەرىنىڭ ءىسساپار قاراجاتى، ءماجىلىس قاراجاتى، حالىقارالىق سەلبەستىك جانە اۋىس - كۇيىس قاراجاتى، مامانداردىڭ اقىل - كەڭەس قاراجاتى، ەڭبەك قاراجاتى قاتارلىلاردى جوعارى مەكتەپتەر مەكتەپتىڭ ءىس جۇزىندىك جاعدايىمەن ۇشتاستىرىپ، شىعىس ولشەمىن، ەسەپتەن كوتەرۋ كولەمىن دەربەس بەلگىلەپ، تەكسەرىپ بەكىتۋ ءتارتىبىن ساپالىلاندىرىپ، ەسەپتەن كوتەرۋ رەسمياتىن وڭايلاندىرادى؛ عىلمي زەرتتەۋ قيمىلدارىنا پايدالانىلاتىن اسپاپ - جابدىقتار، ماتەريال، سونداي - اق قىزمەت وتەۋ، قۇرىلىس ماتەريالدارىن ساتىپ الۋ جونىنەن جوعارى مەكتەپتەر عىلمي زەرتتەۋدىڭ قاجەتىنە ساي ناقتى شارالار بەلگىلەپ، ساتىپ الۋ مەرزىمىن قىسقارتىپ، ساتىپ الۋ بارىسىن وڭايلاندىرۋى كەرەك؛ عىلمي زەرتتەۋ قاراجاتىن ەسەپتەن كوتەرۋدەگى ءتۇرلى دالەلدەۋ ماتەريالدارىن ازايتىپ، تەكسەرىپ بەكىتۋ بۋىندارىن قىسقارتىپ، ەسەپتەن كوتەرۋ بارىسىن قاراپايىمداندىرىپ، توراپتىق قىزمەت وتەۋدى ىلگەرىلەتۋ كەرەك؛ ەركىن ىزدەنىس تۇرىندەگى نەگىزدىك زەرتتەۋ جانە اتقارۋ مەرزىمى 3 جىلدان تومەن وبيەكتىلەر بارىسى تەكسەرىلمەيدى.
ۇقتىرۋدا تاعى مىنالار تالاپ ەتىلدى: جوعارى مەكتەپتەر عىلمي كومەكشىلىك جانە قازىنالىق كومەكشىلىك ءتۇزىمىن ورناتىپ جانە كەمەلدەندىرىپ، عىلمي زەرتتەۋدىڭ قاجەتىنە جانە عىلمي زەرتتەۋ قىزمەتكەرلەرىنىڭ تىلەگىنە ساي ارناۋلى قاراجاتتى، ارناۋلى قىزمەتكەرلەردى ءبىر تۇتاس جوسپارلاپ تياناقتاندىرۋى كەرەك. جوعارى مەكتەپتەردىڭ عىلمي زەرتتەۋ نىساندارىنان اجىراتىلعان جاناما قاراجاتتا عىلمي زەرتتەۋ قىزمەتكەرلەرىنىڭ ونىمدىلىك ەڭبەكاقى سالىستىرماسىن ارتتىرۋ كەرەك.
