مەملەكەتتىك كەڭەستىڭ زۇڭليى لي كىچياڭ 5 – ايدىڭ 27 – كۇنى تۇستەن بۇرىن حالىق سارايىندا ۆانۋاتۋدىڭ پرەمەر مينيسترى سالۆيمەن كەڭەس وتكىزدى.
لي كىچياڭ بىلاي دەدى: جۇڭگو مەن ۆانۋاتۋ ديپلوماتيالىق قاتىناس ورناتقان 37 جىلدان بەرى ەكى جاق باستان – اياق ءوزارا قۇرمەت ەتىپ، تەڭ مامىلە جاساپ، ءبىر – ءبىرىنىڭ وزەكتى مۇددەسىنە ساياتىن جانە كوڭىل ءبولىپ وتىرعان كەلەلى ماسەلەلەردە ءبىرىن – ءبىرى قولداپ، ەكى ەل قاتىناسىندا ۇزدىكسىز تىڭ دامۋشىلىقتارعا قول جەتكىزدى. جۇڭگو ۇلكەن - كىشى ەلدەردىڭ تەرەزەسى تەڭ دەگەندى باستان - اياق دارىپتەپ، سەلبەستىك ارقىلى ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرىپ كەلەدى. جۇڭگو مەن ۆانۋاتۋ دامۋ ۇستىندەگى ەلدەرگە جاتادى، ءبىز ۆانۋاتۋمەن بىرگە ءوز ابزالدىقتارىمىزدى ساۋلەلەندىرىپ، ساياسي سەنىمدىلىكتى ارتتىرىپ، ءار سالاداعى اۋىس - كۇيىس پەن سەلبەستىكتى تەرەڭدەتىپ، جۇڭگو مەن ۆانۋاتۋدىڭ جالپى بەتتىك ستراتەگيالىق ارىپتەستىك قاتىناسىن اناعۇرلىم جوعارى دەڭگەيگە كوتەرۋدى قالايمىز.
