4 ـ ايدىڭ 15 ـ كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى شي جينپيڭ حانوي حالىقارالىق ٴماجىلىس ورتالىعىندا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لينمەن، ۆيەتنامنىڭ مەملەكەت ٴتوراعاسى لياڭ چياڭمەن بىرگە جۇڭگو — ۆيەتنام حالىقتارى كولەمدى بىرلەسكەن ساۋىق قيمىلىنىڭ ۋاكىلدەرىمەن كەزدەستى. سۋرەتتە: شي جينپيڭ «تاتۋ كورشى، دوس بولۋ نەگىزگى اۋەنىن شارىقتاتىپ، تاعدىرلاس بولۋ جاڭا تاراۋىن بىرگە جازايىق» دەگەن تاقىرىپتا ارناۋ ٴسوز سويلەۋدە.
سۋرەتتى شينحۋا اگەنتتىگىنىڭ ٴتىلشىسى شىن حۇڭ تۇسىرگەن
4 ـ ايدىڭ 15 ـ كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى شي جينپيڭ حانوي حالىقارالىق ٴماجىلىس ورتالىعىندا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لينمەن، ۆيەتنامنىڭ مەملەكەت ٴتوراعاسى لياڭ چياڭمەن بىرگە جۇڭگو — ۆيەتنام حالىقتارى كولەمدى بىرلەسكەن ساۋىق قيمىلىنىڭ ۋاكىلدەرىمەن كەزدەستى. سۋرەتتە: قيمىلدىڭ الدىندا شي جينپيڭ سۋ ليننىڭ، لياڭ چياڭنىڭ سەرىك بولۋىندا جۇڭگو مەن ۆيەتنامنىڭ ديپلوماتيالىق قارىم ـ قاتىناس ورناتقاندىعىنىڭ 75 جىلدىعى سۋرەت كورمەسىن تاماشالاۋدا.
سۋرەتتى شينحۋا اگەنتتىگىنىڭ ٴتىلشىسى يىن بوگۋ تۇسىرگەن
4 ـ ايدىڭ 15 ـ كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى شي جينپيڭ حانوي حالىقارالىق ٴماجىلىس ورتالىعىندا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لينمەن، ۆيەتنامنىڭ مەملەكەت ٴتوراعاسى لياڭ چياڭمەن بىرگە جۇڭگو — ۆيەتنام حالىقتارى كولەمدى بىرلەسكەن ساۋىق قيمىلىنىڭ ۋاكىلدەرىمەن كەزدەستى.
ەكى پارتيا، ەكى ەل باسشىلارى ٴماجىلىس الاڭىنا بىرگە كىرگەندە جۇڭگو مەن ۆيەتنامنىڭ ٴار سالاسىنداعى دوس قايراتكەرلەر قىزۋ شاپالاق سوقتى.
شي جينپيڭ «تاتۋ كورشى، دوس بولۋ نەگىزگى اۋەنىن شارىقتاتىپ، تاعدىرلاس بولۋ جاڭا تاراۋىن بىرگە جازايىق» دەگەن تاقىرىپتا ارناۋ ٴسوز سويلەدى.
شي جينپيڭ قيمىلعا قاتىناسقان ەكى ەل ۋاكىلدەرىنە ىقىلاستى سالەم جولدادى. شي جينپيڭ بىلاي دەپ اتاپ كورسەتتى: جۇڭگو — ۆيەتنام قارىم ـ قاتىناسىنىڭ نەگىزى حالىقتا، تامىرى حالىقتا، كۇشى دە حالىقتا. ۇزاق ۋاقىتتان بەرى، قول ۇستاسا مەملەكەتتى جويىلۋدان قۇتقارىپ، توڭكەرىس ۇشقىنىن شاشۋدان تىزە قوسا شايقاس جاساپ، مەملەكەت تاۋەلسىزدىگى مەن ۇلت ازاتتىعىن جۇزەگە اسىرۋعا دەيىن، ونان وسىزامانداندىرۋ جورىعىنا بىرگە قادام تاستاۋعا دەيىن جۇڭگو — ۆيەتنام ەكى ەل حالقى باستان ـ اياق قيىندىقتى بىرگە ەڭسەرىپ، بەينەت پەن زەينەتتى بىرگە وتكەرىپ، جۇڭگو — ۆيەتنام دوستىعىنىڭ تاريحي تاراۋىن بىرگە جازدى.
شي جينپيڭ بىلاي دەپ باسا دارىپتەدى: جۇڭگو — ۆيەتنام دوستىعى ەكى ەل حالقىنىڭ ٴبىر ـ بىرىنە قارايلاسۋى بارىسىندا تامىر تارتىپ، وركەن جايدى، ەكى ەل حالقى مەملەكەت تاۋەلسىزدىگى مەن ۇلت ازاتتىعىنا قول جەتكىزۋ سىندى ادىلەتتى ٴىس جولىندا تىزە قوسا شايقاس جاساپ، ”جولداس ۇستىنە باۋىرلاس بولۋ“ سىندى قويۋ دوستىق سۇيىسپەنشىلىككە نارت قىزىل ٴتۇپ بوياۋ بەردى. جۇڭگو — ۆيەتنام دوستىعى ەكى ەل حالقىنىڭ ىنتىماقتاسا سەلبەسۋى بارىسىندا گۇل اشىپ، جەمىس بەردى، ەكى جاق ”التى اناعۇرلىم“ جالپى تۇلعالىق نىساناسىن كوزدەپ، ٴبىر ـ ٴبىرىنىڭ ٴوز ەلىنىڭ مەملەكەت جاعدايىنا ۇيلەسەتىن سوتسياليزم جولىمەن ٴجۇرۋىن باتىل قولداپ، سوتسياليستىك قۇرىلىس ىستەرىنىڭ تىڭ تابىستارىنا ۇزدىكسىز قول جەتكىزدى. جۇڭگو — ۆيەتنام دوستىعى ەكى ەل حالقىنىڭ ورتاق تالپىنىسى بارىسىندا جالعاسىپ، ارلەنىپ، ەكى جاق الەمدىك دامۋ باستاماسىن، الەمدىك حاۋىپسىزدىك باستاماسىن، الەمدىك وركەنيەت باستاماسىن بەلسەنە امالياتتا ايگىلەپ، حالىقارالىق ادىلدىكتى، ادىلەتتىلىكتى باتىل قورعاپ، باستان ـ اياق تاريحتىڭ دۇرىس جاعىندا، ٴداۋىردىڭ العا باسۋ جاعىندا باتىل تۇرىپ، ازيا جانە دۇنيە ٴجۇزى ٴۇشىن اناعۇرلىم كوپ وڭ ەنەرگيا ازىرلەدى.
شي جينپيڭ بىلاي دەپ اتاپ كورسەتتى: حالىق — تاريحتىڭ جاراتۋشىسى، ەكى ەل حالقىنىڭ قۋاتتاۋى مەن قولداۋى — جۇڭگو — ۆيەتنام تاعدىرلاس ورتاق تۇلعاسىن قۇرۋدىڭ بەرىك نەگىزى. جاستار — ىستەرىمىزدىڭ بولاشاعى جانە ٴۇمىتى. جۇڭگو جاق الداعى 3 جىلدا ۆيەتنام جاستارىن جۇڭگوعا كەلىپ ”قىزىل زەرتتەۋ، ۇيرەنۋ ساپارىن“ ورىستەتىپ، ەكى پارتيانىڭ، ەكى ەلدىڭ اعا بۋىن باسشىلارىنىڭ توڭكەرىس ٴىزىن بويلاپ، جۇڭگو — ۆيەتنام دوستىعىنىڭ قىزىل گەنى جونىندە ىزدەنىس جاساپ، جۇڭگو ۇلگىسىندەگى وسىزامانداندىرۋدىڭ سان الۋان كەلبەتىن سەزىنىپ، ەكى ەلدىڭ وزدەرىنىڭ سوتسياليزم ىستەرى جانە ستراتەگيالىق مانگە يە جۇڭگو — ۆيەتنام تاعدىرلاس ورتاق تۇلعاسىن قۇرۋ ٴۇشىن جاستىق كۇش ـ قۋاتتارىن ۇيىستىرۋعا ۇسىنىس ەتەدى.
سۋ لين مىنالاردى ٴبىلدىردى: باس شۋجي، مەملەكەت ٴتوراعاسى شي جينپيڭ ۆيەتنامدا تاريحي سيپاتتى ساپاردا بولعان، ەكى ەلدىڭ ديپلوماتيالىق قارىم ـ قاتىناس ورناتقاندىعىنىڭ 75 جىلدىعىن جانە گۋمانيتارلىق اۋىس ـ كۇيىس جىلىن بىرلىكتە قۇتتىقتاعان ساتتە، جۇڭگو — ۆيەتنام حالىقتارىنىڭ كولەمدى بىرلەسكەن ساۋىق وتكىزۋى ماڭىزدى مانگە يە. دوستىق سەلبەستىك بۇرىننان جۇڭگو — ۆيەتنام قارىم ـ قاتىناسىنىڭ نەگىزگى اعىمى، جۇڭگو پارتياسى، ۇكىمەتى جانە حالقى ۆيەتنامنىڭ ۇلت تاۋەلسىزدىگى، مەملەكەت تۇتاستىعى مەن قۇرىلىسى بارىسىندا قالتقىسىز كومەك كورسەتتى، ۆيەتنام جاق مۇنى قاي ـ قاشان دا ەسىندە بەرىك ساقتايدى. ستراتەگيالىق مانگە يە تاعدىرلاس ورتاق تۇلعا قۇرۋ ۆيەتنام — جۇڭگو قارىم ـ قاتىناسىنىڭ تىڭ ساتىعا كوتەرىلۋىنە جەتەكشىلىك ەتەدى ٴارى ادامزاتتىڭ دامۋى مەن العا باسۋىنا ماڭىزدى ۇلەس قوسادى. جاستار — ەكى ەلدىڭ ٴداستۇرلى دوستىعىن جالعاستىرۋدىڭ جانە دامىتۋدىڭ ٴۇمىتى. ۆيەتنام مەن جۇڭگو جاستارى تاريحي بورىش ارقالاپ، ەكى ەلدىڭ سان ۇرپاق باسشىلارى وزدەرى قاتىناسىپ جاراتقان جانە جەتىلدىرگەن ٴداستۇرلى دوستىقتى ۇرپاقتان ـ ۇرپاققا جالعاستىرۋى كەرەك؛ ۆيەتنام جاستارى جۇڭگوعا بارىپ ”قىزىل زەرتتەۋ، ۇيرەنۋ ساپارى“ قيمىلىن ويداعىداي ورىستەتىپ، ەكى ەلدىڭ ”جولداس ۇستىنە باۋىرلاس بولعان“ دوستىق سۇيىسپەنشىلىگىن تەرەڭدەتۋى كەرەك؛ ٴورىس اشا جاڭالىق اشىپ، ىنتىماقتاسا سەلبەسىپ، دامۋدى بىرگە جوسپارلاپ، ەكى ەلدىڭ وسىزامانداندىرۋدى جۇزەگە اسىرۋىندا نەگىزگى كۇش رولىن ساۋلەلەندىرۋى كەرەك.
قيمىلدىڭ الدىندا شي جينپيڭ سۋ ليننىڭ، لياڭ چياڭنىڭ سەرىك بولۋىندا جۇڭگو مەن ۆيەتنامنىڭ ديپلوماتيالىق قارىم ـ قاتىناس ورناتقاندىعىنىڭ 75 جىلدىعى سۋرەت كورمەسىن تاماشالاپ، جۇڭگو — ۆيەتنام ەكى جاق دوستىق بارىس ـ كەلىسىنىڭ قىمباتتى كورىنىستەرىن قايتالاي ەسكە ٴتۇسىردى.
قيمىلدان سوڭ شي جينپيڭ جانە سۋ لين، لياڭ چياڭ ”قىزىل زەرتتەۋ، ۇيرەنۋ ساپارى“ نىسانىن بىرگە باستادى. شي جينپيڭ سۋ لينمەن، فان ميڭجىڭمەن بىرگە جۇڭگو — ۆيەتنام تەمىر جولى سەلبەستىك مەحانيزمىنىڭ ىسكە قوسىلۋ سالتىنا بىرگە كۋا بولدى.
ساي چي، ۋاڭ ي، ۋاڭ شياۋحۇڭ قاتارلىلار جوعارىداعى قيمىلعا قاتىناستى.
