جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ، ورتالىق اسكەري ىستەر كوميتەتىنىڭ
يە گۋاڭفۋعا ”2 ـ دارەجەلى عارىش ۇلەسكەرى مەدالىن“ بەرۋ، لي سۇڭعا، لي گۋاڭسۋعا ”قاھارمان عارىشكەر“ داڭق اتاعىن بەرۋ جانە ”3 ـ دارەجەلى عارىش ۇلەسكەرى مەدالىن“ بەرۋ جونىندەگى قاۋلىسى
(2025 ـ جىلى 1 ـ ايدىڭ 23 ـ كۇنى)
2024 ـ جىلى 4 ـ ايدىڭ 25 ـ كۇنى شىنجوۋ _ 18 عارىشكەرلى الەم كەمەسى ٴساتتى ۇشىرىلىپ، عارىشكەرلەر يە گۋاڭفۋ، لي سۇڭ، لي گۋاڭسۋ الەم كەمەسىنە وتىرىپ، تيانحى وزەكتى بولمەسىنە ٴساتتى جايعاسىپ، وربيتادا 6 اي ايالداپ، ىلگەرىندى ـ كەيىندى 2 رەت كەمە بولمەسىنەن شىعىپ قيمىل جاساپ، 6 رەت جۇك تيەيتىن گاز تيەكتى بولمەگە كىرۋ ـ شىعۋ مىندەتىن اتقارىپ، كەڭىستىك بەكەتىن قۇرۋ، دەڭگەيىن كوتەرۋ، قورعاۋ، جوندەۋگە قاتىستى 80 نەشە ٴتۇرلى مىندەتتى ورىنداپ، 100گە جۋىق كەڭىستىك عىلمي تاجىريبەسىن جانە قولدانىلمالى كوتەرىمدىلىك وربيتا تاجىريبەسىن (سىناعىن) ورىستەتىپ، 2024 ـ جىلى 11 ـ ايدىڭ 4 ـ كۇنى امان ـ ەسەن ورالدى. شىنجوۋ _ 18 ادام الىپ ۇشۋ مىندەتى _ ەلىمىز عارىشقا ادام الىپ ۇشۋ ينجەنەرياسىنىڭ كەڭىستىك بەكەتىن قولدانۋ جانە دامىتۋ كەزەڭىنە وتكەننەن كەيىنگى 3 ـ رەتكى ادام الىپ ۇشۋ مىندەتى، جۇڭگو عارىشكەرلەرىنىڭ ٴبىر رەتكى مىندەتتە وربيتادا جالعاستى ۇشۋ ۋاقىت ۇزاقتىعىنىڭ، ٴبىر رەتكى كەمە بولمەسىنەن شىعىپ قيمىل جاساۋ ۋاقىتىنىڭ رەكوردىن جاڭالاپ، ەلىمىزدىڭ وربيتاداعى سۋ تىرشىلىك ەكولوگياسىن زەرتتەۋ نىسانىن تۇڭعىش رەت ٴساتتى ورىنداپ، حالىقارادا تۇڭعىش رەت وسىمدىك ساباعىنىڭ ۇشىنداعى نەگىز كلەتكا قىزمەتىن وربيتادا زەرتتەۋدى اتقاردى، بۇل جۇڭگو عارىش ىستەرىنىڭ جوعارى دەڭگەيدەگى عىلىم ـ تەحنولوگيادا ٴوز كۇشىنە سۇيەنۋدە، ٴوزىن الۋەتتەندىرۋدە تىڭ قادام تاستاعاندىعىن اڭعارتىپ، ەلىمىزدىڭ جالپىلىق مەملەكەت قۋاتىن جوعارىلاتۋدا جانە جۇڭحۋا ۇلتىنىڭ ۇيىسۋ قۋاتىن كۇشەيتۋدە، بارلىق جۇڭحۋا پەرزەنتتەرىنىڭ ۇلتتىق سەنىمى مەن ماقتانىش سەزىمىن ونان ارى كۇشەيتۋدە، بۇكىل پارتيانى، بۇكىل ارميانى، بۇكىل ەلدەگى ٴار ۇلت حالقىن ىنتىماقتاسا العا باسۋعا، قايراتتانا العا ىلگەرىلەۋگە جىگەرلەندىرۋ جونىنەن كەلەلى ٴمان الادى.
شىنجوۋ _ 18دىڭ ادام الىپ ۇشۋ مىندەتىنىڭ تولىق تابىستى بولۋىنا قالىڭ عىلىم ـ تەحنولوگيا قىزمەتكەرلەرىنىڭ، عارىشكەرلەردىڭ، كادرلار مەن جۇمىسشى ـ قىزمەتكەرلەردىڭ، ازاتتىق ارميا كوماندير ـ جاۋىنگەرلەرىنىڭ اقىل ـ پاراساتى مەن جۇرەك قانى سىڭگەن. يە گۋاڭفۋ، لي سۇڭ، لي گۋاڭسۋ جولداستار وسىلاردىڭ ۇزدىك ۋاكىلى، ولار مىزعىماس نيەتپەن پارتياعا ىلەسىپ، وتاننىڭ ٴۇمىتىن اقتاۋعا بەل بايلاپ، قايراتتانا العا ۇمتىلىپ، ىنتىماقتاسا سەلبەسىپ، دۇنيە جۇزىنە قۇدىرەتتى جۇڭگو رۋحىن، جۇڭگو كۇشىن ايگىلەدى. يە گۋاڭفۋ جولداس اراعا 2 جىل سالىپ، تاعى دا عارىش كەڭىستىگىنە شىعىپ ٴارى بۇيرىق بەرۋشى مىندەتىن اتقارىپ، ەلىمىزدەگى جالپى ۇشۋ ۋاقىتى ٴبىر جىلدان اسقان تۇڭعىش عارىشكەرگە اينالدى. لي سۇڭ جولداس شوگەلدىكپەن جاتتىعۋ جاساپ، قاجىرلىلىقپەن شىڭدالىپ، داڭقپەن شىنجوۋ _ 18 ۇشۋ گرۋپپاسىنا تاڭدالىپ، ارقالاعان مىندەتىن ايتا قالسىن ورىندادى. لي گۋاڭسۋ جولداس سالماقتى، كەسكىن، اۋىر مىندەتتى باتىلدىقپەن ارقالاپ، تۇڭعىش رەت كەمە بولمەسىنەن شىققاندا ـ اق تۇڭعىش رەتكى كەڭىستىك بەكەتىندەگى كەڭىستىك جارقىشاق ـ قالدىقتارىنان قورعانۋ قۇرىلعىسىن ورناتۋ مىندەتىن تابىسپەن ورىندادى. ولاردىڭ ەلىمىزدىڭ عارىشقا ادام الىپ ۇشۋ ىستەرىنە قوسقان ەرەن ەڭبەكتەرىن ماراپاتتاۋ ٴۇشىن، جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى يە گۋاڭفۋ جولداسقا ”2 ـ دارەجەلى عارىش ۇلەسكەرى مەدالىن“ بەرۋدى، لي سۇڭ، لي گۋاڭسۋ جولداستارعا ”قاھارمان عارىشكەر“ داڭق اتاعىن بەرۋدى جانە ”3 ـ دارەجەلى عارىش ۇلەسكەرى مەدالىن“ بەرۋدى ۇيعاردى.
يە گۋاڭفۋ، لي سۇڭ، لي گۋاڭسۋ جولداستار _ اۋەلگى ماقساتتى ۇمىتپاي، بورىشتى ەستە بەرىك ساقتاپ، ارداقتى ىسكە وزدەرىن ارناعان ٴداۋىر اۆانگاردتارى، الەمدى زەرتتەۋدىڭ، عارىش كەڭىستىگى ارمانىنا قانات قاعۋدىڭ، عارىش ىستەرىندە قۋاتتى ەل قۇرۋدىڭ ونەگەلى ۇلگىلەرى. پارتيا ورتالىق كوميتەتى مىناعان ۇندەدى: بۇكىل پارتيا، بۇكىل ارميا، بۇكىل ەلدەگى ٴار ۇلت حالقى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ماراپاتتالعان عارىشكەرلەردى ونەگە ەتىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ەكى بومبى، ٴبىر جاساندى سەرىك“ رۋحى مەن عارىشقا ادام الىپ ۇشۋ رۋحىن بار كۇشپەن اسقاقتاتىپ، قايراتتانا العا ۇمتىلىپ، تۋراشىلدىقتان اينىماي جاڭالىق اشىپ، كۇش ۇستىنە كۇش قوسىپ، قولايلى ساتتەن پايدالانىپ العا ۇمتىلىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزەيىك!