تاياۋدا ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «جۇڭحۋا حالىق رەسپۋبليكاسى قۇرىلعانىنىڭ 70 جىلدىعىن سالتاناتپەن قۇتتىقتاۋ بايلانىسىمەن، ‹مەن جانە مەنىڭ وتانىم› اتتى بۇقارالىق نەگىزگى تاقىرىپتىق ۇگىت – تاربيە قيمىلىن جاپپاي ۇيىمداستىرۋ، ورىستەتۋ جونىندەگى ۇقتىرۋدى» باسىپ تاراتىپ، جۇڭحۋا حالىق رەسپۋبليكاسى قۇرىلعانىنىڭ 70 جىلدىعىن تويلاۋعا ارنالعان بۇقارالىق نەگىزگى تاقىرىپتىق ۇگىت – تاريبە قيمىلى جونىندە ورنالاستىرۋ جاسادى.
«ۇقتىرۋدا» مىنالار دارىپتەلدى: جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، جۇڭحۋا حالىق رەسپۋبليكاسى قۇرىلعانىنىڭ 70 جىلدىعىن سالتاناتپەن قۇتتىقتاۋدى مىقتاپ ارقاۋ ەتە وتىرىپ، وتانشىلدىقتى وزەك ەتكەن ۇلى ۇلت رۋحىن كۇش سالا اسقاقتاتىپ، بۇكىل ەلدىڭ قالا، اۋىلدارىندا الۋان فورمالى، باي مازمۇندى بۇقارالىق نەگىزگى تاقىرىپتىق ۇگىت – تاربيە قيمىلىن جاپپاي ورىستەتىپ، سالتانات سەزىمىن، قاتىناسۋ سەزىمىن، وسى زامان سەزىمىن كۇشەيتۋگە دەن قويىپ، جۇڭگو حيكايالارىن، جۇڭگو كوممۋنيستىك پارتياسىنىڭ حيكايالارىن، جاڭا ءداۋىر جۇڭگوشا سوتسياليزم حيكايالارىن جاقسى شەرتىپ، جۇڭحۋا حالىق رەسپۋبليكاسى قۇرىلعان 70 جىلدان، اسىرسەسە، رەفورما جاساپ، قاقپا اشقاننان بەرگى شۇعىلالى تاريحي بارىستى، ۇلى تابىستار مەن باعالى تاجىريبەلەردى جان – جاقتى ۇگىتتەپ، كورسەتىپ، پارتيانىڭ 18 – قۇرىلتايىنان بەرى پارتيا مەن مەملەكەت ىستەرىندە قول جەتكەن جان – جاقتى، باستامالىق تاريحي تابىستاردى، جارىققا شىققان تەرەڭ قاتپارلى، ءتۇبىرلى تاريحي وزگەرىستەردى كورنەكتى ۇگىتتەپ، كورسەتىپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن شي جينيپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ماڭگى كۇرەس جۇرگىزىپ، ءوز قىزمەت ورىندارىندا تاپجىلماي ۇلەس قوسىپ، وتاندى ءسۇيۋ، كۇرەس جۇرگىزۋ رۋحىن ناقتى ارەكەتكە اينالدىرىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي – تالماي كۇرەس جۇرگىزۋگە جىگەرلەندىرۋ جانە جۇمىلدىرۋ كەرەك.
