سىرتقى ىستەر مينيسترلىگىنىڭ مالىمدەمەشىسى لۋ كاڭ 5 – ايدىڭ 27 – كۇنى كەزەكتى تىلشىلەردى قابىلداۋ ماجىلىسىندە ا ق ش جاقتىڭ «جۇڭگومەن ساۋدا - ەكونوميكا كەلىسىمىن جاساۋعا دايىن ەمەسپىز» دەگەنىنە جاۋاپ قايتاردى.
حابارعا قاراعاندا، جاپونيادا ساپاردا جۇرگەن ا ق ش پرەزيدەنتى ترامپ 5 – ايدىڭ 27 – كۇنگى سوزىندە ا ق ش – تىڭ جۇڭگومەن ساۋدا – ەكونوميكا كەلىسىمىن جاساۋعا دايىن ەمەس ەكەنىن ايتقان.
لۋ كاڭ قاتىستى ماسەلەلەرگە جاۋاپ بەرگەن كەزدە بىلاي دەدى: جۋىردان بەرى، ا ق ش جاق، ا ق ش – تاعى ءىشىنارا جوعارى جىكتەگى قايراتكەرلەر ا ق ش – جۇڭگو ساۋدا – ەكونوميكا كەڭەسى جونىندە ءتۇرلى پىكىر ءبىلدىردى، كەيدە دەرەۋ كەلىسىم جاسالاتىنداي ايتسا، كەيدە كەلىسىمگە كەلۋ قيىنداسۋى مۇمكىن دەگەن رايعا كوشتى.
لۋكاڭ بىلاي دەدى: وسى مەزگىلدە جۇڭگونىڭ پوزيتسياسى باستان – اياق ءبىرقالىپتى بولدى، بىرىنشىدەن، ءبىز ەكى ەل اراسىنداعى ءارقانداي الاۋىزدىق دوستىق پەيىلمەن كەڭەسۋ جانە كەلىسسوز وتكىزۋ ارقىلى شەشىلۋى كەرەك دەگەننەن تانبايمىز، ارينە، مۇندا جۇڭگو مەن ا ق ش اراسىنداعى ەكونوميكا سالاسىنداعى الاۋىزدىق تا قامتىلادى؛ ەكىنشىدەن، ءبىز جۇڭگو مەن ا ق ش اراسىنداعى ەكونوميكا – ساۋدا كەلىسسوزى، ءسوزسىز، ءوزارا قۇرمەت ەتۋ جانە تەپە - تەڭ تۇرعىدا، ءوزارا تيىمدىلىك جەتكىزۋ پرينسيپى نەگىزىندە جۇزەگە اسۋى كەرەك دەگەن كوزقاراسقا ءارقاشان تاباندى بولامىز.
