شي جينپيڭ ٴىشىنارا ولكە، اۆتونوميالى رايون، قالالاردىڭ ”15 ـ بەسجىلدىق“ كەزىندەگى ەكونوميكالىق، قوعامدىق دامۋى جونىندەگى اڭگىمە ٴماجىلىسىن باسقارىپ اشقاندا بىلاي دەپ باسا دارىپتەدى
جاعداي وزگەرىسىنە ۇيلەسىپ، ستراتەگيالىق ماڭىزدى ٴتۇيىندى يگەرىپ، ”15 ـ بەسجىلدىق“ كەزىندەگى ەكونوميكالىق، قوعامدىق دامۋدى عىلمي جوسپارلاۋ كەرەك
لي چياڭ، ساي چي قاتىناستى
4 ـ ايدىڭ 30 ـ كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ شاڭحايدا ٴىشىنارا ولكە، اۆتونوميالى رايون، قالالاردىڭ ”15 ـ بەسجىلدىق“ كەزىندەگى ەكونوميكالىق، قوعامدىق دامۋى جونىندەگى اڭگىمە ٴماجىلىسىن باسقارىپ اشتى ٴارى ماڭىزدى ٴسوز سويلەدى.
سۋرەتتى شينحۋا اگەنتتىگىنىڭ ٴتىلشىسى ۋاڭ يە تۇسىرگەن
شينحۋا اگەنتتىگىنىڭ 4 ـ ايدىڭ 30 ـ كۇنى شاڭحايدان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 4 ـ ايدىڭ 30 ـ كۇنى تۇستەن بۇرىن شاڭحايدا ٴىشىنارا ولكە، اۆتونوميالى رايون، قالالاردىڭ ”15 ـ بەسجىلدىق“ كەزىندەگى ەكونوميكالىق، قوعامدىق دامۋى جونىندەگى اڭگىمە ٴماجىلىسىن باسقارىپ اشتى ٴارى ماڭىزدى ٴسوز سويلەدى. ول بىلاي دەپ باسا دارىپتەدى: بيىل ”14 ـ بەسجىلدىق“ جوبانىڭ اياقتالاتىن جىلى، جوبادا بەلگىلەنگەن نىسانالاردى، مىندەتتەردى جەدەل تياناقتاندىرۋمەن بىرگە، جاعداي وزگەرىسىنە ۇيلەسىپ، ستراتەگيالىق ماڭىزدى ٴتۇيىندى يگەرىپ، ”15 ـ بەسجىلدىق“ كەزىندەگى ەكونوميكالىق، قوعامدىق دامۋدى عىلمي ويداعىداي جوسپارلاۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي اڭگىمە ماجىلىسىنە قاتىناستى.
اڭگىمە ماجىلىسىندە ىشكى موڭعۇل اۆتونوميالى رايوندىق پارتكومنىڭ شۋجيى سۇن شاۋچىڭ، شاڭحاي قالالىق پارتكومنىڭ شۋجيى چىن جينيىڭ، جىجياڭ ولكەلىك پارتكومنىڭ شۋجيى ۋاڭ حاۋ، حۋبەي ولكەلىك پارتكومنىڭ شۋجيى ۋاڭ جۇڭلين، گۋاڭدۇڭ ولكەلىك پارتكومنىڭ شۋجيى حۋاڭ كۇنميڭ، سىچۋان ولكەلىك پارتكومنىڭ شۋجيى ۋاڭ شياۋحۇي، گانسۋ ولكەلىك پارتكومنىڭ شۋجيى حۋ چاڭشىڭ ىلگەرىندى ـ كەيىندى ٴسوز سويلەدى، قىزمەت ٴىس جۇزىندىگىمەن بىرلەستىرىپ، ”15 ـ بەسجىلدىق“ كەزىندەگى ەكونوميكالىق، قوعامدىق دامۋ جونىندە پىكىر جانە ۇسىنىس قويدى.
كوپشىلىكتىڭ ٴسوزىن تىڭداعاننان كەيىن شي جينپيڭ ماڭىزدى ٴسوز سويلەدى. ول بىلاي دەپ باسا دارىپتەدى: 5 جىلدىق جوبانى عىلمي جاساۋ جانە ونى ۇزدىكسىز اتقارۋ — پارتيامىزدىڭ ەل باسقارۋداعى ماڭىزدى تاجىريبەسى ٴارى جۇڭگوشا سوتسياليزمنىڭ ماڭىزدى ساياسي ابزالدىلىعى. ”15 ـ بەسجىلدىق“ كەزىندەگى ەكونوميكالىق، قوعامدىق دامۋدى جوبالاۋدا، ٴسوز جوق، ”15 ـ بەسجىلدىق“ كەزىندەگى كەزەڭدىك تالاپتى دالمە ـ ٴدال يگەرىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن كوزدەپ، سوتسياليستىك وسىزامانداندىرۋ نىساناسىن نەگىزىنەن جۇزەگە اسىرۋدى مىقتاپ ارقاۋ ەتىپ، سالا ـ سالا بويىنشا نىسانانى، مىندەتتى لايىقتى بەلگىلەپ، وي جەلىسىن، شارالاردى ورتاعا قويۋ كەرەك. ٴار جاقتاعى نىساناعا، مىندەتكە ىشكەرىلەي تالداۋ جاساپ جانە ونى دالەلدەپ، عىلمي، دالمە ـ ٴدال بولۋىنا، دەر كەزىندە جۇزەگە اسۋىنا شىنايى كەپىلدىك ەتۋ كەرەك. ٴبىر تۇتاس جوسپارلاپ ـ جوبالاپ، ٴتۇيىندى، شەشۋشى فاكتورلاردى مەڭگەرىپ، ريتىم مەن اياق الىستى ويداعىداي يگەرىپ، باسىمدىقتى بەكەمدەۋگە، كەڭەيتۋگە، كەدەرگىلەردى، بوگەتتى تۇيىندەردى بۇزۋعا، ولقىلىقتاردى، ٴالسىز تۇستاردى تولىقتاۋعا، كۇشەيتۋگە، ساپانى، ونىمدىلىكتى جوعارىلاتۋعا ٴمان بەرىپ، جالپى تۇلعالىق نىسانامەن بەتالىس بىردەيلىگىن ساقتاۋ كەرەك.
شي جينپيڭ بىلاي دەپ اتاپ كورسەتتى: ”15 ـ بەسجىلدىق“ كەزىندەگى ەكونوميكالىق، قوعامدىق دامۋدى جوسپارلاۋدا حالىقارالىق جاعدايدىڭ دامۋ وزگەرىسىنىڭ ەلىمىزگە جاسايتىن ىقپالىن بولجامدى يگەرىپ، جاعدايعا ساي ٴتيىمدى جاققا جەتەكتەي وتىرىپ ەكونوميكانىڭ ورنالاسىمىن رەتتەۋ، ساپالىلاندىرۋ كەرەك. ٴوز ىستەرىمىزدى بۇلجىماي جاقسى ىستەپ، جوعارى دەڭگەيدە سىرتقا ەسىك اشۋدى بۇلجىماي كەڭەيتىپ، كوپ ٴتۇرلى شارانى قاتار قولدانا وتىرىپ جۇمىستاندىرۋدى ورنىقتىرىپ، كاسىپورىندى ورنىقتىرىپ، بازاردى ورنىقتىرىپ، مەجەنى ورنىقتىرىپ، ەكونوميكانىڭ نەگىزگى جاعدايىن ٴونىمدى ورنىقتىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى جاپپاي ىلگەرىلەتۋ كەرەك. دامۋ مەن حاۋىپسىزدىكتى ٴبىر تۇتاس جوسپارلاۋعا اناعۇرلىم ٴمان بەرىپ، ىشكى ـ سىرتقى حاۋىپ ـ قاتەرلەردى، سىن ـ سايىستاردى جان ـ جاقتى ويلاستىرىپ، مەملەكەت حاۋىپسىزدىگى جۇيەسىن اقاۋسىزداندىرىپ، حاۋىپسىزدىكتى قورعاۋ قابىلەتىن كۇشەيتىپ، جوعارى ونىمدىلىكپەن باسقارۋ ارقىلى جوعارى ساپالى دامۋ مەن جوعارى دەڭگەيلى حاۋىپسىزدىكتىڭ ۇتىمدى ىقپالداستىعىن جەبەپ، جاڭا حاۋىپسىزدىك جاعدايى ارقىلى جاڭا دامۋ جاعدايىن قامتاماسىز ەتۋ كەرەك.
شي جينپيڭ بىلاي دەپ باسا دارىپتەدى: ”15 ـ بەسجىلدىق“ كەزىندە جەرگىلىكتى جاعدايعا قاراي جاڭاشا وندىرگىش كۇشتەردى دامىتۋدى، ٴسوز جوق، ٴتىپتى دە كورنەكتى ستراتەگيالىق ورىنعا قويىپ، عىلىم ـ تەحنولوگيادا جاڭالىق اشۋدى جەتەكشى ەتىپ، ناقتى ەكونوميكانى تاعان ەتىپ، ٴداستۇرلى كاسىپ سالالارىنىڭ تيبىن جاڭالاپ دارەجەسىن جوعارىلاتۋىن جاپپاي ىلگەرىلەتۋدى، جاڭادان گۇلدەنگەن كاسىپ سالالارىن بەلسەنە دامىتۋدى، بولاشاق كاسىپ سالالارىن الدىن الا ورنالاستىرۋدى قاتار جۇرگىزۋگە تاباندى بولىپ، وسىزاماندانعان كاسىپ سالاسى جۇيەسىن جەدەل قۇرۋ كەرەك. مەملەكەتتىڭ جاڭالىق اشۋ جۇيەسىن كەمەلدەندىرىپ، ٴتۇرلى جاڭالىق اشۋ نەگىزگى تۇلعالارىنىڭ ومىرشەڭ كۇشىن قاۋلاتىپ، دۇنيە ٴجۇزى عىلىم ـ تەحنولوگياسىنىڭ الدىڭعى لەگىن كوزدەپ، نەگىزدىك زەرتتەۋدى كۇشەيتۋگە، ٴتول جاسامپازدىق قابىلەتتى جوعارىلاتۋعا ۇزدىكسىز كۇش سالىپ، شەشۋشى، وزەكتى تەحنولوگيادا، الدىڭعى لەك تەحنولوگياسىندا ناتيجە جاراتۋ جاعىندا قامال الۋدى مىقتى يگەرۋ كەرەك. وقۋ ـ اعارتۋدىڭ، عىلىم ـ تەحنولوگيانىڭ، دارىندىلاردىڭ ٴبىر تۇلعالى دامۋىن ٴبىر تۇتاس جوسپارلاپ ىلگەرىلەتىپ، جاڭاشا وندىرگىش كۇشتەردى دامىتۋدىڭ نەگىزدىك سيپاتتى، ستراتەگيالىق سيپاتتى تىرەگىن بەكەمدەۋ كەرەك.
شي جينپيڭ بىلاي دەپ اتاپ كورسەتتى: جۇڭگو ۇلگىسىندەگى وسىزامانداندىرۋ — جالپى حالىق بىرگە باييتىن سوتسياليستىك وسىزامانداندىرۋ. ”15 ـ بەسجىلدىق“ كەزىندەگى ەكونوميكالىق، قوعامدىق دامۋدى جوسپارلاۋدا اۋەلگى ماقساتتى ۇمىتپاي، حالىقتى باقىتقا كەنەلتۋدى ٴتۇبىرلى قۇن بەتالىسى ەتىپ، دامۋ بارىسىندا حالىق تۇرمىسىن قامتاماسىز ەتۋ مەن جاقسارتۋعا تاباندى بولىپ، بىرگە بايۋدى ورنىقتى قاداممەن ىلگەرىلەتۋ كەرەك. وڭىرلەردىڭ ورنالاسىمىن ساپالىلاندىرۋ، وڭىرلەردىڭ سايكەستى دامۋىن جەبەۋ جانە كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ، اۋىل ـ قىستاقتى جاپپاي گۇلدەندىرۋ مەن قالا، اۋىلدىڭ توعىسا دامۋىن ىلگەرىلەتۋ، اۋىل شارۋاشىلىعىنىڭ، اۋىل ـ قىستاقتىڭ وسىزاماندانۋىن جەدەلدەتۋ سياقتى جاقتارداعى ٴونىمدى شارالاردى ىشكەرىلەي زەرتتەپ، قالا مەن اۋىلداعى بۇقارانىڭ كىرىسىن ورنىقتى ارتتىرۋ كەرەك. بىركەلكىلىگى، قولجەتىمدىلىگى كۇشتى ٴبىر توپ حالىق تۇرمىسى ساياسات، شاراسىن زەرتتەپ ۇسىنىپ، بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن كۇش سالا شەشۋ كەرەك. بۇقاراعا ساياتىن ىستەردىڭ تەتىگى ونىڭ ناقتى بولۋىندا، ٴتۇرلى ساياسات، شارالار شىنايى، ناقتى ونىمدىلىككە باي بولۋى، بار كۇشپەن ىستەۋگە، شامانىڭ جەتىسىنشە ىستەۋگە تاباندى بولۋ كەرەك.
شي جينپيڭ بىلاي دەپ باسا دارىپتەدى: وڭىرلەر ”15 ـ بەسجىلدىق“ كەزىندەگى ەكونوميكالىق، قوعامدىق دامۋدى جوسپارلاۋدا مەملەكەتتىڭ كەلەلى جاعدايىندا ورىندى دالمە ـ ٴدال تۇراقتاندىرۋى، جوبانى ۇشتاستىرۋدى كۇشەيتۋى كەرەك. ىشكەرىلەي تەكسەرۋ ـ زەرتتەۋ جۇرگىزىپ، نىسانانى باعدار ەتۋ مەن ماسەلەنى باعدار ەتۋدىڭ ٴوزارا بىرلىگىنە تاباندى بولىپ، دامۋ وي جەلىسى مەن ستراتەگيالىق شارانى تۇراقتاندىرعاندا ٴوز ەرەكشەلىگىن بەينەلەۋگە، سالىستىرمالى ابزالدىلىقتى ساۋلەلەندىرۋگە ٴمان بەرۋى كەرەك.
حى ليفىڭ، ۋ جىڭلۇڭ اڭگىمە ماجىلىسىنە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى ولكە، اۆتونوميالى رايون، قالالارداعى جاۋاپتى جولداستار اڭگىمە ماجىلىسىنە قاتىناستى.
