جۇڭگو كوممۋنيستىك پارتياسى ورتالىق كوميتەتى اتىنان دەموكراتيالىق پارتيا ـ توپتاعىلارعا، ساۋدا ـ ونەركاسىپشىلەر بىرلەستىگىندەگىلەرگە جانە پارتيادا، توپتا جوق قايراتكەرلەرگە، بىرلىكساپتىڭ قالىڭ مۇشەلەرىنە ىقىلاستى سالەم جولدادى جانە كوكتەم مەرەكەسى بايلانىسىمەن باقىت تىلەدى
ۋاڭ حۋنيڭ، ساي چي قاتىناستى

1-ايدىڭ 20-كۇنى، شي جينپيڭ، ۋاڭ حۋنيڭ، ساي چي قاتارلىلار بەيجيڭ حالىق سارايىندا پارتيا سىرتىنداعى قايراتكەرلەرمەن ءبىر ارادا شاتتىقپەن باس قوسىپ، مەرەيلى مەرەكەنى بىرگە قارسى الدى.
□سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن
شينحۋا اگەنتتىگىنىڭ 1 ـ ايدىڭ 20 ـ كۇنى بەيجيڭنەن بەرگەن حابارى. جۇڭحۋا ۇلتىنىڭ ٴداستۇرلى مەرەكەسى يسى جىلان جىلعى كوكتەم مەرەكەسى كەلۋ قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 1 ـ ايدىڭ 20 ـ كۇنى تۇستەن كەيىن حالىق سارايىندا دەموكراتيالىق پارتيا ـ توپتاردىڭ ورتالىق كوميتەتتەرىنىڭ، مەملەكەتتىك ساۋدا ـ ونەركاسىپشىلەر بىرلەستىگىنىڭ جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن ٴبىر ارادا شاتتىقپەن باس قوسىپ، مەرەيلى مەرەكەنى بىرگە قارسى الدى. شي جينپيڭ جۇڭگو كوممۋنيستىك پارتياسى ورتالىق كوميتەتى اتىنان دەموكراتيالىق پارتيا ـ توپتاعىلارعا، ساۋدا ـ ونەركاسىپشىلەر بىرلەستىگىندەگىلەرگە جانە پارتيادا، توپتا جوق قايراتكەرلەرگە، بىرلىكساپتىڭ قالىڭ مۇشەلەرىنە ىقىلاستى سالەم جولدادى جانە كوكتەم مەرەكەسى بايلانىسىمەن باقىت تىلەدى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ٴتوراعاسى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي قاتىناستى.
جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ٴتوراعاسى جىڭ جيانباڭ، جۇڭگو دەموكراتيالىق وداعى ورتالىق كوميتەتىنىڭ ٴتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ٴتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ٴتوراعاسى ساي دافىڭ، جۇڭگو شارۋا ـ جۇمىسشى دەموكراتيالىق پارتياسى ورتالىق كوميتەتىنىڭ ٴتوراعاسى حى ۋي، جۇڭگو ادىلەت پارتياسى ورتالىق كوميتەتىنىڭ ٴتوراعاسى جياڭ زوجۇن، ”3 ـ قىركۇيەك“ ٴىلمي قوعامى ورتالىق كوميتەتىنىڭ ٴتوراعاسى ۋ ۋيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ٴتوراعاسى سۋ حۇي، مەملەكەتتىك ساۋدا ـ ونەركاسىپشىلەر بىرلەستىگىنىڭ ٴتوراعاسى گاۋ يۇنلۇڭ جانە پارتيادا، توپتا جوق قايراتكەرلەردىڭ ۋاكىلى شيە شياۋلياڭ، شۇي ۋيگاڭ قاتارلىلار ۇسىنىس بويىنشا قاتىناستى. مەملەكەتتىك ساياسي كەڭەستىڭ ورىنباسار ٴتوراعالارى حى حوۋحۋا، لياڭ جىنيىڭ، باسشىلىق قىزمەت ورنىنان شەگىنگەن دەموكراتيالىق پارتيا ـ توپتاردىڭ ورتالىق كوميتەتتەرىنىڭ، مەملەكەتتىك ساۋدا ـ ونەركاسىپشىلەر بىرلەستىگىنىڭ بۇرىنعى ٴتوراعالارى، ٴبىرىنشى ورىنباسار ٴتوراعالارى جانە ۇنەمىلىك ىستەرگە جاۋاپتى ورىنباسار ٴتوراعالارى دا ۇسىنىس بويىنشا قاتىناستى.
ساي دافىڭ دەموكراتيالىق پارتيا ـ توپتاردىڭ ورتالىق كوميتەتتەرى، مەملەكەتتىك ساۋدا ـ ونەركاسىپشىلەر بىرلەستىگى مەن پارتيادا، توپتا جوق قايراتكەرلەر اتىنان ارناۋ ٴسوز سويلەدى. ول مىنالاردى ٴبىلدىردى: 2024 ـ جىلى شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى بۇكىل ەلدەگى ٴار ۇلت حالقىن ىنتىماقتاستىرىپ، باستاپ، تۋدى بيىك ۇستاپ، ەكپىندەي العا ىلگەرىلەپ، جۇڭگو كوممۋنيستىك پارتياسى 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسىن جەڭىسپەن اشىپ، رەفورمانى ونان ارى جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ كەلەلى ۇيعارىمىن جاساپ، سىن ـ سايىستارعا سالماقتىلىقپەن توتەپ بەرىپ، رەفورما جاساۋدا، دامۋدا وڭاي ـ وسپاق قول جەتپەيتىن تىڭ تابىستارعا يە بولدى. جاڭا ٴبىر جىلدا دەموكراتيالىق پارتيا ـ توپتار، ساۋدا ـ ونەركاسىپشىلەر بىرلەستىگى جانە پارتيادا، توپتا جوق قايراتكەرلەر شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىمەن وسكەلەڭ ٴبىر اۋىزدىلىقتى ساقتاپ، نازاردى پارتيا مەن مەملەكەتتىڭ وزەكتى قىزمەتىنە شوعىرلاندىرىپ، اقىل ـ پاراساتتى شوعىرلاندىرىپ، كۇش ـ قۋات توپتاپ، ۇكىمەت ىسىنە اقىل ـ كەڭەس بەرىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋ ۇلى ٴىسىنىڭ جاڭا تاراۋىن بىرگە جازۋى كەرەك.
ساي دافىڭنىڭ ارناۋ ٴسوزىن تىڭداعاننان كەيىن، شي جينپيڭ ماڭىزدى ٴسوز سويلەدى. ول بىلاي دەپ باسا دارىپتەدى: 2024 ـ جىل _ ٴبىز قامال الىپ، قيىنشىلىقتاردى جەڭىپ، قايراتتانا العا ىلگەرىلگەن ٴبىر جىل بولدى. ٴبىر جىلدان بەرى، جۇڭگو كوممۋنيستىك پارتياسى ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ، باستاپ، وزگەرىسكە بايىپتىلىقپەن توتەپ بەرىپ، كەشەندى شارا قولدانىپ، ەكونوميكالىق، قوعامدىق دامۋدىڭ باستى نىسانا ـ مىندەتتەرىن ٴساتتى ورىنداپ، جۇڭگو ۇلگىسىندەگى وسىزامانداندىرۋدا تىڭ دا نىق قادام تاستادى. ٴبىز ٴار دارەجە، ٴارقايسى جاقتاردىڭ ٴتيىمدى شارت ـ جاعدايدى جانە ٴتيىمسىز فاكتورلاردى دۇرىس يگەرۋىنە جەتەكشىلىك ەتىپ، ستراتەگيالىق تاباندىلىقتى ساقتاپ، ٴسوز جوق، جەڭىسكە جەتۋ سەنىمىن نىعايتتىق. ٴبىز قازىر بار ٴتۇرلى ساياساتتاردى ٴونىمدى تياناقتاندىرىپ، ٴبىر قىدىرۋ تىڭنان قوسىلعان ساياساتتاردى كۇش قوسا شىعاردىق، جوعارى ساپالى دامۋدى تىڭعىلىقتى ىلگەرىلەتتىك، ەلىمىز ەكونوميكاسى جاندانىپ، جاقسارۋعا قاراي بەت الىپ، ىشكى ٴوندىرىس جالپى ٴونىم قۇنى %5 ارتتى. ٴبىز دەربەس جاڭالىق اشۋدى كۇشەيتىپ، عىلىم ـ تەحنولوگيانىڭ الدىڭعى لەگىندە ٴبىر قىدىرۋ جاڭا سەرپىلىستەردى جۇزەگە اسىرىپ، جاڭاشا وندىرگىش كۇشتەردىڭ دامۋىن پارمەندى جەبەدىك. ٴبىز رەفورمانى ونان ارى جاپپاي تەرەڭدەتىپ، ٴتۇرلى ىستەردى سايكەستى قاتار ىلگەرىلەتۋگە باسا ٴمان بەردىك، حالىق تۇرمىسىن قامتاماسىز ەتۋ تىڭعىلىقتى دا پارمەندى بولىپ، حالىق بۇقاراسى ٴتىپتى دە مول تابىس سەزىمىنە يە بولدى. ٴبىز دامۋ مەن حاۋىپسىزدىكتى ٴبىر تۇتاس جوسپارلادىق، قوعامدىق كەلەلى جاعدايدا ورنىقتىلىقتى ساقتادىق. ٴبىز جۇڭگوشا ٴىرى ەل ديپلوماتياسىن ىشكەرىلەي ىلگەرىلەتىپ، دۇنيە ٴجۇزىنىڭ بەيبىتشىلىگىن، ورنىقتىلىعىن قورعاۋعا، ادامزاتتىڭ دامۋىن، العا باسۋىن جەبەۋگە ٴتىپتى دە مول وڭ ەنەرگيا ۇستەدىك. ٴبىز پارتيا ٴتارتىبىن ۇيرەنۋ تاربيەسىن تىڭعىلىقتى ورىستەتىپ، تاباندىلىقپەن ستيلدى دۇرىستاپ، ٴتارتىپتى قاتايتىپ، شىرىكتەسۋگە قارسى تۇردىق، پارتيا ستيلى، ۇكىمەت ستيلى ۇزدىكسىز جاقساردى. وسى ناتيجەلەرگە قول جەتكىزۋ جۇڭگو كوممۋنيستىك پارتياسىنىڭ پارمەندى باسشىلىعىنىڭ جەمىسى، سونىمەن بىرگە دەموكراتيالىق پارتيا ـ توپتاعىلاردى، ساۋدا ـ ونەركاسىپشىلەر بىرلەستىگىندەگىلەردى جانە پارتيادا، توپتا جوق قايراتكەرلەردى قامتىعان بۇكىل ەلدەگى ٴار ۇلت حالقىنىڭ ىنتىماقتاسا كۇرەس جۇرگىزىپ، قايسارلىقپەن شايقاس جاساعاندىعىنىڭ جەمىسى.
شي جينپيڭ بىلاي دەپ اتاپ كورسەتتى: 2024 ـ جىل _ كوپ پارتيا سەلبەستىگى ىستەرى تۋراشىلدىقتان اينىماي جاڭالىق اشىپ، قارىشتاپ دامىعان ٴبىر جىل دا بولدى. ٴارقايسى دەموكراتيالىق پارتيا ـ توپتاعىلار جانە پارتيادا، توپتا جوق قايراتكەرلەر جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن جاپپاي دايەكتىلەندىرىپ، نازاردى جۇڭگو ۇلگىسىندەگى وسىزامانداندىرۋدى ىلگەرىلەتۋگە شوعىرلاندىرىپ، بەلسەنە سىندارلى اقىل ـ كەڭەس بەرىپ، دەموكراتيالىق باقىلاۋدى كۇشەيتىپ، جۇڭگو كوممۋنيستىك پارتياسى ورتالىق كوميتەتىنىڭ عىلمي شەشىم جاساۋىندا، ٴونىمدى شارا اتقارۋىندا بەلسەندى رول اتقاردى. مەملەكەتتىك ساۋدا ـ ونەركاسىپشىلەر بىرلەستىگى حالىقتىق شارۋاشىلىقتىڭ دامۋىن، زورايۋىن جەبەۋدى قولداۋ ساياساتىن تياناقتاندىرۋدى ىلگەرىلەتۋگە دەم بەرىپ، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن، جالپىلىق مەنشىككە جاتپايتىن شارۋاشىلىق قايراتكەرلەرىنىڭ اقاۋسىز جەتىلۋىن جەبەۋ ٴۇشىن قىرۋار قىزمەت ىستەدى. ول جۇڭگو كوممۋنيستىك پارتياسى ورتالىق كوميتەتى اتىنان كوپشىلىككە شىن جۇرەكتەن العىس ايتتى!
شي جينپيڭ بىلاي دەپ باسا دارىپتەدى: 2025 ـ جىل _ ”14 ـ بەسجىلدىق“ جوبا اياقتالاتىن جىل. ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، اناعۇرلىم بەلسەندى دە ٴونىمدى ماكرولىق ساياسات اتقارىپ، جوعارى ساپالى دامۋدى بار زەيىندى سالىپ ويداعىداي يگەرىپ، جوعارى دەڭگەيلى عىلىم ـ تەحنولوگيادا ٴوز كۇشىنە سۇيەنۋدى، ٴوزىن الۋەتتەندىرۋدى ىلگەرىلەتىپ، ەكونوميكالىق، قوعامدىق دامۋدىڭ تاماشا تەبىنىن ساقتاپ، ”14 ـ بەسجىلدىق“ جوبانىڭ نىسانا ـ مىندەتتەرىن تابىسپەن ورىنداپ، ”15 ـ بەسجىلدىقتا“ تاماشا باستاما اشۋعا بەرىك نەگىز قالاۋ كەرەك. ٴارقايسى دەموكراتيالىق پارتيا ـ توپتار، ساۋدا ـ ونەركاسىپشىلەر بىرلەستىگى جانە پارتيادا، توپتا جوق قايراتكەرلەر وزەكتى ارقاۋ ەتىپ، كەلەلى جاعدايعا قىزمەت وتەپ، وزدەرىنىڭ باسىمدىقتارىن ساۋلەلەندىرىپ، اناعۇرلىم كەڭ كولەمدە جۇرت تىلەگىن ۇيىستىرۋى، ورتاق تانىم ۇيىستىرۋى، اقىل ـ پاراسات ۇيىستىرۋى، كۇش ـ قۋات ۇيىستىرۋى كەرەك.
شي جينپيڭ دەموكراتيالىق پارتيا ـ توپتارعا، ساۋدا ـ ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە مىناداي 3 ٴتۇرلى ٴۇمىت ارتتى. ٴبىرىنشى، ساياسي دەڭگەيدى جوعارىلاتىپ، سەنترلەس شەڭبەردى ونان ارى ويداعىداي سىزۋ كەرەك. جۇڭگو كوممۋنيستىك پارتياسىنىڭ باسشىلىعى سىندى جۇڭگونىڭ جاڭاشا ساياسي پارتيا ٴتۇزىمىنىڭ ٴتۇبىرلى ەرەكشەلىگىن مىقتاپ يگەرىپ، جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، سەنىمدى كۇشەيتۋ، جۇرت تىلەگىن توعىستىرۋ، جۇرت جۇرەگىنە مەيىر سيلاۋ، ٴبىر نيەت، ٴبىر تىلەكتە بولۋ قىزمەتتەرىن كوبىرەك ىستەپ، ٴار جاقتاعى بەلسەندى فاكتورلاردى دامۋ ونىمدىلىگىنە شىنايى اينالدىرۋ كەرەك. ەكىنشى، وزەكتى قىزمەتپەن تىعىز بايلانىستىرىپ، بەلسەنە كەڭەس بەرىپ كۇش شىعارۋ كەرەك. رەفورمانى ونان ارى جاپپاي تەرەڭدەتۋ، جوعارى ساپالى دامۋدى ىلگەرىلەتۋ، ”15 ـ بەسجىلدىق“ جوبا ۇسىنىسىن جاساۋ سياقتىلاردى تىعىز ارقاۋ ەتە وتىرىپ ىشكەرىلەي تەكسەرۋ ـ زەرتتەۋ جۇرگىزۋ، ۇكىمەت ٴىسىن اقىلداسىپ، نازاردى ۇزدىكسىز چاڭجياڭنىڭ ەكولوگيالىق ورتاسىن قورعاۋ سىندى ٴتۇيىندى، قيىن ماسەلەلەرگە شوعىرلاندىرىپ، دەموكراتيالىق باقىلاۋ ورىستەتۋ كەرەك. مەملەكەتتىك ساۋدا ـ ونەركاسىپشىلەر بىرلەستىگى حالىقتىق شارۋاشىلىق قايراتكەرلەرىن شارۋاشىلىق قۇرۋ قىزۋ ىنتاسىنان جازباۋعا، دامۋ سەنىمىن سەرپىلتۋگە جەتەكتەپ، حالىق باسقارۋىنداعى كاسىپورىنداردى جۇڭگوشا وسى زامانعى كاسىپورىن ٴتۇزىمىن ورناتىپ جانە كەمەلدەندىرىپ، جوعارى ساپالى دامۋدى قۇلشىنا جۇزەگە اسىرۋعا جەتەكتەۋى كەرەك. ٴۇشىنشى، وزىندىك قۇرىلىستى كۇشەيتىپ، مىندەت وتەۋ قابىلەتىن جوعارىلاتۋ كەرەك. ساياسي جەتەكشىلىكتى كورنەكتىلەندىرىپ، قالىڭ مۇشەلەردى اۋەلگى ماقساتتى، بورىشتى ۇمىتپاۋعا، تاڭداۋلى ٴداستۇردى جالعاستىرىپ، ەكپىندەي ىلگەرىلەۋ كۇش ـ قۋاتىن قابىلداۋعا جەتەكتەۋ، شابىتتاندىرۋ كەرەك. ٴتارتىپتى ۇيرەنۋ تاربيەسى جەتىستىگىن بەكەمدەپ، تەرەڭدەتىپ، جۇڭگو كوممۋنيستىك پارتياسى ورتالىق كوميتەتىنىڭ 8 ٴتۇرلى بەلگىلەمەسىنىڭ رۋحىن ۇزدىكسىز تياناقتاندىرىپ، ستيلدە بۇرىلىس جاساۋدى ىلگەرىلەتىپ، تاماشا ساياسي ەكولوگيانى بەكەمدەۋ، دامىتۋ كەرەك.
شى تايفىڭ، ٴارقايسى دەموكراتيالىق پارتيا ـ توپتار ورتالىق كوميتەتتەرىنىڭ، مەملەكەتتىك ساۋدا ـ ونەركاسىپشىلەر بىرلەستىگىنىڭ قاتىستى جاۋاپتىلارى، ورتالىقتىڭ قاتىستى تاراۋلارىنداعى جاۋاپتى جولداستار قيمىلعا قاتىناستى.