تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «ٴوندىرىس حاۋىپسىزدىگىن باعالاۋ، شارلاپ تەكسەرۋ ٴادىسىن» (تومەندە قىسقارتىلىپ «ٴادىس» دەلىنەدى) باسىپ تاراتىپ، ٴوندىرىس حاۋىپسىزدىگىن باعالاۋ، شارلاپ تەكسەرۋ مەحانيزمىن ونان ارى كەمەلدەندىرىپ، ٴوندىرىس حاۋىپسىزدىگىن باعالاۋ، شارلاپ تەكسەرۋ قىزمەتىن ارناعا ٴتۇسىردى.
«ادىستە» مىنالار ايقىندالدى: ٴوندىرىس حاۋىپسىزدىگى جاۋاپكەرشىلىك ٴتۇزىمىن قاتاڭ تياناقتاندىرۋ ٴۇشىن، پارتيا ورتالىق كوميتەتى، مەملەكەتتىك كەڭەس ولكە، اۆتونوميالى رايون، توتە قاراستى قالالاردىڭ پارتكومدارى مەن حالىق ۇكىمەتتەرىنە، شينجياڭ ٴوندىرىس ـ قۇرىلىس بيڭتۋانى پارتكومىنا، بيڭتۋانعا (تومەندە ٴبىر تۇتاس ولكە دارەجەلى پارتكوم مەن ۇكىمەت دەلىنەدى)، سونداي ـ اق مەملەكەتتىك كەڭەس ٴوندىرىس حاۋىپسىزدىگى كوميتەتىنە (تومەندە قىسقاشا مەملەكەتتىك كەڭەس ٴوندىرىس حاۋىپسىزدىگى كوميتەتى دەلىنەدى) مۇشە ورىندارعا ٴوندىرىس حاۋىپسىزدىگىن باعالاۋ، شارلاپ تەكسەرۋ ورىستەتەدى.
«ادىستە» مىنالار بەلگىلەندى: ٴوندىرىس حاۋىپسىزدىگىن باعالاۋ، شارلاپ تەكسەرۋ پارتيانىڭ باسشىلىعىنا تاباندى بولىپ، زاڭ ەرەجە بويىنشا ىستەۋگە، شىندىقتى ٴىس جۇزىنەن ىزدەۋگە، وبيەكتيۆ، ٴادىل بولۋعا، ناقتى ونىمدىلىككە ٴمان بەرۋگە تاباندى بولىپ، جەرگىلىكتى پارتكومدار مەن ۇكىمەتتەردىڭ، مەملەكەتتىك كەڭەس ٴوندىرىس حاۋىپسىزدىگى كوميتەتىنە مۇشە ورىنداردىڭ ٴوندىرىس حاۋىپسىزدىگىندە ”پارتكوم مەن ۇكىمەت بىردەي جاۋاپكەرشىلىك ارقالاۋ، ٴبىر قىزمەت ورنىندا قوس جاۋاپكەرشىلىك ارقالاۋ، تەڭ يگەرىپ بىرگە باسقارۋ، مىندەتىن وتەمەگەندەردىڭ جاۋاپكەرشىلىگىن قۋزاستىرۋ“ جانە ”كاسىپتەردى باسقارۋدا، ٴسوز جوق، حاۋىپسىزدىكتى باسقارۋ، جۇمىستاردى باسقارۋدا، ٴسوز جوق، حاۋىپسىزدىكتى باسقارۋ، ٴوندىرىس ـ تيجاراتتى باسقارۋدا، ٴسوز جوق، حاۋىپسىزدىكتى باسقارۋ“ جاۋاپكەرشىلىگىن تياناقتاندىرۋىن ىلگەرىلەتىپ، ٴوندىرىس ـ تيجارات ورىندارىن ٴوندىرىس حاۋىپسىزدىگى نەگىزگى تۇلعالىق جاۋاپكەرشىلىگىن تياناقتاندىرۋعا قۋزاپ، ٴوندىرىس حاۋىپسىزدىگىن باسقارۋ ۇلگىسىنىڭ ٴىس تۋىلاردان بۇرىن ساقتانۋعا قاراي بۇرىلىس جاساۋىن ىلگەرىلەتىپ، ٴوندىرىس حاۋىپسىزدىگى شىرعالاڭدارىنان ٴونىمدى ساقتانۋ جانە ونى تەجەۋ كەرەك.
«ادىستە» مىنالار بەلگىلەندى: ٴوندىرىس حاۋىپسىزدىگىن باعالاۋدى، شارلاپ تەكسەرۋدى مەملەكەتتىك كەڭەس ٴوندىرىس حاۋىپسىزدىگى كوميتەتى ٴبىر تۇتاس جوسپارلاپ ۇيىمداستىرادى، مەملەكەتتىك كەڭەس ٴوندىرىس حاۋىپسىزدىگى كوميتەتى كەڭسەسى اتقارۋعا جاۋاپتى بولادى ٴارى كۇندەلىكتى قىزمەتتى مىندەتىنە الادى، جىلدىق ٴوندىرىس حاۋىپسىزدىگىن باعالاۋ، شارلاپ تەكسەرۋ ورنالاستىرۋىنا نەگىزدەلىپ، ورتالىق ٴوندىرىس حاۋىپسىزدىگىن باعالاۋ، شارلاپ تەكسەرۋ گرۋپپاسىن ۇيىمداستىرىپ قۇرىپ، قاتىستى قىزمەتتەردى ورىستەتەدى. ٴتۇيىندى تۇردە جەر ـ جەردىڭ، قاتىستى تاراۋلاردىڭ دامۋ مەن حاۋىپسىزدىكتى ٴبىر تۇتاس جوسپارلاۋ، ٴوندىرىس حاۋىپسىزدىگى جاۋاپكەرشىلىگىن تياناقتاندىرۋ، ٴتۇيىندى قىزمەتتەردىڭ اياق الىسى، حاۋىپ ـ قاتەرلەردى، كومەسكى كىناراتتاردى ٴبىر ـ بىردەن تەكسەرۋ، وڭاۋ، زاڭ بويىنشا باسقارۋدى كۇشەيتۋ، ۇگىتتەۋ، تاربيەلەۋ، باۋلۋ، نەگىزدىك قامتاماسىزدىق، سونداي ـ اق شىرعالاڭداردى تەكسەرىپ ٴبىر جاقتى ەتۋ سياقتى جاقتارداعى قىزمەت جاعدايىن تەكسەرەدى. باعالاۋ، شارلاپ تەكسەرۋ نەگىزىنەن اڭگىمەلەسۋ، سۇراستىرۋ، ارىز ـ ارمان، اشكەرەلەۋ ماتەريالدارىن قابىلداۋ، اشىق تەكسەرىپ جاسىرىن احۋال ۇعىسۋ، ٴتۇيىندى ماتەريالداردى تەكسەرىپ وقۋ، شاقىرىپ الىپ سويلەسۋ، كەڭەسۋ، ماماندار جەتەكشىلىك ەتىپ قىزمەت وتەۋ سياقتى قىزمەت تاسىلىمەن ورىستەتىلەدى. ولكە دارەجەلى پارتكومدار مەن ۇكىمەتتەرگە ورىستەتىلەتىن ٴوندىرىس حاۋىپسىزدىگىن باعالاۋدى، شارلاپ تەكسەرۋدى ايماق، قالا دارەجەلى پارتكومدار مەن ۇكىمەتتەردەن ۇلگى الىپ تەكسەرۋگە، ساراپتاپ تەكسەرۋگە دەيىن ۇزارتۋعا بولادى.
«ادىستە» مىنالار باسا دارىپتەلدى: ٴوندىرىس حاۋىپسىزدىگىن باعالاۋدا، شارلاپ تەكسەرۋدە ساياسي ٴتارتىپ پەن ساياسي قاعيدانى قاتايتىپ، پارتيا ورتالىق كوميتەتىنىڭ فورماشىلدىقتى وڭاپ نەگىزگى ساتىنىڭ اۋىرتپالىعىن جەڭىلدەتۋ جونىندەگى شەشىمدەرىن، ورنالاستىرۋلارىن جانە قاتىستى تالاپتارىن قاتاڭ تياناقتاندىرۋ كەرەك. ٴارقايسى ولكە دارەجەلى پارتكومدار مەن ۇكىمەتتەر جاعدايىنىڭ جەڭىل ـ اۋىرىنا قاراي، ٴوندىرىس حاۋىپسىزدىگىن باعالاۋ، شارلاپ تەكسەرۋدە حابارلاندىرىلىپ اڭىس ەتىلگەن تيپتىك دەلولاردى، سونداي ـ اق ەلەۋلى شىرعالاڭداردى، كومەسكى كىناراتتاردى باسى ـ قاسىندا بولىپ قۋزاپ ٴبىتىرىپ، زاڭ بويىنشا تەكسەرىپ ٴبىر جاقتى ەتىپ، جاۋاپكەرشىلىگىن قۋزاستىرىپ، جاۋاپقا تارتۋى، اشىق جاريالاۋى، ماسەلەلەردى، كومەسكى كىناراتتاردى رەتتەۋ ـ تۇزەتۋدى تىڭعىلىقتى تياناقتاندىرۋعا قۋزاۋى، مەملەكەتتىك كەڭەس ٴوندىرىس حاۋىپسىزدىگى كوميتەتىنە مۇشە ورىندار ٴوندىرىس حاۋىپسىزدىگى قىزمەتىن جاقسارتۋ جانە كۇشەيتۋ ساياساتتارىن، شارالارىن اقىلداسۋى، جاساۋى كەرەك. مەملەكەتتىك كەڭەس ٴوندىرىس حاۋىپسىزدىگى كوميتەتى كەڭسەسى باعالاۋ، شارلاپ تەكسەرۋدەگى رەتتەۋ ـ تۇزەتۋدى تياناقتاندىرۋ جاعدايىن قۋزاپ ٴبىتىرىپ، مەملەكەتتىك كەڭەس ٴوندىرىس حاۋىپسىزدىگى كوميتەتىندەگى قاتىستى مۇشە ورىندارمەن ولكە دارەجەلى پارتكومدار مەن ۇكىمەتتەردى ۇلگى الىپ تەكسەرۋگە، ساراپتاپ تەكسەرۋگە ۇيىمداستىرادى.
