4 ـ ايدىڭ 24 ـ كۇنى امەريكانىڭ ايوۆا شتاتى دوستىق كوميتەتى باس بولىپ وتكىزگەن ٴتوراعا شي جينپيڭنىڭ ايوۆا شتاتىندا تۇڭعىش رەت ساپاردا بولعاندىعىنىڭ 40 جىلدىعىن ەسكە ٴتۇسىرۋ قيمىلى دەموينيس قالاسىندا سالتاناتپەن وتكىزىلدى. جۇڭگو حالىق شەتەلدەرمەن دوستىق قوعامىنىڭ، حىبەي ولكەسىنىڭ، سونداي ـ اق شىجياجۋاڭ قالاسىنىڭ، جىڭديڭ اۋداندىق حالىق ۇكىمەتىنىڭ ۋاكىلدەرى ۇسىنىسپەن قاتىناستى، ٴتوراعا شي جينپيڭنىڭ ايوۆا شتاتىنداعى كونە دوستارىنان، سونداي ـ اق ٴار سالاداعى دوس قايراتكەرلەردەن 150دەي ادام قيمىلعا قاتىناستى. قيمىل قىزۋ مەرەيگە، دوستىققا تولى بولدى.
ماجىلىسكە قاتىناسقان ٴار جاق ٴتوراعا شي جينپيڭنىڭ وسى شتاتتا 2 رەت ساپاردا بولعان كەزدەگى مەيىرلى كورىنىستەردى تەرەڭ سۇيىسپەنشىلىكپەن ەسكە ٴتۇسىرىپ، ٴبىر اۋىزدان مىنانى ٴبىلدىردى: ٴتوراعا شي جينپيڭ 40 جىلدىڭ الدىندا ايوۆا شتاتىندا تۇڭعىش رەت ساپاردا بولىپ، دوستىق تۇقىمىن سەپكەن ەدى. 40 جىلدان بەرى، ٴتوراعا شي جينپيڭنىڭ ٴوزىنىڭ ۇزاق ۋاقىت تىكە جەتىلدىرۋىندە جانە ىلگەرىلەتۋىندە، حىبەي ولكەسى مەن ايوۆا شتاتى ۋاكىل بولعان جۇڭگو - امەريكا جەرگىلىكتى ورىندار جانە حالىق ٴىشى بارىس ـ كەلىسىندە سۇبەلى تابىستارعا قول جەتتى. بولاشاققا بەت العاندا ەكى جاق دوس قالا، جاستار، گۋمانيتارلىق ىستەر سياقتى سالالارداعى اۋىس ـ كۇيىستى، سەلبەستىكتى ۇزدىكسىز كۇشەيتىپ، جۇڭگو - امەريكا حالقى دوستىق ىستەرىنىڭ جاڭا تاراۋىن بىرگە جازۋعا ٴتيىس.
قيمىل كەزىندە حىبەي ولكەسى مەن ايوۆا شتاتىنداعى جاستار مەن ورەندەر ۋاكىلدەرى بىرلەسىپ تاماشا ادەبيەت ـ كوركەمونەر كونسەرتىن ۇسىندى، جاستار مەن ورەندەر اۋىس ـ كۇيىس سۋرەت كورمەسى، بەيزاتتىق مادەنيەت مۇرالارى كورمەسى سياقتى باي مازمۇندى جەلىلەس قيمىلدار وتكىزىلدى.
