كاسىپتىك ونەردى جوعارىلاتۋ قيمىلىن ورنالاستىرۋ، ىلگەرىلەتۋ جونىندەگى تەلەۆيزور ـ تەلەفون ءماجىلىسى 5 – ايدىڭ 23 - كۇنى بەيجيڭدە اشىلدى. ماجىلىستە باس شۋجي شي جينپيڭنىڭ ماڭىزدى نۇسقاۋىنىڭ رۋحى ىشكەرىلەي ۇيرەنىلىپ، دايەكتىلەندىرىلدى، لي كىچياڭ زۇڭليدىڭ ماڭىزدى بەكىتۋىنىڭ تالابى مۇقيات تياناقتاندىرىلىپ، كاسىپتىك ونەردى جوعارىلاتۋ ارەكەتى جونىندە ورنالاستىرۋ جاسالىپ، كاسىپتىك ونەردى جەتىلدىرۋ قىزمەتى اناعۇرلىم ىلگەرىلەتىلدى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ ماڭىزدى بەكىتۋ جازدى. بەكىتۋدە مىنالار اتاپ كورسەتىلدى: كەڭ كولەمدى كاسىپتىك شەبەرلىككە تاربيەلەۋ قىزمەتىن ورىستەتۋ − ەڭبەكشىلەردىڭ كاسىپتەنۋ، يگىلىك جاراتۋ قابىلەتىن جوعارىلاتىپ، قۇرىلىمدىق كاسىپتەنۋ قايشىلىعىن باسەيتىپ، كاسىپتەنۋ كولەمىن كەڭەيتۋدىڭ ماڭىزدى شاراسى، ەكونوميكانىڭ ساپالى دامۋعا قادام تاستاۋىنىڭ ماڭىزدى تىرەگى. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىم، ورنالاستىرۋلارىن مۇقيات دايەكتىلەندىرىپ، كاسىپتەندىرۋدى الدىمەن ەسكەرۋ ساياساتىن ويداعىداي تياناقتاندىرۋدى، ءبىرشاما تولىق كاسىپتەندىرۋدى جەبەۋدى ارقاۋ ەتىپ، 100 ميلليارد يۋان جۇمىسسىزداردى قامسىزداندىرۋ قورى مەن باسقا دا كۋرستان وتكىزۋ قارجىسىن ويداعىداي پايدالانىپ، كاسىپتىك ونەردى جوعارىلاتۋ ارەكەتىن تىڭعىلىقتى، ءونىمدى اتقارۋ كەرەك. ەكونوميكانىڭ تيبىن وزگەرتىپ، دارەجەسىن جوعارىلاتۋدىڭ قاجەتىنە جانە بازار سۇرانىسىنا سايكەسىپ، تاربيەلەۋ مازمۇنىن كەمەلدەندىرىپ، تاربيەلەۋ ساپاسىن جوعارىلاتىپ، كاسىپورىنداردىڭ جۇمىس ورنىنداعى جۇمىسشى - قىزمەتكەرلەردى، قيىنشىلىعى بار كاسىپورىنداردا جۇمىس اۋىستىرعان جۇمىسشى - قىزمەتكەرلەردى، جۇمىستانۋداعى ءتۇيىندى بۇقارالىق توپتاردى جانە كەدەي ەڭبەككۇشتەردى، ت. ب. اناعۇرلىم باعىتتامالى ونەرگە باۋلۋى جونىنەن قىزمەت وتەپ، حاۋىپتى سالالارداعى كاسىپپەن شۇعىلدانۋشىلاردىڭ حاۋىپسىزدىك تەحنيكالىق قابىلەتىن جەتىلدىرۋ تەبىنىن ارتتىرۋ كەرەك. كاسىپتىك شەبەرلىككە تاربيەلەۋ، باۋلۋ سالاسىنداعى ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن اناعۇرلىم تەرەڭدەتىپ، زاڭدىلىققا قۇرمەت ەتىپ، كاسىپورىندار، كاسىپتىك مەكتەپتەر جانە قوعامدىق كۋرستان وتكىزۋ قۇرىلىمدارى سياقتىلاردىڭ كۋرسقا قاتىناسۋ بەلسەندىلىگىن تولىق جۇمىلدىرىپ، تاربيەلەۋ قارجىسىن باقىلاۋ - باسقارۋدى كۇشەيتىپ، پايدالانۋ ونىمدىلىگىن جوعارىلاتىپ، ءبىلىمدى، ونەرلى، جاڭاشىل ەڭبەكشىلەر قوسىنىن قۇرۋدى قۇلشىنا ىلگەرىلەتىپ، ەكونوميكانىڭ باياندى، اقاۋسىز دامۋى مەن جۇمىستانۋ ورنىقتىلىعىن جەبەۋگە تىڭ ۇلەس قوسۋىمىز كەرەك!
