4 ـ ايدىڭ 15 ـ كۇنى جۇڭگو ورتالىق راديو ـ تەلەۆيزيا باس ستانسياسى جاساعان «كوكەيگە قونىمدى سوزدەر — شي جينپيڭ ۇناتاتىن قاناتتى سوزدەردىڭ» (مالاي تىلىندەگى نۇسقاسى) تۇساۋكەسەرى كۋالا ـ لۋمپۋردا وتكىزىلدى. مالايزيانىڭ ٴبىرىنشى ورىنباسار زۇڭليى زاحيد قۇتتىقتاۋ حاتىن جولداپ، باعدارلامانىڭ مالايزيادا تاراتىلعاندىعىن قۇتتىقتادى. مالايزيانىڭ ساياسي، ەكونوميكا، مادەنيەت، مەديا، ٴىلىم سياقتى ٴار سالاداعى ايگىلى قايراتكەرلەرىنەن 200دەن استام سيلى قوناق قيمىلعا قاتىناستى. باعدارلاما سول كۇننەن باستاپ مالايزيا مەملەكەتتىك راديو ـ تەلەۆيزيا ستانسياسى سياقتى نەگىزگى اعىمدىق مەديالاردا تاراتىلدى.
«كوكەيگە قونىمدى سوزدەر — شي جينپيڭ ۇناتاتىن قاناتتى سوزدەر» (مالاي تىلىندەگى نۇسقاسى) باس شۋجي شي جينپيڭنىڭ ماڭىزدى سوزدەرىندە، ماقالالارىندا جانە سۇحباتتارىندا ناقىل كەلتىرىلگەن جۇڭگونىڭ ارعى زامان كىتاپتارى مەن كلاسسيكالىق شىعارمالارىنداعى ايگىلى ٴسوز ـ سويلەمدەردى كىرىسۋ ٴتۇيىنى ەتىپ، نازاردى ادامزاتتىڭ تاعدىرلاس ورتاق تۇلعاسى، مادەنيەتتى جالعاستىرىپ جاڭالىق اشۋ، ورگانيزمدەردىڭ الۋان تۇرلىلىگىن قورعاۋ، وركەنيەتتەردىڭ اۋىس ـ كۇيىسى، ٴوزارا ۇلگى الۋى سياقتى نەگىزگى تاقىرىپتارعا شوعىرلاندىرىپ، ٴتوراعا شي جينپيڭنىڭ ەل باسقارۋداعى ەرەن اقىل ـ پاراساتىن، دۇنيە كوپكە ورتاق دەيتىن تەرەڭ سۇيىسپەنشىلىگىن، سونداي ـ اق ەرتە زاماننان قازىرگە دەيىن جالعاسىپ كەلە جاتقان تاريحي مادەنيەت استارىن تارتىمدى ايگىلەگەن.
