مەملەكەتتىك ساناق مەكەمەسى 5 - ايدىڭ 27 - كۇنى جاريالاعان ونەركاسىپ كاسىپورىندارىنىڭ قازىنالىق ساندى مالىمەتىندە كورسەتىلۋىنشە، 1 - ايدان 4 - ايعا دەيىن مەملەكەت بويىنشا كولەمدەنگەن ونەركاسىپ كاسىپورىندارىنىڭ تيجارات كىرىسىنىڭ پايدا شاماسى %5.52 بولىپ، 1 - توقسانداعىدان 0.21 پايىز جوعارىلاپ، بيىل جىل باسىنان بەرگى پايدا مولشەرىنىڭ ورنىقتى ارتۋ جاعدايى جالعاسقان.
%70 كە جۋىق كاسىپ سالاسىنىڭ پايداسى ۇقساس مەزگىلدەگىدەن ارتتى. 1 - ايدان 4 - ايعا دەيىن 41 ءىرى ونەركاسىپ سالاسىندا 27 كاسىپتىڭ پايداسى ۇقساس مەزگىلدەگىدەن ارتىپ، %66 ىن ۇستادى. جاڭادان قوسىلعان پايداسى ەڭ كوپ كاسىپ سالالارى مىنالار: تەمەكى جاساۋ كاسىبىنىڭ پايداسى وتكەن جىلدىڭ ۇقساس مەزگىلىندەگىدەن %29.4 ارتقان؛ اراق، سۋسىن جانە ساپالى شاي جاساۋ كاسىبىنىكى %18.1 ارتقان؛ ەلەكتر ماشينالارى مەن جابدىق جاساۋ ونەركاسىبىنىكى %14.5 ارتقان؛ بەيمەتال كەن ونىمدەرىن جاساۋ كاسىبىنىكى %12.6 ارتقان؛ ەلەكتر، جىلۋ ءوندىرۋ جانە قامداۋ كاسىبىنىكى %12.3 ارتقان.
«حالىق گازەتى»، 5 – ايدىڭ 27 – كۇنى، بەيجيڭ (ءتىلشى لي ليحۇي). قازىنا مينيسترلىگى جاريالاعان ساندى مالىمەتتە كورسەتىلۋىنشە، الدىڭعى 4 ايدا بۇكىل ەلدەگى مەملەكەت مەنشىگىندەگى جانە مەملەكەت مەنشىگىندەگى جارناسى مەڭگەرىلەتىن كاسىپورىنداردىڭ نەگىزگى ەكونوميكالىق كورسەتكىشى ارتۋ كۇيىن ۇزدىكسىز جالعاستىرعان، نەگىزگى كاسىپ سالالارىنىڭ پايدا جاعدايىنان قاراعاندا، قورا – جاي، قۇرىلىس، مۇناي سياقتى كاسىپتەردىڭ پايداسى ءبىرشاما تەز ارتقان.
1 - ايدان 4 - ايعا دەيىن مەملەكەت مەنشىگىندەگى كاسىپورىنداردىڭ تيجارات جالپى كىرىسى 18 تريلليون 902 ميلليارد 300 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %8.3 ارتقان؛ مەملەكەت مەنشىگىندەگى كاسىپورىنداردىڭ جالپى پايدا سوماسى ءبىر تريلليون 124 ميلليارد 470 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %12.6 ارتقان؛ مەملەكەت مەنشىگىندەگى كاسىپورىنداردىڭ باجى تاپسىرعاننان كەيىنگى ناق پايداسى 831 ميلليارد 900 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %15.6 ارتقان، انا سەرىكتىككە ءتان تازا پايدا 517 ميلليارد 610 ميلليون يۋان بولعان.
