شي جينپيڭ رەسەيدە مەملەكەتتىك ساپاردا بولادى ٴارى سوۆەت وداعىنىڭ ۇلى وتان قورعاۋ سوعىسى جەڭىسىنىڭ 80 جىلدىعىن ەسكە ٴتۇسىرۋ سالتىنا قاتىناسادى
سىرتقى ىستەر مينيسترلىگىنىڭ مالىمدەمەشىسى تىلشىلەردىڭ سۇراۋىنا جاۋاپ بەردى
سىرتقى ىستەر مينيسترلىگىنىڭ مالىمدەمەشىسى 5 ـ ايدىڭ 4 ـ كۇنى مىنالاردى جاريالادى: رەسەي فەدەراتسياسىنىڭ زۇڭتۇڭى پۋتيننىڭ ۇسىنىسىمەن مەملەكەت ٴتوراعاسى شي جينپيڭ 5 ـ ايدىڭ 7 ـ كۇنىنەن 10 ـ كۇنىنە دەيىن رەسەيدە مەملەكەتتىك ساپاردا بولادى ٴارى ماسكەۋدە وتكىزىلەتىن سوۆەت وداعىنىڭ ۇلى وتان قورعاۋ سوعىسى جەڭىسىنىڭ 80 جىلدىعىن ەسكە ٴتۇسىرۋ سالتىنا قاتىناسادى.
شينحۋا اگەنتتىگىنىڭ 5 ـ ايدىڭ 4 ـ كۇنى بەيجيڭنەن بەرگەن حابارى. رەسەي فەدەراتسياسىنىڭ زۇڭتۇڭى پۋتيننىڭ ۇسىنىسىمەن مەملەكەت ٴتوراعاسى شي جينپيڭ 5 ـ ايدىڭ 7 ـ كۇنىنەن 10 ـ كۇنىنە دەيىن رەسەيدە مەملەكەتتىك ساپاردا بولادى ٴارى ماسكەۋدە وتكىزىلەتىن سوۆەت وداعىنىڭ ۇلى وتان قورعاۋ سوعىسى جەڭىسىنىڭ 80 جىلدىعىن ەسكە ٴتۇسىرۋ سالتىنا قاتىناسادى. سىرتقى ىستەر مينيسترلىگىنىڭ مالىمدەمەشىسى 5 ـ ايدىڭ 4 ـ كۇنى تىلشىلەرگە وسى رەتكى ساپاردىڭ نەگىزگى ورنالاستىرۋلارىن، سونداي ـ اق جۇڭگو جاقتىڭ جۇڭگو - رەسەي قارىم ـ قاتىناسىن دامىتۋدان قانداي ٴۇمىت كۇتەتىندىگىن تانىستىردى.
مالىمدەمەشى مىنالاردى ٴبىلدىردى: كەزەكتە 100 جىلدىق وزگەرىس جەدەل قۇبىلۋدا، حالىقارالىق ٴتارتىپ تەرەڭدەي رەتتەلۋدە. ٴتوراعا شي جينپيڭ مەن پۋتين زۇڭتۇڭ تاريح پەن ستراتەگيالىق دەڭگەيدى تياناق ەتىپ، جاڭا داۋىردەگى جۇڭگو - رەسەي قارىم ـ قاتىناسىن كۇردەلى سىرتقى ورتادا باستان ـ اياق قايسارلىقپەن العا ىلگەرىلەۋگە جەتەكتەپ، ماڭگىلىك تاتۋ كورشى، دوس بولۋدىڭ، جالپى بەتتىك ستراتەگيالىق ىستەستىكتىڭ، ٴوزارا پايدا جەتكىزىپ سەلبەسىپ تەڭ يگىلىككە كەنەلۋدىڭ ايقىن ەرەكشەلىگىن ايگىلەدى.
مالىمدەمەشى بىلاي دەدى: ٴتوراعا شي جينپيڭ وسى جولى ۇسىنىسپەن رەسەيدە مەملەكەتتىك ساپاردا بولعان كەزدە پۋتين زۇڭتۇڭمەن جاڭا جاعدايدا جۇڭگو - رەسەي قارىم ـ قاتىناسىنىڭ دامۋى، سونداي ـ اق ٴبىر قىدىرۋ حالىقارالىق جانە وڭىرلىك كەلەلى ماسەلە جونىندە ستراتەگيالىق تىلدەسۋ وتكىزەدى. ەكى ەلدىڭ مەملەكەت باسشىلارى كەلىسكەن ماڭىزدى ورتاق تانىمنىڭ، ٴسوز جوق، جۇڭگو مەن رەسەيدىڭ ساياسي ٴوزارا سەنىمدىلىگىن ونان ارى تەرەڭدەتىپ، ستراتەگيالىق ىستەستىكتىڭ ٴمانىن بايىتىپ، ٴار سالاداعى ناقتى ىستەر سەلبەستىگىن جەبەپ، ەكى ەل حالقىنا اناعۇرلىم كوپ قۇت ـ ىرىس اكەلەتىندىگىنە، حالىقارالىق قوعامعا اناعۇرلىم كوپ ورنىقتىلىق پەن وڭ ەنەرگيا قوساتىندىعىنا سەنەمىز.
مالىمدەمەشى بىلاي دەپ اتاپ كورسەتتى: بيىل —جۇڭگو حالقىنىڭ جاپون شاپقىنشىلارىنا قارسى سوعىسى، سوۆەت وداعىنىڭ ۇلى وتان قورعاۋ سوعىسى جانە دۇنيە جۇزىلىك فاشيزمگە قارسى سوعىسى جەڭىسىنىڭ 80 جىلدىعى. جۇڭگو مەن رەسەي ەكى ەل دۇنيە جۇزىلىك 2 ـ سوعىستا ازيا مەن ەۆروپاداعى ەكى نەگىزگى سوعىس مايدانى رەتىندە، دۇنيە جۇزىلىك فاشيزمگە قارسى سوعىستىڭ جەڭىسىنە قول جەتكىزىپ، وزدەرىنىڭ ۇلتتارىن جويىلۋدان جانە ادامزاتتىڭ بولاشاق تاعدىرىن قۇتقارۋدا وراسان زور قۇرباندىق بەرىپ، كەلەلى تاريحي ۇلەس قوستى. ٴتوراعا شي جينپيڭ مەن پۋتين زۇڭتۇڭ تاريحتى بىرگە ەستە بەرىك ساقتاۋ، ارداگەر قۇربانداردى ەسكە الۋ، دۇنيە جۇزىلىك 2 ـ سوعىس جونىندەگى دۇرىس تاريح كوزقاراسىن اسقاقتاتۋ، دۇنيە جۇزىلىك 2 ـ سوعىس جەڭىسىنىڭ جەتىستىگىن جانە سوعىستان كەيىنگى حالىقارالىق ٴتارتىپتى قورعاۋ، حالىقارالىق ادىلدىكتى، ادىلەتتىلىكتى قورعاۋ جونىندە ورتاق تانىمعا كەلدى. وسى ٴبىر ەرەكشە تاريحي تۇيىندە ۇسىنىس بويىنشا ماسكەۋدە وتكىزىلەتىن سوۆەت وداعىنىڭ ۇلى وتان قورعاۋ سوعىسى جەڭىسىنىڭ 80 جىلدىعىن ەسكە ٴتۇسىرۋ سالتىنا قاتىناسۋ ٴتوراعا شي جينپيڭنىڭ وسى رەتكى ساپارىنىڭ ماڭىزدى ٴبىر مازمۇنى ٴارى جۇڭگو مەن رەسەيدىڭ قارسى جاعىنىڭ دۇنيە جۇزىلىك فاشيزمگە قارسى سوعىسى جەڭىسىنىڭ 80 جىلدىعىن ەسكە ٴتۇسىرۋ قيمىلىن وتكىزۋىن ٴوزارا قولداۋىنىڭ تيەسىلى ٴمانى.
مالىمدەمەشى مىنالاردى ٴبىلدىردى: بيىل تاعى بىرلەسكەن مەملەكەتتەر ۇيىمى قۇرىلعاندىعىنىڭ 80 جىلدىعى. جۇڭگو مەن رەسەي ەكەۋى دە بىرلەسكەن مەملەكەتتەر ۇيىمىن قۇرۋشى ەل جانە حاۋىپسىزدىك القالار كەڭەسىنىڭ تۇراقتى القا ەلى رەتىندە، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى قورعاۋ جاعىندا ەرەكشە ماڭىزدى جاۋاپكەرشىلىك ارقالاپ وتىر. جۇڭگو - رەسەي ەكى جاق بىرلەسكەن مەملەكەتتەر ۇيىمى، شاڭحاي سەلبەستىك ۇيىمى، بريكس ەلدەرى سياقتى كوپ جاقتى تۇعىردا ٴجيى ىستەستىك جاساۋدى ونان ارى كۇشەيتىپ، جەر شارىنىڭ وڭتۇستىگىندەگى قالىڭ ەلدى ىنتىماقتاستىرىپ، الەمدىك باسقارۋدىڭ دۇرىس بەتالىسىنا جەتەكشىلىك ەتىپ، سىڭار جاقتىلىققا جانە زورەكەرلىك ارەكەتتەرگە تۋى ايقىن تۇردە قارسى تۇرىپ، تەڭ، ٴتارتىپتى دۇنيە ٴجۇزىنىڭ كوپ ۇيەكتەنۋىن، جالپىعا ٴتيىمدى، سيىسىمدى ەكونوميكانىڭ جاھاندانۋىن قول ۇستاسا ىلگەرىلەتەدى.
