وتان مەن حالىق ەڭ قاجەت ەتكەن جەرگە بارىپ جارىق شاشىپ، رول اتقارىپ، جۇڭگو ۇلگىسىندەگى وسىزامانداندىرۋ قۇرىلىسىنا جاستىق كۇشىن قوسىڭىزدار

شي جينپيڭ شەيىت باستاۋىش مەكتەبـى شەكارانى قورعاۋ، وقۋ ـ اعارتۋعا كومەكتەسۋ بويىنشا باتىس بولىك جوسپارى ەرىكتىلەر قىزمەت وتەۋ اترەتى مۇشەلەرىنە جاۋاپ حات قايتارىپ، بىلاي دەپ باسا دارىپتەدى

وتان مەن حالىق ەڭ قاجەت ەتكەن جەرگە بارىپ جارىق شاشىپ، رول اتقارىپ، جۇڭگو ۇلگىسىندەگى وسىزامانداندىرۋ قۇرىلىسىنا جاستىق كۇشىن قوسىڭىزدار

جاۋاپ حات

شينجياڭ اتۇش قالاسى قاراجول اۋىلى شەيىت باستاۋىش مەكتەبى شەكارانى قورعاۋ، وقۋ ـ اعارتۋعا كومەكتەسۋ بويىنشا باتىس بولىك جوسپارى ەرىكتىلەر قىزمەت وتەۋ اترەتىندەگى بارلىق مۇشەلەرگە:

حاتتارىڭىزدى تاپسىرىپ الدىم. سىزدەر پارتيانىڭ ۇندەۋىنە ٴۇن قوسىپ، باتىس بولىكتەگى شەكارا وڭىرگە بارىپ ٴبىلىم بەرىپ ادام تاربيەلەپ، جەرگىلىكتى ورىننىڭ وقۋ ـ اعارتۋ ىستەرىنىڭ دامۋىن جەبەۋدە، ۇلتتار ىنتىماعىن، العاباسارلىعىن جەبەۋدە، شەكارانى گۇلدەندىرىپ حالىقتى بايىتۋدى جانە شەكارانى ورنىقتىرىپ شەكارانى بەكەمدەۋدى جەبەۋدە بەلسەندى رول اتقاردىڭىزدار، وزدەرىڭىز دە شىڭدالىپ شىنىقتىڭىزدار جانە ەسەيىپ تولىستىڭىزدار.

سوڭعى جىلدارى ٴتىپتى دە كوپ جاس باتىس بولىككە بارىپ، اۋىل ـ قىستاقتارعا بارىپ، نەگىزگى ساتىعا بارىپ ەرىكتى قىزمەت وتەۋدى تاڭداپ، قالتقىسىز ۇلەس قوسىپ، جاڭا داۋىردەگى جۇڭگو جاستارىنىڭ اسقاق رۋحاني بەت ـ بەينەسىن جانە مەملەكەتتى قۇدىرەتتەندىرۋدە مەن بارمىن دەيتىن جاۋاپكەرشىلىك ارقالاۋىن ايگىلەدى. قالىڭ جاستاردىڭ مۇرات ـ سەنىمدى بەكەمدەپ، وتانعا سۇيىسپەنشىلىگىن كۇشەيتىپ، توسەلگەن ونەردى ۇشتاپ، كۇرەس رۋحىن اسقاقتاتىپ، وتان مەن حالىق ەڭ قاجەت ەتكەن جەرگە بارىپ جارىق شاشىپ، رول اتقارىپ، جۇڭگو ۇلگىسىندەگى وسىزامانداندىرۋ قۇرىلىسىنا جاستىق كۇشىن قوسۋىن ٴۇمىت ەتەمىن.

4 ـ مامىر جاستار مەرەكەسى تاياپ قالدى، سىزدەردىڭ جانە بۇكىل ەلدەگى قالىڭ جاستاردىڭ مەرەكەسىن قۇتتىقتايمىن.

شي جينپيڭ

2025 ـ جىلى 5 ـ ايدىڭ 2 ـ كۇنى

(شينحۋا اگەنتتىگىنىڭ 5 ـ ايدىڭ 3 ـ كۇنى بەيجيڭنەن بەرگەن حابارى)

شينحۋا اگەنتتىگىنىڭ 5 ـ ايدىڭ 3 ـ كۇنى بەيجيڭنەن بەرگەن حابارى. 4 ـ مامىر جاستار مەرەكەسى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ شينجياڭ قىزىلسۋ قىرعىز اۆتونوميالى وبلىسى اتۇش قالاسى قاراجول اۋىلى شەيىت باستاۋىش مەكتەبى شەكارانى قورعاۋ، وقۋ ـ اعارتۋعا كومەكتەسۋ بويىنشا باتىس بولىك جوسپارى ەرىكتىلەر قىزمەت وتەۋ اترەتىندەگى بارلىق مۇشەلەرگە جاۋاپ حات قايتارىپ، بۇكىل ەلدەگى قالىڭ جاستاردىڭ مەرەكەسىن قۇتتىقتادى ٴارى ىقىلاستى ٴۇمىت ارتتى.

شي جينپيڭ جاۋاپ حاتىندا بىلاي دەدى: سىزدەر پارتيانىڭ ۇندەۋىنە ٴۇن قوسىپ، باتىس بولىكتەگى شەكارا وڭىرگە بارىپ ٴبىلىم بەرىپ ادام تاربيەلەپ، جەرگىلىكتى ورىننىڭ وقۋ ـ اعارتۋ ىستەرىنىڭ دامۋىن جەبەۋدە، ۇلتتار ىنتىماعىن، العاباسارلىعىن جەبەۋدە، شەكارانى گۇلدەندىرىپ حالىقتى بايىتۋدى جانە شەكارانى ورنىقتىرىپ شەكارانى بەكەمدەۋدى جەبەۋدە بەلسەندى رول اتقاردىڭىزدار، وزدەرىڭىز دە شىڭدالىپ شىنىقتىڭىزدار جانە ەسەيىپ تولىستىڭىزدار.

شي جينپيڭ بىلاي دەپ باسا دارىپتەدى: سوڭعى جىلدارى ٴتىپتى دە كوپ جاستار باتىس بولىككە بارىپ، اۋىل ـ قىستاقتارعا بارىپ، نەگىزگى ساتىعا بارىپ ەرىكتى قىزمەت وتەۋدى تاڭداپ، قالتقىسىز ۇلەس قوسىپ، جاڭا داۋىردەگى جۇڭگو جاستارىنىڭ اسقاق رۋحاني بەت ـ بەينەسىن جانە مەملەكەتتى قۇدىرەتتەندىرۋدە مەن بارمىن دەيتىن جاۋاپكەرشىلىك ارقالاۋىن ايگىلەدى. قالىڭ جاستاردىڭ مۇرات ـ سەنىمدى بەكەمدەپ، وتانعا سۇيىسپەنشىلىگىن كۇشەيتىپ، توسەلگەن ونەردى ۇشتاپ، كۇرەس جۇرگىزۋ رۋحىن اسقاقتاتىپ، وتان مەن حالىق ەڭ قاجەت ەتكەن جەرگە بارىپ جارىق شاشىپ، رول اتقارىپ، جۇڭگو ۇلگىسىندەگى وسىزامانداندىرۋ قۇرىلىسىنا جاستىق كۇشىن قوسۋىن ٴۇمىت ەتەمىن.

شەيىت باستاۋىش مەكتەبى شەكارا سىزىعىمەن قاشىقتىعى 47 كيلومەتر كەلەتىن، نەگىزىنەن، قىرعىز ۇلتى وقۋشىلارىنان قۇرالعان قىستاق دارەجەلى باستاۋىش مەكتەپ، 2022 ـ جىلى 8 ـ ايدا قىزىلسۋ وبلىسىنداعى تۇڭعىش باتىس بولىك جوسپارى ەرىكتىلەرى مەكتەپتى كوتەرمەگە الىپ وقىتۋعا كومەكتەسەتىن سىناق ٴتۇيىنى مەكتەبى بولدى. تاياۋدا شەيىت باستاۋىش مەكتەبى شەكارانى قورعاۋ، وقۋ ـ اعارتۋعا كومەكتەسۋ بويىنشا باتىس بولىك جوسپارى ەرىكتىلەر قىزمەت وتەۋ اترەتىنىڭ مۇشەلەرى باس شۋجي شي جينپيڭگە حات جازىپ، شەكارانى قورعاۋ، وقىتۋعا كومەكتەسۋ جاعدايىنان جانە اسەرلەرىنەن مالىمەت بەرىپ، باتىس بولىككە تامىر تارتۋ، شەكاراعا قىزمەت وتەۋ بەكىمدەرىن بىلدىرگەن بولاتىن.