تاۋى جاسىل، سۋى تۇنىق، جاسىل اعاشتار جاسىل جەلەك جامىلعان. ايبىندى ۇلى قورعاننىڭ ەتەگىندە، كورىكتى وزەن جاعاسىندا «جاسىل تۇرمىس، كورىكتى مەكەن» تاقىرىبىنداعى 2019 - جىلعى جۇڭگو بەيجيڭ دۇنيە جۇزىلىك باۋ - باقشا كورمەسى شار تاراپتان كەلگەن ساياحاتشىلاردى ىستىق ىقىلاسپەن قارسى الدى. دۇنيە جۇزىلىك باقشا رايونى مەن ۇلى تابيعاتتىڭ كورىنىسى توعىسىپ، پايىمدالعان جاسىل دامۋ ۇستانىمى دۇنيە ءجۇزىنىڭ جەر - جەرىنە تارالدى.
4 – ايدىڭ 28 - كۇنى بەيجيڭ دۇنيە جۇزىلىك باۋ - باقشا جنالىسىنىڭ اشىلۋ سالتىندا ءتوراعا شي جينپيڭ ماڭىزدى ءسوز سويلەپ بىلاي دەپ اتاپ كورسەتتى: «جۇڭگونىڭ ەكولوگيالىق وركەنيەت قۇرىلىسى جەدەل ارناعا ءتۇستى، اسپانى ءتىپتى دە اشىق، تاۋى ءتىپتى دە جاسىل، سۋى ءتىپتى دە تۇنىق بولادى».
«جازعىتۇرىم جاسىل جەلەك جامىلعان، كوكتەم سامالى سارايىڭدى اشادى». شىعىس سولتۇستىكتەگى بايىرعى ورماننان حايناننىڭ جاسىل تەڭىز، شۋاقتى قايراڭىنا دەيىن، دۇڭحاي تەڭىزىنەن دۇنيەنىڭ جوتاسىنا دەيىن، ادامدار جابال تىسقا شىعىپ كوكتەم شۋاعىنا شومىلىپ، تۇنىق سۋ مەن جاسىل تاۋ اراسىندا ەمىن - ەركىن ساياحاتتادى. مادەنيەت جانە ساياحات مينيسترلىگى جاريالاعان ساندى مالىمەتتە كورسەتىلۋىنشە، 2019 – جىلعى «1 – مامىر» دەمالىسىندا ەل ىشىندە ساياحاتشىلاردى قابىلداۋ مولشەرى 195 ميلليون ادام – رەت بولىپ، سالىستىرمالى ولشەم بويىنشا %13.7 ارتقان؛ ساياحات كىرىسى 117 ميلليارد 670 ميلليون يۋان بولىپ، سالىستىرمالى ولشەم بويىنشا %16.1 ارتقان.
ەكولوگيالىق ورتا ۇزدىكسىز جاقسارىپ، جاسىل ءتۇس ۇزدىكسىز كەڭەيىپ، ساياحاتتىڭ دۋمانىنا بەرىك نەگىز قالاندى. تاياۋ جىلداردان بەرى جانىمىزدا جان تەبىرەنتەرلىك جاسىل ءتۇس بىرتىندەپ كوبەيدى. ەڭ جاڭا ساناقتا كورسەتىلۋىنشە، ەلىمىزدىڭ ورمانمەن كومكەرىلۋ شاماسى 40 جىلدىڭ الدىنداعى %12 تەن %22.96 كە جوعارىلاعان؛ سونىمەن بىرگە، ورمان قورى 8 ميلليارد 500 ميلليون تەكشە مەترگە ارتقان.
