مەملەكەتتىك كەڭەس كەڭسەسى بىرنەشە كۇننىڭ الدىندا حابارلاندىرۋ باسىپ تاراتىپ، 2018 – جىلعى كەلەلى ساياساتتىق شارالاردى تياناقتاندىرىپ، شىنايى يگەرىپ، ناقتى ىستەۋدە ونىمدىلىگى كورنەكتى بولعان جەرلەردى باقىلاپ – تەكسەرۋ تۇرعىسىنان شابىتتاندىردى. «وسى رەتكى قۋزاۋ – تەكسەرۋدە 24 ولكە (اۆتونوميالى رايون، توتە قاراستى قالا)، 80 قالا (وبلىس)، 120 اۋدانعا (قالا، رايون، حوشۇن) سايكەستى نەگىزدە 30 ءتۇرلى سيلاۋ - قولداۋ شاراسى قولدانىلدى» دەدى مەملەكەتتىك كەڭەس اقپارات كەڭسەسىنىڭ اقپارات مالىمدەمەشىسى حۋ كايحۇڭ 5 - ايدىڭ 23 - كۇنى اشىلعان مەملەكەتتىك كەڭەستىڭ ساياساتتىق حابارلاندىرۋ ماجىلىسىندە.
حۋ كايحۇڭ تانىستىرىپ بىلاي دەدى: قاتىستى تاراۋلار بۇرىنعى شابىتتاندىرۋ تەبىنىن السىرەتپەۋ نەگىزىندە قارجى، جەردەن پايدالانۋ جوسپار كورسەتكىشى سياقتى سيلاۋ تەبىنىن ارتتىردى، سونىمەن بىرگە، شابىت بەرىلەتىن جەرگىلىكتى ورىنداردىڭ جالپى سانىن قاتاڭ تەجەپ، باقىلاپ – تەكسەرۋ تۇرعىسىنان شابىتتاندىرۋ شارالارىن 24 تۇردەن 30 تۇرگە رەتتەۋ جاعدايىندا، بيىل شابىت بەرىلەتىن جەرگىلىكتى ورىنداردىڭ سانىن تۇلعالىق جاقتان بىلتىرعىمەن قارايلاس ەتتى. بۇدان سىرت، باقىلاپ – تەكسەرۋ تۇرعىسىنان شابىتتاندىرۋعا يە بولعان 224 جەردىڭ ىشىندە، قالا، اۋدان سىندى نەگىزگى ساتى رايوندارىنىڭ جالپى سالىستىرماسى %90 كە جۋىقتاپ، وتكەن جىلعى ورەدەن جوعارى بولدى.