جۇڭگو كوممۋنيستىك پارتياسى ورتالىق كوميتەتى ساياسي بيۋروسى ٴماجىلىس اشتى
كەزەكتەگى ەكونوميكالىق جاعداي مەن ەكونوميكالىق قىزمەتكە تالداۋ جاسادى جانە ونى اقىلداستى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى
جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 4 ـ ايدىڭ 25 ـ كۇنى ٴماجىلىس اشىپ، كەزەكتەگى ەكونوميكالىق جاعداي مەن ەكونوميكالىق قىزمەتكە تالداۋ جاسادى جانە ونى اقىلداستى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى.
ٴماجىلىس بىلاي دەپ قارادى: بيىل جىل باسىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ەكونوميكالىق قىزمەتكە جالپى بەتتىك باسشىلىقتى كۇشەيتتى، جەر ـ جەر، تاراۋلار كۇش بىرىكتىرە وتىرىپ قامال الدى، ٴتۇرلى ماكرولىق ساياساتتار سايكەسە كۇش قوسىپ، ەكونوميكادا جاقسارۋ جاعدايى جارىققا شىقتى، قوعامدىق سەنىمدىلىك ۇزدىكسىز سەرپىلىپ، جوعارى ساپالى دامۋ تىڭعىلىقتى ىلگەرىلەتىلىپ، قوعامدىق كەلەلى جاعدايدىڭ ورنىقتىلىعى ساقتالدى. سونىمەن بىرگە ەلىمىز ەكونوميكاسىنىڭ ٴۇرتىس قايتا ورلەۋ، جاقسارۋ نەگىزىن ٴالى دە بەكەمدەۋگە تۋرا كەلەدى، سىرتقى سوققىنىڭ ىقپالى كۇشەيۋدە. تومەنگى شەكتە ويلاۋدى كۇشەيتىپ، جوبا ـ جوسپاردى تولىق، جەتكىلىكتى دايىنداپ، ەكونوميكالىق قىزمەتتى تىڭعىلىقتى، ويداعىداي ىستەۋ كەرەك.
ٴماجىلىس بىلاي دەپ اتاپ كورسەتتى: ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، ەل ىشىندەگى ەكونوميكالىق قىزمەت پەن حالىقارالىق ەكونوميكا ـ ساۋدا كۇرەسىن ٴبىر تۇتاس جوسپارلاپ، ٴوز ىستەرىمىزدى بۇلجىماي جاقسى ىستەپ، جوعارى دەڭگەيدە سىرتقا ەسىك اشۋدى بۇلجىماي كەڭەيتىپ، جۇمىستاندىرۋدى ورنىقتىرۋعا، كاسىپورىندى ورنىقتىرۋعا، بازاردى ورنىقتىرۋعا، مەجەنى ورنىقتىرۋعا كۇش سالىپ، جوعارى ساپالى دامۋدىڭ ايقىندىلىعى ارقىلى سىرتقى ورتانىڭ شۇعىل وزگەرىسىندەگى ايقىنسىزدىققا توتەپ بەرۋ كەرەك.
ٴماجىلىس مىنالاردى باسا دارىپتەدى: اناعۇرلىم بەلسەندى، ۇتىمدى ماكرولىق ساياساتتاردى جەدەل اتقارىپ، اناعۇرلىم بەلسەندى قازىنا ساياساتىنان جانە ۇيلەسىمدى كەڭ اقشا ساياساتىنان ويداعىداي، تولىق پايدالانۋ كەرەك. جەرگىلىكتى ۇكىمەتتىڭ ارناۋلى زايومى، ەرەن ۇزاق مەرزىمدىك ەرەكشە مەملەكەت زايومى سياقتىلاردى تاراتۋدى، پايدالانۋدى جەدەلدەتۋ كەرەك. نەگىزگى ساتىنىڭ ”ٴۇشتى قامتاماسىزداندىرۋ“ تومەنگى شەگىن مىقتى ساقتاۋ كەرەك. لايىقتى تۇردە زاپاس اقشا مولشەرىن تومەندەتىپ، ٴوسىمدى تومەندەتىپ، جىلجىمالىلىقتىڭ جەتكىلىكتى بولۋىن ساقتاپ، ناقتى ەكونوميكاعا كۇش سالا قولداۋ كورسەتۋ كەرەك. جاڭا قۇرىلىمدىق اقشا ساياساتى قۇرال ـ جابدىعىن قالىپتاستىرىپ، جاڭاشا ساياسات سيپاتىنداعى فينانس قۇرال ـ جابدىعىن ورناتىپ، عىلىم ـ تەحنولوگيادا جاڭالىق اشۋ، تۇتىنۋدى كەڭەيتۋ، سىرتقى ساۋدانى ورنىقتىرۋ سياقتىلارعا قولداۋ كورسەتۋ كەرەك. ساياسات بەتالىسىنىڭ بىردەيلىگىن كۇشەيتۋ كەرەك.
ٴماجىلىس مىنالاردى اتاپ كورسەتتى: ورتا، تومەن كىرىستى قاۋىمنىڭ كىرىسىن جوعارىلاتىپ، قىزمەت وتەۋ تۇتىنۋىن بار كۇشپەن دامىتىپ، تۇتىنۋدىڭ ەكونوميكالىق ارتۋدى جەبەۋ رولىن كۇشەيتۋ كەرەك. تۇتىنۋ سالاسىنداعى شەكتەۋ سيپاتتى شارالاردى تەز ارادا اداقتاپ، قىزمەت وتەۋ تۇتىنۋىنا جانە قارتتاردى كۇتىمدەۋگە بەرىلەتىن ۇستەمە قارىز اقشا بەلگىلەۋ كەرەك. قارجىلاي قولداۋ كورسەتۋ تەبىنىن ارتتىرىپ، ”ەكىنى جاڭالاۋ“ ساياساتىن كولەمىن كەڭەيتىپ، ساپاسىن جوعارىلاتا اتقارىپ، ”ەكى كەلەلى“ قۇرىلىستى كۇش قوسا اتقارۋ كەرەك.
ٴماجىلىس مىنالاردى باسا دارىپتەدى: كوپ شارانى قاتار اتقارۋ ارقىلى قيىنشىلىعى بار كاسىپورىندارعا كومەكتەسۋ جانە ولاردى سۇيەمەلدەۋ كەرەك. قارجى قۇراۋعا قولداۋ كورسەتۋدى كۇشەيتۋ كەرەك. ىشكى ـ سىرتقى ساۋدانى ٴبىر تۇلعالاندىرۋدى جەدەل ىلگەرىلەتۋ كەرەك. جاڭاشا وندىرگىش كۇشتەردى جەتىلدىرىپ، زورايتىپ، ٴبىر توپ جاڭادان گۇلدەنگەن تىرەكتى كاسىپ سالالارىن تۇلعالاۋ كەرەك. شەشۋشى، وزەكتى تەحنولوگيادان قامال الۋدى ۇزدىكسىز كۇش سالا ىلگەرىلەتىپ، زايوم بازارىنىڭ ”عىلىم ـ تەحنولوگيا بولىگىن“ جاڭالىق اشا العا قويىپ، ”جاساندى زەردە +“ ارەكەتىن جەدەل اتقارۋ كەرەك. ٴتۇيىندى كاسىپ سالالارىنىڭ ساپاسىن جوعارىلاتىپ دارەجەسىن ٴوسىرۋدى زور كۇشپەن ىلگەرىلەتىپ، ولشەممەن جەتەكشىلىك ەتۋگە تاباندى بولىپ، باسەكە ٴتارتىبىن جۇيەگە ٴتۇسىرۋ كەرەك.
ٴماجىلىس مىنالاردى باسا دارىپتەدى: رەفورمانى، ەسىك اشۋدى تەرەڭدەتۋ ادىسىنەن پايدالانىپ دامۋداعى ماسەلەلەردى شەشۋگە تاباندى بولۋ كەرەك. بۇكىل ەلدىڭ ٴبىر تۇتاس ۇلكەن بازارى قۇرىلىسىن جەدەلدەتىپ، كاسىپورىندارعا ساياتىن زاڭ اتقارۋدى جۇيەگە ٴتۇسىرۋ ارناۋلى ارەكەتىن تىڭعىلىقتى ورىستەتۋ كەرەك. قىزمەت وتەۋ كاسىبىندە اشىق ۇستاۋ سىناق ٴتۇيىنى ساياساتى تەبىنىن ارتتىرىپ، كاسىپورىنداردىڭ ”سىرتقا شىعارۋ“ قىزمەت وتەۋىن كۇشەيتۋ كەرەك. حالىقارالىق قوعاممەن بىرگە كوپ جاقتىلىقتى بەلسەنە قورعاپ، سىڭار جاقتى زورەكەرلىك ارەكەتتەرىنە قارسى تۇرۋ كەرەك.
ٴماجىلىس مىنالاردى اتاپ كورسەتتى: ٴتۇيىندى سالالارداعى حاۋىپ ـ قاتەردەن ۇزدىكسىز كۇش سالا ساقتانۋ جانە ونى جويۋ كەرەك. جەرگىلىكتى ۇكىمەتتەردىڭ قارىزدى جويۋعا قاتىستى ٴبىر قىدىرۋ ساياساتىن ۇزدىكسىز اتقارىپ، جەرگىلىكتى ۇكىمەتتەردىڭ كاسىپورىنداردىڭ اقشاسىن كەشەۋىلدەتۋى ماسەلەسىن جەدەل شەشۋ كەرەك. قالانى جاڭالاۋ ارەكەتىن كۇش قوسا اتقارىپ، قالا ىشىندەگى قىستاقتار مەن قاتەرلى، كونە ۇيلەردى جاڭالاۋدى پارمەندى، ٴتارتىپتى ىلگەرىلەتۋ كەرەك. قورا ـ جاي كاسىبى دامۋىنىڭ جاڭا ۇلگىسىن جەدەل قالىپتاستىرىپ، جوعارى ساپالى تۇرعىن ۇيمەن قامداۋدى ارتتىرىپ، ىركىندى تاۋار ۇيلەردى ساتىپ الۋ ساياساتىن ساپالىلاندىرىپ، قورا ـ جاي كاسىبى بازارىنىڭ ورنىقتى كۇيىن ۇزدىكسىز بەكەمدەۋ كەرەك. كاپيتال بازارىن ۇزدىكسىز ورنىقتىرۋ جانە جانداندىرۋ كەرەك.
ٴماجىلىس مىنالاردى باسا دارىپتەدى: حالىق تۇرمىسىن كۇش سالا قامتاماسىز ەتۋ كەرەك. كەدەن باجىسىنىڭ ىقپالىنا ٴبىرشاما اۋىر ۇشىراعان كاسىپورىندارعا مەڭزەس، جۇمىسسىزدىق قامسىزداندىرۋى ارقىلى جۇمىس ورنىن ورنىقتىرۋ بويىنشا قامسىزداندىرۋ قورىن قايتارۋ سالىستىرماسىن جوعارىلاتۋ كەرەك. ساتىعا، تۇرگە بولىنگەن قوعامدىق قۇتقارۋ ـ كومەكتەسۋ جۇيەسىن اقاۋسىزداندىرۋ كەرەك. اۋىل شارۋاشىلىعى ٴوندىرىسىن كۇشەيتىپ، استىق سياقتى ماڭىزدى اۋىل شارۋاشىلىعى ونىمدەرىنىڭ باعاسىن ورنىقتىرۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل ـ قىستاقتى گۇلدەندىرۋمەن ٴونىمدى ۇشتاستىرۋ كەرەك. ٴوندىرىس حاۋىپسىزدىگىن جانە اپاتتان ساقتانۋ، اپات شىعىنىن ازايتۋ سياقتى ٴتۇرلى قىزمەتتەردى ۇزدىكسىز ويداعىداي يگەرۋ كەرەك.
ٴماجىلىس مىنالاردى اتاپ كورسەتتى: جۇمىستانۋدى ورنىقتىرۋ، ەكونوميكانى ورنىقتىرۋ ساياسات قۇرال ـ جابدىق ساندىعىن ۇزدىكسىز كەمەلدەندىرىپ، بەلگىلەنگەن ساياساتتى ەرتەرەك جاريالاپ، ەرتەرەك ونىمدىلىگىن كورسەتىپ، جاعداي وزگەرىسى بويىنشا تىڭنان ارتقان، زاپاس ساياساتتاردى دەر كەزىندە العا قويىپ، قالىپتان تىس كەرى پەريودتىق رەتتەۋدى كۇشەيتىپ، ەكونوميكا دامۋىنىڭ جانە قوعام ورنىقتىلىعىنىڭ نەگىزگى اۋقىمىن بار كۇشپەن بەكەمدەۋ كەرەك.
ٴماجىلىس مىنالاردى باسا دارىپتەدى: پارتيانىڭ ەكونوميكالىق قىزمەتكە جالپى بەتتىك باسشىلىعىن كۇشەيتىپ، پارتيا مۇشەلەرى مەن كادرلاردى قيىندىققا قارسى اتتانىپ، ىرىقتىلىقپەن ىسكەرلىك كورسەتىپ، دۇرىس ناتيجە كوزقاراسىن ورناتۋعا جانە امالياتتا ايگىلەۋگە شابىتتاندىرۋ كەرەك. ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن مۇقيات ورىستەتىپ، ستيل قۇرىلىسىنىڭ جاڭا ناتيجەلەرى ارقىلى جوعارى ساپالى دامۋدىڭ جاڭا جاعدايىن اشۋ كەرەك.
ٴماجىلىس باسقا دا ىستەردى اقىلداستى.
